PowerShot ZOOM од Canon

PowerShot ZOOM од Canon во споредба со…

… паметни телефони, компактни фотоапарати и двогледи.
POWERSHOT ZOOM ОД CANON
PowerShot ZOOM е фотоапарат со потполно нов стил од Canon што содржи објектив со моќен зум вграден во мало куќиште и нуди нови начини за доближување до вашите субјекти и снимање повеќе детали за разлика од повеќето паметни телефони.

PowerShot ZOOM нуди зумирање во чекори од 100 mm, 400 mm и 800 mm¹ со куќиште помало од компјутерско глувче и создава уникатно доживување при фотографирањето. Може удобно да го користите со една рака и полесен е за држење отколку паметен телефон, а сепак нуди снимање на богати и детални слики и Full HD-видеозаписи од субјекти на голема оддалеченост. Тој овозможува поврзување преку Wi-Fi и Bluetooth, практично полнење преку USB-C, моќна стабилизација на слика и импресивна брзина од 10 fps за континуирано фотографирање, па затоа е совршен за снимање семејни забави, спортски настани и диви животни во градината со целосно автоматски режим без напор.
Слики снимени со PowerShot ZOOM

Слики снимени со PowerShot ZOOM

Слики снимени со PowerShot ZOOM

Долг објектив со сериозна моќ во компактно куќиште

PowerShot ZOOM повеќе наликува на џебен телескоп за во една рака што снима фотографии и Full HD-видеозаписи користејќи механизам за зум во чекори што содржи две оптички фокусни должини - 100 mm или 400 mm - и 2x дигитална конверзија за 800 mm. Моменталното избирање помеѓу нивоата на зумирање се врши со поместување на преклопник, за да добиете поблизок приказ од далечните предмети без да го тргнете окото од визирот со неверојатна острина, што е попрактичен за користење при силна сончева светлина бидејќи екранот нема отсјај, за разлика од телефоните.
Затоа, оставете го телефонот во џебот во следната прилика кога ќе сакате да снимите некој момент во далечина. Паметните телефони, иако можат да создадат одлични резултати на мала оддалеченост, често потфрлуваат кога станува збор за фотографирање слики на голема оддалеченост. Некои телефони може да се рекламираат со голем зум, но поради нивниот тенок дизајн се користат комбинации од други технологии како дигитален зум, хибриден зум и преклопен оптички дизајн за да можете да снимате слики и видеозаписи од далечина. Тоа значи дека стабилизацијата на слика е ограничена, а во повеќето случаи нема да го добиете квалитетот на слика што би го добиле со фотоапарат со оригинален објектив од Canon.

PowerShot Zoom е удобен за користење и со една рака. Нема потреба да избирате апликација за снимање на паметниот телефон ниту, пак, да користите два прста за да зумирате и да го обликувате кадарот што претставува ризик за пропуштање на моментот. PowerShot ZOOM ги елиминира овие непријатности и може моментално да се употреби за да ги доловите сите краткотрајни моменти.

Исто како што го чувате паметниот телефон во џеб, така може да чувате и PowerShot ZOOM, бидејќи е лесен и мал и нема да ви тежи како стандарден фотоапарат. Кога ќе го извадите од џеб, закачете го на вашиот рачен зглоб со испорачаната лента за на рачен зглоб наменета за практично држење во рака. А потоа, штом снимите содржина за споделување, поврзете се лесно со апликацијата Canon Connect.
POWERSHOT ZOOM ОД CANON

Слики што се преземаат преку апликацијата Canon Camera Connect во компатибилен паметен телефон заради поголема флексибилност во споделувањето слики на социјалните медиуми.

Помала, полесна и поедноставна алтернатива за компактен зум

Фотоапаратите со зум наменети за патувања нудат многу голем телефото опсег и одличен квалитет на слика, но нивните поголеми димензии и поголема тежина не ги спречуваат да бидат практични - и повеќето од нив не може да се носат во џеб. Кога пешачите и не сакате да носите дополнителна опрема со вас или ви треба елегантен и дискретен уред што ќе ве доближи до моментите, тогаш PowerShot ZOOM е совршен избор бидејќи е брз и може веднаш да зумира за да ги доловите далечните субјекти и детали без напор. Треба само да го вклучите, да го одредите кадарот и да фотографирате - менијата не се сложени, а распоредот на копчињата е практичен.
POWERSHOT ZOOM ОД CANON
PowerShot ZOOM нуди многу голема брзина. Функционира целосно автоматски, што значи дека може да го насочите и да фотографирате без потреба да одлучувате кои се најдобрите поставки. Моќниот процесор DIGIC 8 на фотоапаратот одлучува за сè наместо вас, овозможувајќи ви да уживате во моментот и да снимате извонредно детални слики и Full HD-видеозаписи преку неговиот CMOS-сензор со 12 MP. А благодарение на континуираното фотографирање со брзина од 10 fps, тој е одличен за фотографирање животни или разиграни деца без да ги вознемирите, како во паркот така и во домот.

