|
За првпат досега, познатите imagePRESS системи за печатење од Canon ќе ви овозможат да добиете прецизни, повторливи и мерливи перформанси на боите според акредитираниот глобален стандард за валидно печатење ISO/CD 12647-7 : 2009. Клучни предности • Создавање валидни дигитални пробни отпечатоци според глобален стандард
• Прецизни, повторливи, мерливи перформанси на боите
• ISO 12647-7 критериуми за валидно печатење
• Постигнување квалитет и зголемена доверба
• Брзо и ефикасно добивање пробни отпечатоци
• Задржете ги клиентите и привлечете нови Постојани дигитални пробни отпечатоци во боја според глобален стандард
Добивањето постојани прецизни пробни отпечатоци во боја некогаш беше скап процес кој одземаше многу време. За првпат досега, познатите imagePRESS системи за печатење од Canon ќе ви овозможат да добиете прецизни, повторливи и мерливи перформанси на боите според акредитиран глобален стандард. FOGRA е водечко независно име од сферата на воспоставување признати меѓународни стандарди. Работејќи за потребите на ISO, тие развија и воведоа нов глобален стандард за валидно печатење со дигитални уреди, ISO 12647-7. Спроведување на ISO 12647-7
Без оглед дали веќе ја користите imagePRESS технологијата, воведувањето на оваа значителна предност во вашето деловно работење е релативно едноставно со помош на сервисните екипи на Canon. Тие не само што се експерти во нивната област, туку се и целосно акредитирани од страна на FOGRA. Ова значи дека тие ќе работат заедно со вашиот тим, обезбедувајќи ви ја потребната експертиза, технологија, совети за подобрување на процесите и неопходен надзор со цел да се стекнете со посакуваната ISO 12647-7 акредитација. По воспоставувањето, тековното одржување на вашиот дигитален систем за пробни отпечатоци ќе може да се извршува од страна на еден од вашите обучени оператори, кои ќе можат да се обратат до нашата поддршка секогаш кога ќе биде потребно. Со imagePRESS системите од Canon и ISO акредитацијата вие ќе внесете позитивна разлика во вашиот бизнис со печатење:
Висок квалитет и зголемена доверба – Создавајте прецизни пробни отпечатоци во боја по потреба за кое било дигитално или офсет печатење. Вашите клиенти ќе ги одобруваат содржините со апсолутна доверба и ќе бидат сигурни дека квалитетот и постојаноста на боите на крајниот отпечатен материјал ќе се одликуваат со најголема можна прецизност. Брзина и висока ефикасност – За разлика од алтернативите, процесот бара минимално време за подготовка или трошоци, при што добивањето на секој дигитален пробен отпечаток е мошне едноставно. Ова значи побрзо генерирање на пробните отпечатоци, побрзо прифаќање и повисока маргина на профит за секој проект. Проширете ја вашата база на клиенти – Со самодоверба понудете дигитално печатење и пробни отпечатоци по потреба на нова група клиенти. Истакнете ги вашите квалификации – Клиентите ќе ве изберат како нивен снабдувач и партнер, знаејќи дека соработуваат со професионална организација која инвестирала во усвојување на глобалниот стандард и е посветена на раст на долги рокови.
|