ПРЕНОСЛИВИ ФОТОАПАРАТИ

Идеален придружник за вашата следна авантура: IVY REC од Canon

Мал, лесен и пренослив - дознајте како фотоапаратот IVY REC од Canon се справи со предизвикот за снимање при напорно искачување по карпи.
Canon Camera
Авантурите ви нудат кратка пауза од секојдневниот живот, можност да уживате во прекрасната природа и да живеете во моментот. Без разлика дали планинарите, трчате низ шумата или кајакарите по река, неверојатно преносливиот и издржлив IVY REC од Canon нема да ве забави. IVY REC од Canon е отпорен на удари1, отпорен на вода2 и дизајниран за закачување на ранец, ремен или друга спортска опрема за да им овозможи на велосипедистите, планинарите, алпинистите и кајакарите да ги остават големите фотоапарати и скапите паметни телефони дома и да фотографираат во движење.

Ѝ пративме IVY REC од Canon на силната и вешта Molly Thompson-Smith, 22-годишна професионална алпинистка, и ја замоливме да го користи додека ги совладува најопасните карпи во областа Peak District во Обединетото Кралство. Еве што имаше да изјави.

Закачи го и тоа е сè

Алпинистката Molly Thompson-Smith става креда на рацете пред да почне да се спушта.

Алпинистката Molly Thompson-Smith носи минимална опрема кога го истражува надворешниот свет и потребна ѝ е опрема што нема да ѝ тежи.

Обувки за искачување, јаже и карабинер на земјата покрај фотоапаратот за надворешни активности IVY REC од Canon што е прикачен на ремен.

Штипката на лесниот IVY REC од Canon ви овозможува да го закачите на ремен или ранец, што значи дека не ви требаат џебови.

„Ваквите мали и преносливи уред стануваат сè поважни за луѓето кои сакаат да бидат надвор долг период од денот“ - вели Molly. „Кога одам на искачување носам обувки, штитници, опрема… ми требаат многу работи.

„На едно патување во Франција, за да стигнеме до гребенот требаше да пешачиме еден час по угорнина. Првиот ден го понесов мојот DSLR-фотоапарат, но вториот ден си реков: „едноставно не вреди - не вреди да ми тежи толку и да ми зафаќа простор во торбата“. Но, штета што не го носев бидејќи погледот беше неверојатен“.

IVY REC од Canon е создаден за авантура и дизајниран да биде пренослив. Со ширина од само 110,5 mm и тежина од само 90 грама, фотоапаратот незначително ја зголеми тежината на опремата на Molly. Штипката, што се користи и како визир, ѝ овозможи да го прикачи фотоапаратот на нејзиниот ремен. „Алатките за качување ми се закачени странично кога се искачувам“ - вели таа, „па затоа малиот фотоапарат на задната страна воопшто не ми пречеше“.

Мал, но издржлив

Алпинистката Molly Thompson-Smith виси од карпа, со фотоапаратот за надворешни активности IVY REC од Canon прикачен на нејзиниот ремен.

Molly избегнуваше да го носи паметниот телефон за време на искачувањата бидејќи беше загрижена дека ќе ѝ падне, но сепак ѝ беше потребна опција за фотографирање на нејзините авантури.

Алпинистката Molly Thompson-Smith снима огромна карпа.

Molly сакаше фотоапарат за надворешни активности за да ги снима нејзините импресивни достигнувања, а IVY REC од Canon лесно се справи со тие предизвици.

Molly сака да го сними моментот кога ќе се искачи на врвот - особено ако е значително достигнување - но постојано се двоумеше дали да го носи својот паметен телефон. „Стресот е преголем“ - вели таа. „Ќе се грижам дали ќе ми падне или дали ќе се скрши ако го притиснам врз некоја карпа“.

За среќа, тие грижи стануваат минато за Molly со IVY REC од Canon. Не само што нема екран што може да се скрши, туку е дизајниран да биде отпорен на паѓање од висина до два метри1 и да издржи потопување во несолена вода до 30 минути2 на длабочина до два метри, поради што е идеален за активности на вода како веслање со кану и сурфање.

„Чувствував поголема сигурност откако ќе го закачев IVY REC од Canon на мојата опрема или торба со креда, знаејќи дека е доволно цврст да издржи неколку удари“ - вели Molly. „Чувството беше одлично кога ја снимив конечната слика на врвот“.

Едноставно користење

Molly Thompson-Smith држи фотоапарат за надворешни активности IVY REC од Canon во сива боја.

