ФОТОГРАФИРАЊЕ СПОРТ
Фотографирање движење: совети од професионалец
Дознајте повеќе за фотографирањето акциони спортови од менторската сесија со професионалец во планински велосипедизам.
ФОТОГРАФИРАЊЕ СПОРТ
ФОТОГРАФИРАЊЕ СПОРТ
Фотографирањето спорт нуди многубројни креативни можности и одлични прилики за да ги испробате режимите и функциите на вашиот фотоапарат што можеби досега не сте ги користеле.
Следниот пат кога ќе одите на некој спортски настан, обидете се да доловите прекрасни сцени со движења, да ги замрзнете движењата и да ја доловите атмосферата на натпреварот. Овие седум совети ќе ви помогнат да извлечете максимум од вашиот фотоапарат за време на натпреварот, без разлика дали ќе фотографирате со компактен или хибриден фотоапарат како што е PowerShot SX70 HS од Canon или DSLR-фотоапарат како што е EOS 80D од Canon.
На спортските настани многу фотографи фотографираат од ист агол, па затоа размислете како може да ги направите вашите слики поинакви. Можеби ќе легнете долу и ќе фотографирате од низок агол? Или, пак, ќе направите симетрична композиција од играчите снимена од висока точка? Воглавно, фотографирањето од страна на теренот е подобро отколку зад голот.
Може да експериментирате и со различни фокусни должини. Ако користите фотоапарат со заменливи објективи, тогаш со телефото објектив како што е EF 70-300mm f/4-5.6 IS II USM од Canon ќе се доближите до случувањата, а неговата вградена стабилизација на слика ќе помогне во спречување на тресењето на фотоапаратот.
Поголемиот дел од времето ќе снимате поединечни кадри, но кога фотографирате динамички спортови како рагби или фудбал, тогаш ќе сакате да ја искористите најдобрата прилика за доловување на најважните моменти. Затоа спортските фотографи фотографираат во секвенцијален режим или режим за континуирано фотографирање.
За да ги активирате, одете во менито за режим на погон на вашиот фотоапарат. Некои фотоапарати имаат вртливо копче на горниот дел на фотоапаратот што нуди директна контрола; во спротивно, режимите за погон може да ги пронајдете во менито на фотоапаратот. Режимот за една слика е означен како правоаголен кадар на вртливото копче, а режимот за континуирано фотографирање како повеќе кадри.
Повеќето фотоапарати ќе можат да фотографираат со брзина од 5 до 12 слики во секунда во секвенцијалниот режим. На тој начин, по фотографирањето ќе имате повеќе слики од кои ќе можете да ја изберете таа што најдобро го доловува моментот, како на пример, одлична одбрана на голманот.
Фотоапаратот PowerShot SX70 HS од Canon може да фотографира 10 слики во секунда во секвенцијален режим и опремен е со практичен LCD-екран со променлив агол што овозможува удобно фотографирање дури и кога лежите долу или кога стоите во незгодна положба. Друга одлична опција е фотоапаратот PowerShot G7 X Mark II од Canon кој фотографира 8 слики во секунда. Се одликува со систем за автоматско фокусирање со 31 зона што ќе ви овозможи да изберете точка на фокусирање и да следите лица и предмети со допирање на екранот.
Автоматскиот баланс на белата боја на вашиот фотоапарат е одлична опција за создавање прецизни тонови и бои. Без разлика дали фотографирате натпревар во текот на денот или ноќта, најдобро е да ја активирате функцијата AWB и да го оставите фотоапаратот да ги прилагодува подесувањата автоматски според промените на светлината. Користењето на функцијата AWB ќе ви овозможи и повеќе време за да се фокусирате на обликувањето на кадарот и да бидете подготвени за доловување на најважните моменти.
За да го овозможите автоматскиот баланс на белата боја, најчесто има копче за WB на задната страна на фотоапаратот што треба да го притиснете или, пак, тоа може да го направите преку LCD-екранот на допир, доколку е достапен. Со притиснување на ова копче или оваа функција ќе може да изберете повеќе опции.
Од фотографите често се бара да фотографираат во форматот RAW или во два формати JPEG + RAW, но кога се фотографира спорт тоа правило не важи. Многу фотографи кои фотографираат во секвенцијален режим (посебно фоторепортери, фотографи за спорт и диви животни) снимаат JPEG-слики бидејќи фотоапаратите можат да снимат повеќе слики во секунда во JPEG-формат отколку во RAW-формат.
