Најнов фирмвер за PowerShot G7 X Mark III

Согласно повратните информации што ги добивме од нашите корисници кои веќе го користат PowerShot G7 X Mark III за снимање видеосодржини наменети за социјалните медиуми, ви нудиме нов режим за снимање видеоблогови што е достапен преку ажурирање на фирмверот.

Режимот за снимање видеоблогови е потполно автоматска поставка за снимање видеозаписи со вашиот фотоапарат. Испружете ја раката со која го држите G7 X Mark III и тој ќе почне да реагира природно и рамномерно кон вашите движења, за да можете јасно да ја раскажете вашата приказна, а притоа да бидете соодветно нагласени заедно со вашето опкружување.

Во овој режим, AF за лице брзо и прецизно се заклучува врз вашето лице, а ако ја поместите гледната точка врз нов субјект во кадарот, автоматскиот фокус брзо ќе се прилагоди. Прилагодувањата на експозицијата, исто така, се брзи, рамномерни и природни. Ова ќе им биде особено практично на видеоблогерите за патувања кога ќе говорат кон фотоапаратот, а потоа ќе го опфатат околното опкружување во кадарот. Острината и експозицијата на вашето лице и опкружување брзо се прилагодуваат за да се задржи острината и природните живописни бои.

Приказот на црно-бели ленти е практична функција која вообичаено е присутна кај професионалните видеокамери и која прикажува црно-бели ленти врз сликата за да ги пронајдете разликите во експозицијата. Таа најчесто се користи за да се избегне потенцијална прекумерна експозиција во сцената, а вие може да направите прилагодувања со кои ќе го задржите одличниот квалитет на снимените материјали.

За полесно обликување на кадарот на вашите видеозаписи според потребите на различните социјални медиуми, вклучете ја ознаката за соодносот на слика на видеозаписот и ќе видите повеќе рамки што одговараат на соодносите од 16:9, 5:4, па дури и 2,39:1.

Сега е можно да се прикаже електронска либела на екранот при снимањето кога е вклучена функцијата за следење лица, за да добиете повеќе информации при снимањето.