Автоматски фокус - EOS-1D X Mark II
Фокусирајте, следете и доловете
Неверојатно остро фотографирање.
RGB+IR сензор за мерење со 360k
Фотоапаратот располага со RGB+IR сензор за мерење со 360.000 ефективни пиксели (прибл. WVGA резолуција од 736 x 496). Мерењето со проценка и мерење на блицот со проценка се основаат врз податоците што ги открива сензорот. Сензорот содржи IR пиксели што откриваат инфрацрвена (IR) светлина, кои му помагаат на EOS системот за откривање сцени да ги анализира сцените и да ја зголеми прецизноста на AF. IR пикселите, заедно со RGB пикселите, се користат за откривање на светлината, боите и лицата во сцените. Освен тоа што ги зема предвид податоците за оддалеченоста, алгоритамот го препознава објектот врз основа на функцијата за откривање на лице и податоците за боите.
Сензорот за мерење добива поддршка од наменскиот процесор DIGIC 6, кој ги обработува сите податоци за боите и податоците од функцијата за откривање на лице за да ги препознае објектите што ги фотографирате со неверојатна прецизност.
AI Servo AF III+
AI servo AF III+ од Canon се одликува со алгоритам за AF кој, заедно со системот EOS за интелигентно следење и препознавање (EOS iTR), ја подобрува чувствителноста за следење во сцените каде што објектот може да направи ненадејни движења и овозможува прецизно фокусирање дури и во ситуации во кои е тешко да се фокусира.
EOS-1D X Mark II располага со шест поставки за AF за студии за анализа кои ќе ви помогнат да ја изберете најдобрата опција за вашиот објект. Овие студии за анализа нудат различни опции за трите различни претпочитани поставки за AF: чувствителност за следење, следење со забрзување/успорување и автоматско менување на AF точки. Овие параметри можат дополнително да се прилагодат според вашите желби.
Зголемена површина за автоматско фокусирање со 61 точка
Зголемувањето на површината што ја опфаќаат AF точките е опција што ја бараат многубројни фотографи, независно дали се професионалци или аматери. Кај EOS-1D X Mark II, AF точките се поставени врз поширока површина – вертикално проширување на централната површина од 8 проценти и вертикално проширување на периферната површина од 24 проценти – и овозможуваат поголема слобода за поставување на објектите при обликување на кадарот.
AF1 точките (41 од вкрстен тип и 5 од двоен вкрстен тип) уште повеќе го зголемуваат опсегот на можностите за фокусирање на EOS-1D X Mark II. AF точките од вкрстен тип нудат поголема прецизност за автоматско фокусирање на поголема површина од кадарот, овозможувајќи точен фокус кој е од големо значење за објектите кои се движат брзо. Сите 61 AF точка и 41 AF точка од вкрстен тип можат да се избираат поединечно.
1 Бројот на точки за фокусирање, точки за фокусирање од вкрстен тип и AF точки од двоен вкрстен тип е различен во зависност од користениот објектив
61 AF точка, со 21 AF точка од вкрстен тип при f/8
Фотографите на животот во дивината и спортот често имаат потреба да користат извонредни телефото објективи со додатоци за продолжување за да им се приближат на објектите. На овој начин се ограничува работата на AF поради добиените поставки на решетката од f/8. Компатибилноста на 1D X со 1 AF точка и f/8 е значително подобрена со максималните 61 точка2 кај EOS-1D X Mark II, од кои 21 точка се од вкрстен тип. Автоматското фокусирање на зона - кое го олеснува следењето на објектите - и EOS iTR AF нудат моќна поддршка за следење на објектите дури и со извонреден телефото објектив и кога фотографирате со додаток за продолжување.
2 Бројот на точки за фокусирање и точките за фокусирање од вкрстен тип е различен во зависност од користениот објектив
Приказ на AF точките со црвена светлина
Функцијата за приказ на AF кадарот во црвена боја, која за прв пат беше вградена во EOS-1D Mark IV, сега повторно е присутна врз основа на мислењата на корисниците на EOS-1D X. Освен осветлениот приказ на кадарот, во серијата EOS-1 се воведени и EOS системот за интелигентна анализа на сцени и оптичкиот систем за приказ на црвени информации врз сликата. Поради тоа што пронаоѓањето на AF точките во темни простории и моменталното избирање на AF точки е многу лесно, обликувањето на кадарот е попрактично во услови со слаба осветленост.
Откривање на треперење
Под изворите со треперечка светлина, како што се флуоросцентните светилки, користењето поголеми брзини на блендата може да резултира со неправилни експозиции и бои поради фреквенцијата на треперењето на светлината. EOS-1D X Mark II – исто како EOS 7D Mark II, EOS 5DS R и EOS 5DS – ја открива фреквенцијата на треперење кај изворите на светлина и го адаптира фотографирањето за да ја долови сликата со речиси максимална светлина и за да ги намали ефектите на треперење. Оваа функција може да се користи при фреквенција на треперење од 100Hz и 120Hz и применува подобрен алгоритам за спречување на погрешното откривање на треперечка светлина.
