Canon imageRUNNER 2202

imageRUNNER 2202

imageRUNNER 2202 претставува основно решение за вашите потреби за копирање во A3 формат, со флексибилност на локално печатење и скенирање преку USB. Идеален за лица и мали работни групи кои сакаат мали трошоци.

Придобивки

  • Црно-бело копирање во A3 формат со локално печатење и скенирање во боја преку USB
  • Брзина на печатење од 22 стр./мин. (A4)
  • Скенирање кон e-mail, поддршка за PDF со можност за пребарување(OCR) преку MF Toolbox
  • Поддршка за регионални јазици, меѓу кои и арапски, руски и турски
  • Едноставно решение кое е достапно веднаш по отпакувањето
  • Енергетска ефикасност

Детални карактеристики

Погледнете подетални информации за Canon imageRUNNER 2202

Дизајниран земајќи ги предвид опкружувањата со мали трошоци


imageRUNNER 2202 претставува решение за A3 формати наменето за оние кои сакаат најмали трошоци. Тонерот од Canon и технологијата за долг работен век на барабанот им овозможуваат на корисниците да ги користат нивните уреди подолг временски период без потреба за често менување на потрошните материјали. Благодарение на својот компактен дизајн, тој може беспрекорно да се вклопи во секое канцелариско опкружување со ограничен слободен простор, независно дали тоа ќе биде на работна маса или на под со изборно рамно подножје.

Повеќефункционален уред со наједноставна форма


Основното копирање со брзина до 22 стр./мин. (A4), со поддршка за формати до A3, како и можноста за печатење и скенирање преку USB кабел, им овозможува на корисниците да добијат едноставно, но флексибилно повеќефункционално решение. Со интелигентната апликација MF Toolbox², корисниците можат да скенираат и испраќаат документи до однапред дефинирани e-mail адреси или да складираат во фолдери на компјутерот. Форматите како што се PDF фајловите со можност за пребарување и со висока компресија, како и прилагодувањето на подесувањата за скенирање, дополнително го олеснуваат снимањето, споделувањето и архивирањето на податоците.

Практично ракување


Користењето и контролирањето се врши преку екран со 5 линии, како и менија со функции и драјвери за печатење кои на корисниците им овозможуваат користење на нивниот сопствен јазик, вклучувајќи и арапски, турски или руски³. Копчето за “омилени подесувања” нуди брз пристап до најчесто користените подесувања, како што е бројот на копии или големината на хартијата, заштедувајќи му време на корисникот.

Решение кое е достапно веднаш по отпакувањето


imageRUNNER 2202 е дизајниран земајќи ги предвид практичноста и малите трошоци. Водичот за брза инсталација и едноставно поставување, кој можете да го отворите преку корисничкиот интерфејс, ви нуди решение кое е достапно веднаш по отпакувањето. Со уредот се испорачува и вашиот прв тонер, кој ќе ви овозможи веднаш да започнете да го користите уредот.

Енергетска ефикасност


imageRUNNER 2202 троши само 2 вати во режим на мирување, а технологијата за фиксирање по потреба на Canon овозможува брзо враќање во функција од режим на мирување, така што заштедувате енергија без да влијаете врз продуктивноста. Машината ги исполнува условите и за ENERGY STAR® сертификат.

Сликите од производите имаат само илустративна намена. Одредени функции се изборни. Ве молиме погледнете ги спецификациите на производот или обратете се кај вашиот претставник за продажба од Canon за дополнителни информации.

1 Овие производи се достапни само преку Canon Middle East, Canon Eurasia, Canon South Africa, Canon Central and Eastern Europe, Canon Poland, Canon Czech Republic, Canon Slovakia, Canon Hungary и Canon Russia,
2 MF Toolbox може да се преземе бесплатно, преку центарот за преземање на софтвер од Canon (http://software.canon-europe.com)
3 imageRUNNER 2202 е локализиран на сите стандардни европски јазици, како и Арапски, Турски и Руски

Награди

Спецификации за производот

Дознајте повеќе за Canon imageRUNNER 2202, неговите функции и можности.