Canon XEED 4K501ST - Мултимедиумски проектор

XEED 4K501ST

Уживајте во новата генерација на квалитет на слика и флексибилност со најмалиот* монтажен проектор со стандардна 4K (4096 x 2400) резолуција и со тежина од само 18 kg. Неговите 5.000 лумени, 4K LCOS панели и 4K објектив од Canon нудат извонредни резултати.

Придобивки

Компактен и лесен монтажен проектор со стандардна 4K (4096 x 2400) резолуција
Оптички систем AISYS и 3x 4K LCOS панели за јасни и чисти слики
4K објектив со голем зум и 5.000 лумени за светли слики низ целиот опсег на зумирање
Стандардниот сооднос на контрастот од 3.000:1 нуди длабоки и чисти бои, богати и реалистични црни тонови
Флексибилен објектив за проектирање од Canon со зум од 1,3x и моторизирано хоризонтално и вертикално поместување на објективот
Трапезоидна корекција во четири агли и спојување рабови во HD за максимални опции при монтирањето
DVI и HDMI 2.0 влезовите нудат компатибилност со дигитални видео извори и компјутерски извори
Доцнењето на сликата од 1,0 и новиот систем за стабилност ги оптимизираат перформансите за 4K филмови
Технологија за проектирање на заоблени површини за периферен фокус и одлична длабочина на поле
Издржливиот дизајн е лесен за одржување и овозможува мали вкупни трошоци за користење

Детални карактеристики

Погледнете подетални информации за Canon XEED 4K501ST

Стандардната 4K резолуција нуди неверојатни детали

XEED 4K501ST нуди стандардна 4K (4096 x 2400) резолуција и е сместен во компактно куќиште, поради што е најмалиот* монтажен проектор на пазарот. 4K резолуцијата нуди неверојатно остар и детален текст, појасна графика и извонредни слики од компјутерски и видео извори.

Компактна, моќна и прецизна оптичка технологија

Оптичкиот систем AISYS и 3-те рефлективни LCOS панели со реалистична 4K резолуција кај 4K500ST се исклучително компактни, а сепак нудат перформанси кои се водечки во индустријата. Технологијата AISYS ја подобрува репродукцијата на бои, ја зголемува светлината и го подобрува контрастот. Двата процесори за обработка на слика создаваат јасни и висококвалитетни слики, така како што биле замислени. Компактната големина на проекторот овозможува многу полесно монтирање во случаи кога просторот и тежината претставуваат проблем.

Новиот објектив создава светли и прецизни слики

4K501ST нуди нов стаклен 4K објектив со зум од 1,3x кој го применува долгогодишното искуство на Canon за дизајнирање висококвалитетни објективи. Во комбинација со светлината од 5.000 лумени и фиксниот отвор на блендата од F2.6, проекторот 4K501ST нуди непроменета и импресивна светлина низ целиот опсег на зумирање. Максималниот стандарден сооднос на контрастот од 3.000:1 нуди врвни перформанси во пракса, со пореалистични бои и подлабоки црни тонови – создавајќи подобро доживување при гледањето.

Исклучителна флексибилност и практичност

XEED 4K501ST е дизајниран за одлични резултати од речиси секоја положба. Моторизираното поместување на објективот од +/-60% овозможува едноставно прилагодување на положбата на сликата без закосување или преместување на проекторот. Трапезоидната корекција во четири агли овозможува сликите да имаат совршена геометрија. Технологијата за спојување на рабовите со висока резолуција ќе ви помогне да создавате прекрасни споени слики од повеќе 4K501ST проектори и да вршите корекции на ниво на поединечни пиксели. Прилагодувањето во 5 чекори ви овозможува да ги прилагодувате RGB пикселите по само 0,1 пиксел, за да добиете појасна репродукција на заоблени екрани и екрани во вид на купола. Обемните функции во професионалното мени содржат и режим за повеќе влезови, оптимизација на DVI, податоци за влезните сигнали, вкупно работно време и опција за промена на битовите за прекин од 1 во 2 за да се овозможи компатибилност со повеќе уреди за сериска комуникација.

Разновидни опции во пракса

Благодарение на неговите 4 DVI-D и 2 HDMI 2.0 влезови, 4K501ST може лесно да се поврзе со повеќе 4K извори, вклучувајќи и дигитални видео извори и компјутерски извори. Присуството на HDMI 2.0 приклучоци значи дека 4K содржините можат да се проектираат преку еден HDMI кабел. 4K филмовите се прикажуваат со мали нивоа на заматување на движењата, а опкружувањата за симулации ќе ги искористат придобивките од извонредното време на одзив со доцнење од само 16,6ms. Технологијата за проектирање на заоблени површини, покрај општиот фокус на проекторот ви нуди и контрола врз периферниот фокус за репродукција на реалистични слики, дури и врз површини во форма на купола.

Лесно одржување, економично користење

Освен компактен и издржлив дизајн, 4K501ST нуди и комбинација од едноставно користење и мали работни трошоци. Лампата и воздушниот филтер можат лесно да се заменат без демонтирање на проекторот. Водечката енергетска ефикасност** во оваа класа од само 475W во еко режим и само 0,4W во режим на подготвеност ќе ги минимизира вашите работни трошоци. Притиснете го наменското копче за Еко режим за да ги оптимизирате сите параметри и да добиете најмала потрошувачка на енергија.

* Точни информации во времето на објавување
** Во споредба со проектори со слична светлина