Canon Flatbed Scanner Unit 101
Скенери за брзо скенирање документи

Едноставен за поврзување преку USB кабел, изборната единица за скенирање 101 со рамно лежиште работи со голем опсег на скенери од серијата DR на Canon*. Идеален за поврзани и чувствителни документи, тој нуди 50% поголема продуктивност отколку сличните конкурентни производи. Отвореното скенирање со голема брзина и голема резолуција (1200 dpi) е поддржано со посебен капак кој може да се прилагодува и контрола на амбиенталното осветлување.

Карактеристики

• Разновидно USB поврзување со голем опсег на imageFORMULA скенери
• До 50% поголема продуктивност преку скенирање со голема брзина
• Континуирано отворено скенирање со користење на уникатен режим за поништување на амбиенталната светлина
• Флексибилност со прилагодливиот капак за ралични видови и големини на документи, сè до правни големини
• Висококвалитетно скенирање со 1200 dpi и напредни функции за обработка на слика
• Беспрекорно двојно скенирање за создавање на еден документ

Едноставно поврзување, беспрекорно ракување
Единицата за скенирање 101 со рамно лежиште може да се поврзе со голем опсег на скенери од серијата DR на Canon за да обезбеди лесно и разновидно скенирање на материјали кои може да се скенираат со автоматски механизам за снабдување со документи. Идеален за скенирање книги, списанија и поврзани или чувствителни материјали, скенерот со рамно лежиште обезбедува корисна опција за скенирање со голема брзина и голема резолуција. Лесно пренослив во канцеларијата за употреба со разни скенери од Canon, тој може да се складира кога не е потребен и да ослободи простор.

За најдобри поврзувања со целата палета
За поголема разновидност, скенерот со рамно лежиште може да се поврзе преку USB со речиси сите скенери од серијата DR на Canon: одлично за ситуации кога ви е потребно повремено скенирање со рамно лежиште во комбинација со вашиот вообичаен сериски скенер од Canon.

Поголема продуктивност
Доколку го поврзете со скенерите со голема брзина од Canon, единицата за скенирање 101 со рамно лежиште обезбедува зголемена продуктивност. Огромните брзини за скенирање со рамно лежиште, со кои за помалку од три секунди се скенира A4 страница, ви заштедуваат 50% повеќе време од повеќето конкурентни скенери со рамно лежиште. Може да скенирате до легална големина (216 x 356mm) или мала големина како за пасоши или визит картички, идеално во ситуации кога треба брзо и ефикасно да снимите голем број на елементи.

Лесно, отворено скенирање
Уникатниот режим за поништување на амбиенталната светлина ви гарантира исти висококвалитетни слики без разлика дали капакот на скенерот е отворен или затворен. Оваа функција е одлична за зголемување на продуктивноста кога ви е потребно брзо скенирање на голем обем.

Импресивен квалитет на слика
За неверојатен квалитет на слика, скенерот со рамно лежиште се одликува со висока оптичка резолуција – 1200 dpi. Исто така, се одликува со богата палета на функции за обработка на слика кои се достапни кај скенерите за документи од серијата DR, како што се автоматско препознавање на боја, автоматско менување на големина, закосување и препознавање ориентација на текст. Само поставете го вашиот документ на рамното лежиште и оставете го скенерот да ја заврши работата – а тој ќе дава совршени резултати по секое скенирање.

Двојно скенирање на еден документ
Беспрекорниот интерфејс помеѓу скенерите од серијата DR на Canon и единицата за скенирање 101 со рамно лежиште ви овозможува да скенирате и од механизмот за скенирање и од рамното лежиште при една операција. Корисниците можат поефикасно да ги организираат своите документи и да бидат попродуктивни со скенирање на повеќе формати во еден документ.

Еколошки признанија
Единицата за скенирање 101 со рамно лежиште е во согласност со ENERGY STAR – при што користи помалку енергија при функционирањето и ги намалува трошоците.


* Изборната единица за скенирање 101 со рамно лежиште е компатибилна со imageFORMULA DR-2010C, DR-2510C, DR-3010C, DR-4010C, DR-6010C, DR-6050C, DR-7550C и DR-9050C.