Софтвер за управување со отпечатени примероци uniFLOW

Точно мерење на употребата и трошокот по корисник, работна група или оддел – тоа е многу едноставно со софтверот на Канон за управување со отпечатени примероци uniFLOW. Детално известување значи дека можете најефикасно да ги искористите вашите производствени ресурси, со минимизирање на трошоците и стратешко поставување на уредите во деловите каде што тие се најпотребни. Овој софтвер е стандардизиран, а исто така може и да се конфигурира, така што може да се прилагоди на потребите на широка палета деловни активности, дури и на потребите на цели одделенија.

Контролирајте го печатењето

Софтверот за управување со отпечатени примероци uniFLOW е многу повеќе од решение за анализа и известување за печатење – тој е начин за здобивање со целосна контрола врз вашето печатење. Во канцеларијата, неговите  способности за пренасочување овозможуваат работата за печатење да ја пренасочите на најекономичниот уред, во зависност од големината и квалитетот (печатење во црно- бела или во боја). Исто така, во случај на проблеми, тој може да го пренасочи отпечатениот примерок на алтернативни уреди, така што истите не влијаат врз продуктивноста на вработените.

Во корпоративните одделенија за репрографика (ЦРД), способноста за балансирање на оптоварувањето ви овозможува распоредување на работите за печатење на неколку различни уреди за печатење, што гарантира оптимална ефикасност и искористеност.

Софтверот за управување со отпечатени примероци uniFLOW исто така, вклучува и одреден број на дополнителни карактеристики, како што се извршување работи со зголемено ниво на безбедност, компјутерско книговодство, групирање и испишување  на работни картички – сè со цел да ви обезбеди крајна најдобра контрола во печатењето и трошокот.