Водич за божиќни подароци од Canon

Дали ви требаат идеи за божиќни подароци за креативните луѓе во вашиот живот? Без оглед дали сакате да изненадите некоја сакана личност со инстант фотоапарат или да подарите фотоапарат за целосна слика на некој ентузијаст за фотографирање, каталогот на Canon ќе ви понуди соодветен производ за секого.

Во овој водич за празнично купување избравме неколку предлози за најдобри подароци од Canon за сите оние кои сакаат да бидат креативни, независно од буџетот. Од забавни и преносливи печатачи до фотоапарати без огледало, ќе пронајдете одлични идеи за совршен божиќен подарок!

PowerShot G7 X Mark III е еден од најнапредните и компактни фотоапарати на Canon и нуди значително подобри перформанси во однос на телефонските камери или обичните фотоапарати од типот насочи и фотографирај. Тој е пренослив, нуди многу креативни функции и е одличен придружник за DSLR-фотоапарати или фотоапарати без огледало.

Големиот CMOS-сензор со 20,1 MP и остриот широкоаголен објектив со f/1,8-2,8 на PowerShot G7 X Mark III до Canon нудат врвен квалитет на слика, без разлика дали фотографирате или снимате 4K-видеоснимки. Неговиот LCD-екран на допир се врти за да го олесни фотографирањето од креативни агли, а може и да се заврти нанапред за да ви помогне да обликувате совршен кадар за автопортрет. Прикачете го фотоапаратот со лесниот статив со држач HG-100TBR од Canon за да добиете различни опции за рачно фотографирање со удобната рачка или, пак, користете го стативот за да снимате стабилни автопортрети. PowerShot G7 X Mark III нуди и постојано активна врска преку Bluetooth и Wi-Fi, што овозможува автоматско префрлување на сликите кон вашиот телефон за да можете брзо да ги споделувате кога сте во движење.

Снимањето видео е една од силните страни на PowerShot G7 X Mark III. Тој може да снима детални 4K-видеозаписи, а има и влез за микрофон од 3,5 mm за да добиете подеднакво остар звук. Исто така, ќе можете да снимате Full HD-видеоснимки со 120 fps (слики во секунда) за рамномерна репродукција на забавени движења, а постојано активната врска преку Bluetooth и Wi-Fi ви овозможува да го впарите PowerShot G7 X Mark III со вашиот паметен телефон или таблет-уред за полесно споделување содржини на интернет.

EOS M50 од Canon нуди ракување во стилот на DSLR и сензор со DSLR-големина вграден во мало куќиште за да ви овозможи максимална контрола врз вашето фотографирање, без притоа да користите тежок и голем фотоапарат. Во неговиот дизајн нема огледало, па затоа е потенок и функционира потивко од DSLR-моделите. Исто така, има вграден електронски OLED-визир преку кој може да ги видите ефектите од креативните филтри и прилагодувањата на експозицијата пред да фотографирате.

EOS M50 нуди многу повеќе од очекуваното кога станува збор за перформанси. Одликувајќи се со континуирана брзина од 10 fps, тој може да го долови совршениот момент со својот CMOS-сензор од 24,1 MP. Препознатливиот Dual Pixel CMOS AF на Canon нуди брзо и прецизно автоматско фокусирање со следење, а неговиот 3,0-инчен екран на допир со променлив агол овозможува многу едноставно избирање фокусна точка и прилагодување на поставките.

За фотоапаратите EOS M е достапна палета на лесни објективи EF-M што може да ги изберете - како и објективи EF и EF-S со користење адаптер за компатибилност. Широкоаголниот објектив со зум EF-M 11-22mm f/4-5.6 IS STM е совршен избор за истражување зимски пејзажи или снимање семејни портрети во затворени простории. Неговиот рамномерен и тивок STM-мотор за фокусирање и неговата динамичка стабилизација на слика овозможуваат полесно снимање на 4K UHD-видеозаписи со професионален изглед.

EOS 850D од Canon е напреден и повеќенаменски фотоапарат што создава неверојатно детални фотографии со 24,1 MP и остри 4K-видеоснимки. Благодарение на компактниот и лесен дизајн, овој фотоапарат е создаден за да се носи секаде. Екранот на допир со променлив агол ви овозможува да фотографирате од високи и ниски агли, а тоа уште повеќе ја зголемува неговата примена.

Опремен со многубројни креативни функции, EOS 850D е одличен избор за оние кои сакаат да фотографираат на повисоко ниво. Поголем е од EOS M50, но затоа има батерија што трае подолго и оптички визир наместо електронски, што е многу поудобен за очите кога треба да гледате низ визирот долг период. Во контролите спаѓа вртливо копче на горната страна и вртливо копче на задната страна за брзо прилагодување на поставките за фотографирање, а можноста за слободен избор на 45 AF-точки од вкрстен тип ви овозможува остро фокусирање на малите детали.