Моќен како двоглед, но со повеќе намени

Во случај да сте размислувале да купите некој од неверојатните двогледи од Canon со стабилизација на слика, тогаш имајте предвид дека PowerShot ZOOM нуди сличен телефото опсег со функции за фотографирање и снимање Full HD-видеозаписи, а неговите дополнителни функции го прават неопходен придружник за во природа. На пример, може да го поврзете со вашиот телефон за да додавате географски ознаки во фотографиите што сте ги снимиле за време на надворешните авантури, па дури и да споделувате приказ во живо за да можат другите да видат што гледате, овозможувајќи ви да уживате во моментот и да споделувате слики со врвни детали во исто време. Исто така, можно е веднаш да ги споделите вашите спомени. Фотоапаратот е совршен за деновите наменети за училишни спортови, секојдневно набљудување животни и снимање краткотрајни моменти од птици и диви животни во градината, а се одликува со голема брзина и мала тежина, три различни нивоа на зголемување што може да ги избирате моментално, како и многу кратко време на вклучување, за да можете да го вклучите и да фотографирате пред да помине моментот.
PowerShot ZOOM
Маж се поврзува и префрлува слики снимени со PowerShot ZOOM од Canon во својот мобилен уред

Заклучок

Како што заклучивте, PowerShot ZOOM може да понуди повисок квалитет од далечина во споредба со повеќето паметни телефони и може да снима додека вие уживате, за разлика од двогледите. Може да се поврзе со вашиот телефон и да ве доближи до вашиот субјект на нови и возбудливи начини, овозможувајќи ви да уживате во моментот и да го доловите во исто време. Благодарение на неговите практични функции и моменталното вклучување, тој претставува совршен џебен телескоп што секогаш ќе ви биде при рака.

Краток преглед на придобивките

• Зумот со 3 чекори и одлично оптичко зголемување2 ќе ви овозможи да доловувате моменти дури и на оддалеченост од неколку стотици метри.
• Снимајте Full HD-видеозаписи или фотографии со 12 MP и ќе добиете одлични резултати благодарение на оптичката стабилизација на слика со 4 оски и помал замор на очите благодарение на визирот со 2,36 MP што користи напојувана стабилизација на слика.
• Снимајте ги дивите животни на динамични начини благодарение на континуираното фотографирање со брзина од 10 fps, како на пример, фотографирање птици за да им се доловат крилјата во лет.
• Благодарение на малите димензии, полнењето преку USB-C3 и долгото време на работа, тој е идеален за носење во џеб или на рачен зглоб и ви овозможува да ги овековечите моментите со семејството или моментите во дивината што не треба да се пропуштат.
• Со целосната автоматска контрола, фотоапаратот ги проширува вашите видици на многу едноставен начин. Гледајте јасно преку осветлениот визир и лесно менувајте ги основните поставки во едноставното мени.
• Споделете го приказот во живо од фотоапаратот и зачувувајте спомени со помош на апликацијата Canon Camera Connect. Поврзете преку Wi-Fi и ставајте географски ознаки во сликите со помош на врската преку Bluetooth®4 со вашиот паметен телефон.

Слични производи

  1. Наведените фокусни должини се еквиваленти на 35 mm.
  2. Зголемувањето е 1,2x / 4,8x / 9,6x при 100/400/800 mm соодветно, фокусните должини што се наведени овде се еквиваленти на 35 mm, а должината од 800 mm е 2x дигитален зум на оптичката фокусна должина од 400 mm
  3. Со фотоапаратот не се испорачува полнач. Минималните предуслови за полнење се извор за напојување со енергија компатибилен со USB PD што испорачува најмалку 5V, 1,5 A со USB Type-C излез и користење на испорачаниот USB Type-C во Type-C кабел. Кога снимате фотографии или видеоснимки, напојувањето се испорачува директно до фотоапаратот, без да се полни внатрешната батерија. Времето на полнење со PD-E1 од Canon изнесува прибл. 1 час 50 мин.
  4. Опремен со технологија за Bluetooth® со мала потрошувачка на енергија. Зборот во ознаката Bluetooth® и лого ознаките на Bluetooth се регистрирани заштитни знаци во сопственост на Bluetooth SIG, Inc. и секое користење на тие знаци од страна на Canon Europe Ltd. е дозволено со лиценца. Другите заштитни знаци и заштитни имиња им припаѓаат на нивните сопственици. Wi-Fi® е регистриран заштитен знак на Wi-Fi Alliance.
    Зборот, ознаката и логото на Bluetooth® се регистрирани заштитни знаци во сопственост на Bluetooth SIG, Inc. и секое користење на тие знаци од страна на Canon Inc. е дозволено со лиценца. Другите заштитни знаци и заштитни имиња им припаѓаат на нивните сопственици.