RAW-датотеките се поголеми и содржат повеќе информации, а кај некои фотоапарати е потребно повеќе време за да се испразни меѓумеморијата. JPEG-датотеките се помали што значи дека фотоапаратот ќе може побрзо да ги запише во вашата мемориска картичка и ќе можете да доловите повеќе моменти. Зададената опција за датотеки на вашиот фотоапарат најверојатно е JPEG, па доколку не сте го менувале тоа, тогаш сте подготвени за фотографирање.
Дури и кога фотографирате JPEG-слики во режим за континуирано фотографирање, треба да снимате кратки серии - притиснете го копчето за блендата од една до две секунди и отпуштете го. Ако го држите притиснато премногу долго време, меѓумеморијата ќе се наполни и поради тоа ќе се намали брзината на фотографирање.
Прекрасното чувство кога сте на натпревар не се состои само од случувањата во најинтересните моменти од натпреварот.
Завртете го фотоапаратот кон публиката за да доловите надежни лица и креативни костуми или, пак, зумирајте ги загрижените изрази на играчите или нивните прегратки пред почетокот на натпреварот.
Ако користите фотоапарат со заменливи објективи, тогаш објектив како што е EF-S 55-250 f/4-5.6 IS STM од Canon ќе биде одличен избор за овој вид на фотографирање бидејќи неговата фокусна должина ќе ви овозможи да снимите широки слики од теренот, но и да се доближите до одредени играчи и да ги следите случувањата.
Вашиот фотоапарат најверојатно ќе ви биде испорачан со зададено избран AF за една слика и тоа е режимот за AF што повеќето фотографи одлучуваат да го користат. Но, кога фотографирате објекти што се движат на спортскиот терен, тогаш ќе треба да го изберете режимот Servo AF.
На задната страна кај повеќето фотоапарати има директна контрола за менување на режимот за AF - стандардно копче или опција на екранот на допир.
Servo AF, познат и како режим за континуирано автоматско фокусирање, ќе го задржи фокусот врз означената AF-точка сè додека го држите копчето за блендата притиснато до половина. Ова е навистина практично при фотографирање спорт бидејќи може да фокусирате во точки каде што очекувате дека ќе се случи нешто - на пример, околу голот - и да го почекате моментот.
Вашиот режим за AF со следење нуди уште повеќе придобивки во вакви ситуации. Во режимот за следење треба само да ја допрете AF-точката на LCD-екранот (доколку вашиот фотоапарат има екран на допир) или да го притиснете половично копчето за блендата за да го заклучите фокусот врз вашиот објект, а потоа избраната AF-точка ќе се движи заедно со тој објект низ целиот кадар. Тоа е одлично за следење на случувањата кога има многу играчи на теренот.
Ако имате DSLR-фотоапарат или фотоапарат без огледало, тогаш може да ја користите апликацијата Canon Photo Companion за да дознаете повеќе за функциите на вашиот фотоапарат.
Целта на секој спортски фотограф е да ги замрзне случувањата во најважните моменти, а единствениот начин за да го направите тоа е да фотографирате со голема брзина на блендата. Во идеален случај треба да фотографирате со брзина од приближно 1/1000 сек., но не со брзина помала од 1/500 сек.
Одличен начин за да се постигнат овие брзини на блендата е да го завртите вртливото копче за режими и да изберете приоритет на блендата (Tv) како режим на експозиција. Тоа ќе ви овозможи да ја изберете саканата брзина на блендата, а фотоапаратот соодветно ќе ја постави решетката и вредноста за ISO за да ја добиете таа брзина.
Напишано од Jeff Meyer
Get Inspired е најголемиот извор на практични совети за фотографирање, водичи за купување и информативни интервјуа - сè што ви е потребно за да го пронајдете најдобриот фотоапарат или најдобриот печатач и да ја реализирате вашата следна креативна идеја.
Назад до сите совети и техникиФОТОГРАФИРАЊЕ СПОРТ
Дознајте повеќе за фотографирањето акциони спортови од менторската сесија со професионалец во планински велосипедизам.
Отворен простор
Професионалниот спортски фотограф Richard Walch ги споделува своите професионални совети за подобри зимски фотографии, почнувајќи од избор на фотоапарат па сè до најдобри подесувања.
АКЦИЈА
Амбасадорот на Canon открива како да ја пренесете возбудата и акцијата на урбаните акциони спортови.
Фотографирајте прецизно, флексибилно и сигурно со хибридните фотоапарати PowerShot од Canon со многубројни функции.
Моќен DSLR фотоапарат со разновидни опции и брз одзив за експериментирање со вашата креативност
Висококвалитетен објектив за зумирање со иновативен екран и Nano USM, кој е одличен за фотографирање на животот во дивината и спортот.
Бидете креативни со овој фотоапарат во стил на DSLR со опции за поврзување и голем сензор.