Canon XEED WX450ST

XEED WX450ST

Овој уникатен и иновативен компактен WXGA+ монтажен проектор со кратка оддалеченост на проекција има значително вертикално поместување на објективот од 77%. Одликувајќи се со осветленост од 4500 лумени, тој проектира слика со врвен квалитет од околу една третина од растојанието за проекција кај конвенционалните проектори.

Придобивки

  • Стандардна WXGA+ резолуција
  • Објектив од Canon со кратка оддалеченост на проекција
  • 4500 лумени
  • Контраст од 2000:1
  • Широк опсег на вертикално и хоризонтално поместување на објективот
  • Слика-до-слика и спојување на рабовите
  • HDMI™ и DVI влезови
  • Презентации без потреба од компјутер
  • Едноставен пристап до лампата и филтерот
  • Исклучителна енергетска ефикасност

Детални карактеристики

Погледнете подетални информации за Canon XEED WX450ST

Објектив со кратка оддалеченост на проекција и можност за поместување, плус извонредна осветленост


Уникатниот XEED WX450ST е извонредно светол компактен монтажен мултимедијален проектор со висока резолуција. Објективот од Canon со кратка оддалеченост на проекција располага со исклучително широк опсег на вертикално и хоризонтално поместување на објективот. Со сооднос на проекција од само 0,571:1, овој целосно нов објектив речиси го елиминира изобличувањето (типично 0,1%). Тој може да проектира слика од 100" од околу една третина од растојанието кај конвенционалните проектори, т.е. од само 1,23 метри. И покрај кратката фокусна должина, објективот проектира слики со дијагонала од 30" па сè до 300". Благодарение на вертикалното и хоризонталното поместување - вклучувајќи го и исклучително широкиот вертикален опсег од 77% - проекторот може дискретно да се постави над или под екранот и е погоден за предна и задна проекција.

Светла и динамична слика


Најновиот оптички систем AISYS е досега најефикасниот оптички систем од Canon, обезбедувајќи осветленост од 4500 лумени и сооднос на контрастот од 2000:1. Така, сликите се јасни, светли и живописни - со истите исклучително прецизни бои и рамномерно прикажување на сликата што ги очекувате од серијата XEED.

Обработка на сликата од наредната генерација


Стандардната WXGA+ резолуција (1440 x 900 пиксели) е поддржана од технологијата на екрани LCOS, која обезбедува неверојатни, совршено рамномерни слики. Покрај оптиката со професионален квалитет, новиот процесор за обработка на сликата кај WX450ST располага со функции за практично монтирање, како на пр. хардверско спојување на рабовите, прилагодување на регистрацијата на плочата (за да се осигури совршено RGB порамнување на панелот) и вградени шаблони за тестирање. Начинот на прикажување слика-до-слика поддржува двоен дигитален влез, што е совршено за модерните апликации за видео конференции. Функцијата за трапезоидна корекција во 4 точки помага при проектирањето на сликата од речиси кој било агол со совршена геометрија, додека намалувањето на заматеноста кај движењата ја одржува острината на сликата за време на репродукцијата на видео со брзи движења.

Дизајниран за флексибилно поставување


Новото куќиште со рамна горна страна овозможува интелигентно монтирање со ногарки и е идеално за напредните инсталации со повеќе проектори. Лесно се постигнува поставување на уредите во серија, како и проектирање нагоре и надолу.

Избор на опции за поврзување


HDMI и DVI-I приклучоците обезбедуваат дигитален влез, додека firmware-от лесно се ажурира преку USB приклучокот, кој исто така овозможува директно проектирање од USB флеш уреди. Crestron RoomView® обезбедува моментална универзална далечинска контрола и надгледување, додека функцијата Network Multi-Projection (NMPJ) овозможува лесно проектирање преку LAN.

Долготраен и енергетски ефикасен


Лампата на XEED WX450ST може да трае до 5000 часа при користење во ECO режим. Наменското ECO копче моментално го активира режимот на лампата со намалена енергија и другите функции за заштеда на енергија, за исклучителна енергетска ефикасност при користењето.

Спецификации за производот

Дознајте повеќе за Canon XEED WX450ST, неговите функции и можности.

For powerful brightness and a high contrast ratio

За моќна светлина и голем сооднос на контрастот

HD Ready

Можност за HD

HDMI Port

HDMI приклучок

Crestron

Crestron