Штипката на IVY REC од Canon може да се користи и како визир што ќе ви помогне во обликувањето на кадарот на вашите слики. А ако го извалкате, може да го исплакнете со слатка вода и да ги избришете нечистотиите.

Жена држи фотоапарат за надворешни активности IVY REC од Canon во сива боја и паметен телефон.

Можностите за поврзување преку Wi-Fi и Bluetooth на IVY REC од Canon ви овозможуваат да го користите вашиот паметен телефон за далечинско управување на блендата и моментално споделување на вашите фотографии на социјалните медиуми.

И покрај тоа што се опишува себеси како „аматер“ кога станува збор за фотографирање, Molly брзо се привикна на IVY REC од Canon што може да снима фотографии со 13 MP и Full HD-видео со 1080p и брзина до 60 fps. „Фотоапаратот е многу едноставен и неверојатно лесен за користење“ - вели таа. „Треба само да го закачите и да го користите вртливото копче со една рака. Симболите се избираат лесно, нема екран на допир и лесно може да ги бришете нечистотиите од него, што значи дека не треба да се грижите ако го користите со креда или кал на рацете.

„Кога тренираат, луѓето се обидуваат да ги симулираат реалните искачувања во салата за вежбање“ - продолжува Molly. „Пред да го добијам овој фотоапарат, многупати се држев на јажето и гледајќи ја убавината надвор си размислував „Посакувам да можев да снимам слика од овој поглед“. Можноста за снимање слики при искачување на висина поголема од 40 метри е неверојатно, особено ако сте на најтешкиот дел од искачувањето. Фотоапаратот е многу практичен“.

Ако сакате да снимате покреативни слики, вклучувајќи и неверојатни автопортрети, IVY REC од Canon е опремен со Wi-Fi и Bluetooth за да можете да го поврзете со вашиот паметен телефон и да ја користите бесплатната апликација Canon Mini Cam3 како далечински управувач за блендата. Исто така, апликацијата ѝ овозможи на Molly да ги воодушеви нејзините следбеници - веднаш по искачувањето ги префрли нејзините слики и видеоснимки во паметниот телефон и ги сподели на социјалните медиуми.

Евтиниот IVY REC од Canon е достапен во четири впечатливи бои - сива, розова, зелена и сина - за да можете да изберете боја што ќе се разликува од теренот каде што ќе одите, независно дали тоа ќе бидат карпи, кал, песок или вода. „Чувствувам дека можам да го носам насекаде со мене“ - вели Molly.


Напишано од Natalie Denton
  1. Отпорност на паѓање од висина до два метри. Методите за тестирање за отпорност при удар важат само за овој производ и не гарантираат дека нема да настане оштетување или дефект кај производот.
  2. Отпорност на вода до 30 минути на длабочина до два метри. Тестиран само во слатка вода. Доколку го изложите на солена вода, ви препорачуваме веднаш да го исплакнете со слатка вода.
  3. За користење на изборната апликација Canon Mini Cam е потребен компатибилен уред што ќе биде поврзан со IVY REC од Canon преку Bluetooth® и Wi-Fi®. Апликацијата Canon Mini Cam може бесплатно да се преземе од App Store и Google Play. Може да ви бидат пресметани трошоци за сообраќај на податоци. Компатибилност со мобилни уреди што користат iOS 11 или понова верзија и уреди со Android што користат Android 5.1 или понова верзија.

Слични написи

  • Сурфер го држи фотоапаратот IVY REC и гледа низ визирот.

    ПРЕНОСЛИВИ ФОТОАПАРАТИ

    Запознајте се со IVY REC од Canon

    Фотографирајте случувања во движење со достапниот и преносливиот фотоапарат што може да го закачите на вашата облека

  • Млада девојка со капа седи со родителите во шума, сите тројца гледаат нешто што е надвор од кадарот, а таткото користи PowerShot ZOOM од Canon.

    ПРЕНОСЛИВИ ФОТОАПАРАТИ

    Гледајте подалеку: PowerShot ZOOM

    Дознајте зошто овој компактен фотоапарат со џебна големина е идеален за семејни авантури.

  • Двајца мажи носат ранци и лизгаат по замрзнато езеро.

    ФОТОГРАФИРАЊЕ АВАНТУРИ

    Совети за фотографирање авантури

    Пет совети за фотографирање на вашите надворешни авантури со EOS M6 Mark II.

  • 5 најдобри совети за фотографирање движења

    ФОТОГРАФИРАЊЕ ДВИЖЕЊА

    5 најдобри совети за фотографирање движења

    Дознајте како да снимате покреативни слики со движења од секојдневните авантури со советите од професионалниот фотограф Tom Bing.