Квалитет на слика - EOS-1D X Mark II
Квалитет, детали и маргина на грешка
Резолуција, чувствителност и маргина на грешка – повеќе не се меѓусебно исклучителни.
CMOS сензор со 20,2 мегапиксели за целосна слика
CMOS сензорот со 20,2 мегапиксели за целосна слика со голема маргина на грешка, дизајниран и изработен во Canon, го намалува шумот и при големи и при мали брзини на ISO. Овој извонреден сензор се одликува со микро леќи без простор меѓу нив за да обезбеди слики со голем квалитет во секакви услови на фотографирање. Отсуството на простор помеѓу леќите ја елиминира загубата на светлина помеѓу пикселите, бидејќи сета светлина што паѓа врз сензорот се насочува во пикселите подолу. На тој начин се подобрува капацитетот за собирање светлина и се зголемува соодносот помеѓу сигналот и шумот.
Со зголемување на бројот на пиксели за снимање, во споредба со EOS-1D X, EOS-1D X Mark II со своите 20,2 MP овозможува подобри опции за отсекување без намалување на исклучителното ниво на детали. Во исто време, зголемената маргина на грешка на експозицијата овозможува преголема/премала експозиција на композициите без значителни загуби на детали.
Вградена корекција на аберацијата во објективот
Кога го промовиравме оригиналниот EOS-1D X, тој располагаше со функции за корекција на надворешното осветлување и корекција на хроматската аберација, а потоа кај EOS 7D Mark II воведовме дополнителна функција за корекција на изобличувањето. EOS-1D X Mark II нуди понапредна верзија од овие вградени опции за обработка, како и нова функција за корекција на распрскувањето на светлината која се користи при фотографирање JPEG слики. Оваа функција им овозможува на фотографите да користат помали решетки без да се грижат за значително намалување на квалитетот на сликата поради распрскување на светлината.
Досега беше потребно да се регистрираат податоците за корекција на објективот со помош на софтверот EOS Utility1. Кај EOS-1D X Mark II, пак, надворешната светлина, корекцијата на хроматската аберација и податоците за корекција на изобличувањето на објективот се зачувуваат во самиот фотоапарат2, поради што се елиминира потребата од коригирање на аберацијата на објективот кај JPEG сликите преку компјутер. Оваа функција ќе може да презема податоци од сите објективи во иднина што ќе имаат вградена функција за податоци од корекција на аберацијата, поради што се елиминира потребата од регистрирање податоци преку EOS Utility.
1 Податоците за корекција на објективот не се потребни за корекција на распрскувањето на светлината
2 Некои објективи не располагаат со податоци за корекција на аберацијата на објективот
Вградено дигитално оптимизирање на објективот
Кај EOS-1D X, софтверот Digital Photo Professional од Canon нудеше решенија за корекција на разни објективи и на аберацијата на сликите. Кај EOS-1D X Mark II, овие функции за корекција се вградени во самиот фотоапарат, надополнети со наменска функција за дигитално оптимизирање на објективот.
Дигиталното оптимизирање на објективот ги имитира перформансите на објективот со серија математички функции кои ја симулираат секоја етапа на патувањето на светлината низ оптичката патека. Користејќи ги овие податоци, дигиталното оптимизирање на објективот може да коригира многубројни стандардни оптички аберации и намалувања на резолуцијата предизвикани од нископропусниот филтер на фотоапаратот, преку примена на инверзна функција на сите снимки со цел да ја направи сликата послична со изгледот на сцената гледана со голо око. На овој начин се создаваат детални и висококвалитетни слики кои на фотографите им нудат одлична флексибилност за работа со големи или мали решетки, без да се грижат за аберации и дифракции.
Корекциите на аберациите на објективот се применуваат на JPEG датотеките за време на фотографирањето, а дигиталното оптимизирање на објективот се применува при обработката на RAW форматот во самиот фотоапарат.
Стил на слика со врвни детали
Стилот на слика со врвни детали, кој првично бил создаден за EOS 5DS и EOS 5DS R, сега е вграден во EOS-1D X Mark II за да овозможи снимање на максимална количина детали преку сензорот со 20,2 мегапиксели на фотоапаратот. Оваа поставка ја приоритизира градацијата на тоновите и ги истакнува врвните детали. Стилот за врвни детали е наменет за слики што ќе се користат веднаш по снимањето, без понатамошна обработка.
Стилот на слика со врвни детали се одликува со три прилагодливи параметри за изострување, кои нудат поголема контрола врз изострувањето што се врши на JPEG датотеките во самиот фотоапарат. Параметрите се слични на параметрите кај филтерот за намалување на острината на маската во Adobe Photoshop и софтверот DPP од Canon.
Лизгачот „Strength“ (Јачина) прилагодува колку острина ќе се примени на рабовите на сликата. Лизгачот „Fineness“ (Префинетост) ја одредува големината на деталите што се изоструваат - поместете го налево за да ги изострите помалите детали. Лизгачот „Threshold“ (Праг) одредува колку контраст е потребен за во одреден дел на сликата, пред да се одреди како раб или како остар дел. Со мали вредности на поставките можат да се изострат дури и дискретни рабови.
AWB: приоритет на амбиент/приоритет на бела боја
EOS-1D X Mark II нуди поставки за автоматски баланс на белата боја (AWB) кои заземаат поинаков пристап кон вештачката светлина. Приоритетот на амбиент има за цел да ги задржи боите со топли тонови од изворите на вештачка светлина за да зачува дел од атмосферата во сцената, слично на стандардните поставки за AWB кај останатите фотоапарати од серијата EOS, а приоритетот на бела боја ги елиминира повеќето топли тонови од вештачката светлина и се обидува да создаде слики со неутрални бои, доколку е можно.
