Canon LX-MU800Z - Мултимедиумски проектор

LX-MU800Z

LX-MU800Z е првиот DLP проектор со извор на ласерска светлина од Canon. Тој е совршен за континуиран дигитален приказ, има излезна моќ од 8.000 лумени и напредни контроли за слики и е подготвен за сè.

Придобивки

Осветлена и моќна DLP слика до 8.000 лумени
Совршен за континуиран дигитален приказ: моќни алатки за прилагодување на сликата, користење 24/7 и вертикална положба
Заборавете на скапите резервни лампи: технологија на ласерски диоди со работен век до 20.000
Стандардна WUXGA резолуција (1920 x 1200) и сооднос на слика од 16:10, со моторизиран зум, фокус и поместување на сликата
Живописни бои и длабоки црни тонови со сооднос на динамичкиот контраст од 10.500:1 (стандардно 1.050:1)
Идеален за различна примена, почнувајќи од училници, канцеларии и соби за состаноци па сè до продавници или музеи
Поддршка за мапирање на проекцијата во 360 степени, заоблување на сликата за проекција на заоблени површини, трапезоидна корекција во 4 точки и контроли за прилагодување на геометријата
Проектирајте слика од 500” на оддалеченост до 90 метри со објективот со извонредно голем зум
Избор од 8 заменливи објективи за најразновидни опции*
Голем избор на влезни опции, вклучувајќи и HD 3G-SDI
Тригодишна услуга за позајмување проектор уште следниот ден**

Детални карактеристики

Погледнете подетални информации за Canon LX-MU800Z

Нов неверојатен извор на светлина

LX-MU800Z е првиот проектор со извор на светлина во цврста форма од Canon кој прикажува слика со неверојатна светлина од 8.000 лумени и WUXGA резолуција до 1920x1200. Изворот на светлина со фосфор и ласерска диода од Canon трае подолго од стандардните проектори со лампа, овозможувајќи употреба до 20.000 часа – тоа е период од 7 години доколку се користи секојдневно по 8 часа. Благодарение на изворот на светлина во цврста форма со водено ладење, LX-MU800Z од Canon може да се користи преку целиот ден, секојдневно, а работните трошоци изнесуваат една десетина во однос на стандардните проектори со лампа со жива.

Исклучителна контрола за континуиран дигитален приказ

Лесно достапна контрола, флексибилност и моќ. LX-MU800Z од Canon е идеален за континуиран дигитален приказ, со поддршка за мапирање на проекцијата во 360 степени и заоблување на сликата за проекција на заоблени површини, како и напредни контроли за прилагодување на геометријата, трапезоидна корекција во 4 агли, ротација на слики за 25 степени без отсекување и механичко поместување на сликата за 50%. Уникатните алатки за спојување на рабовите од Canon овозможуваат брзо и лесно спојување на соседни слики од повеќе проектори, а проекторот може да се постави дури и во вертикална положба (потребен е додаток).

8 заменливи објективи

Искористете ги придобивките од 8-те заменливи објективи* во стил на бајонет дизајнирани за речиси сите прилики, почнувајќи од извонредно широк зум со кратка проекција (0,62m-10,4m) до извонредно долг зум (до 91m), со големини на екран од 40” до 500”. Менувањето објективи е безбедно и едноставно: вградениот софтвер на LX-MU800Z има 8 однапред поставени мемории за поставување објективи, а безбедносната функција за објективите го исклучува изворот на светлина доколку го отстраните објективот.

Слики што ќе ве воодушеват

Нудејќи комбинација од DLP технологија со еден чип и моќен извор на ласерска светлина, LX-MU800Z од Canon користи тркало од 4 сегменти со 3 бои за да создаде извонредна слика и да го намали значително „ефектот на виножито“, а динамичкиот контраст нуди подлабоки црни тонови за да уживате во прекрасно доживување. Широката палета на sRGB бои од 91,9% создава широка палета на бои, а поставките за светлина можат да се менуваат во чекори на зголемување од 1%, почнувајќи од 20% до 100%, за прецизно прилагодување кон условите за амбиентално осветлување и за усогласување на светлината при спојување на рабовите.

Подобрено поврзување и управување

LX-MU800Z од Canon е подготвен за приказ на различни медиуми, директно преку HDMI 1.4a, 15-пински D-sub, DVI-D, 5BNC, стандардот за видео 3G-SDI со 3Gb/s и врвни спецификации и HDBaseT за некомпресирани видеоснимки преку етернет – идеално за живописно и стабилно проектирање. Исто така, LX-MU800Z е опремен со 15-пински D-sub и 3G-SDI излезни приклучоци, а системите за контрола можат да ги искористат придобивките од серискиот приклучок RS-232C, HDBaseT, LAN и функциите за контрола на мрежата.

Гаранција од три години со можност за позајмување проектор уште следниот ден

Благодарение на долготрајниот извор на светлина и отсуството на филтри што треба да се менуваат, LX-MU800Z може лесно да се одржува. Бесплатната напредна гаранција од три години со услуга за позајмување од Canon која ви овозможува да позајмите проектор уште следниот ден** кој може да го користите во деновите додека се поправа вашиот уред, со што се минимизира паузата.

* Соодносот на проекција мора да биде наведен на објективот за проекција.
** Под следен ден се подразбира дека, таму каде што е можно, позајмениот производ ќе се испорача на денот по поднесување на барањето за поправка. Ако барањето го добиеме попладне, за време на викенд или на празник, позајмениот производ ќе го испорачаме во рок од два дена. Оваа услуга за позајмување подлежи на сите правила и услови и е достапна само во одредени земји.