EF-S 18-135mm f/3.5-5.6 IS USM е одличен како прва опција за објектив за EOS 850D, бидејќи нуди широк опсег на зумирање што ќе ви овозможи да го исполните кадарот со отворени и градски сцени, но и да се доближите до случувањата за да ги доловите. Неговата технологија Nano USM овозможува рамномерно и тивко фокусирање што е одлично за снимање видео, како и оптичка стабилизација на слика со 4 чекори што ќе ви помогне да добиете остар фокус кога фотографирате при слаба осветленост или кога зумирате.

Дали сакате да преминете на фотографирање со формат за целосна слика? EOS RP од Canon со 26,2 MP е основен модел во системот EOS R од Canon на фотоапарати за целосна слика без огледало. Тежи приближно колку APS-C-модел, што е доказ дека моделите за целосна слика не мора да бидат тешки, а е одличен избор за сите кои сакаат да ги подобрат своите вештини или оние кои се заинтересирани за најновите технологии. Опремен е со сите потребни напредни функции што ќе можете да ги истражувате паралелно со зголемувањето на вашето искуство.

Една од најдобрите карактеристики на EOS RP од Canon е приклучокот за објективи RF што овозможува комуникација помеѓу фотоапаратот и објективот со голема брзина. Освен побрз автоматски фокус, тој нуди и подобрена стабилизација на слика и повисоко ниво на квалитет на слика благодарение на сè поголемата палета на RF-објективи од новата генерација.

Поврзете го фотоапаратот со стандарден RF-објектив со зум како што е RF 24-105mm F4-7.1 IS STM од Canon или RF 24-240mm F4-6.3 IS USM од Canon или, пак, со компактен и достапен примарен објектив како што е новиот објектив RF 50mm F1.8 STM од Canon и ќе можете да фотографирате сè, почнувајќи од пејзажи па сè до портрети. Благодарение на палетата изборни адаптери за монтирање објективи EF-EOS R, EOS RP е целосно компатибилен со сите ваши објективи EF и EF-S, без загуби во квалитетот.

Системот Dual Pixel CMOS AF со голема чувствителност вграден во EOS RP од Canon нуди максимум 4.779 изборни положби за AF, а задниот екран има улога на подлога на допир за избор на AF-точки дури и кога го користите електронскиот визир. Кога е овозможена функцијата за AF на очи, фотоапаратот автоматски ги открива и континуирано ги следи човечките очи за да добиете извонредно остри портрети.

Инстант фотоапаратите 2-во-1 од Canon им овозможуваат на надежните фотографи да фотографираат и да печатат со истиот уред со џебна големина. Zoemini C од Canon и Zoemini S од Canon се опремени со огледало на предната страна за совршени автопортрети и групни фотографии. И двата модели собираат 10 листови фотохартија ZINK™ од Canon со големина од 2x3 инчи и самолеплива заднина - не се користат мастила, бидејќи сите слики со отпорност на размачкување, кинење и вода се создаваат од слој микро кристали што реагираат при загревање. Насочете, снимете, отпечатете и залепете.

Zoemini S од Canon има и вградено прстенесто светло за уште поубави резултати и можност за поврзување преку Bluetooth, а тоа значи дека фотоапаратот и опциите за печатење - вклучувајќи го и директното печатење од фотоапаратот - може да се контролираат преку паметен телефон или таблет-уред преку бесплатната апликација Canon Mini Print.

Забавните и лесни инстант фотоапарати Zoemini од Canon се достапни во повеќе бои. На децата ќе им се допаднат живописните нијанси на Zoemini C од Canon - изберете нагласена жолта боја, ментол зелена боја, морска сина боја или светла розова боја. Тинејџерите со свој стил, пак, можеби ќе изберат Zoemini S од Canon во розова златна боја, бисерно бела боја или мат црна боја.

Компактните печатачи за фотографии SELPHY од Canon се стилски и преносливи уреди што создаваат висококвалитетни отпечатени материјали дури и кога патувате.

Компактен, практичен и достапен во четири одлични бои - SELPHY Square QX10 од Canon со Wi-Fi ќе ви овозможи да печатите детални квадратни фотографии од 68x68 mm директно од вашиот паметен телефон. Овој печатач се напојува преку батерија и е создаден да оди насекаде со вас, а може лесно да се полни преку USB-кабел. SELPHY Square QX10 користи технологија за сублимација на бои, што значи дека вашите слики ќе траат до 100 години доколку ги чувате во албум. Живописните отпечатени материјали се создаваат од висококвалитетна хартија, со простор наменет за текст, а може да додавате и креативни печати и филтри преку бесплатната апликација SELPHY Photo Layout од Canon.

Ако сакате повеќе контрола врз процесот за печатење, тогаш SELPHY CP1300 од Canon е совршен за вас. Овој печатач со Wi-Fi печати материјали со големина од 10x15 cm (4x6 инчи) со фотолабораториски квалитет за само 47 секунди и е опремен со голем екран на допир што се закосува заради полесно ракување. SELPHY CP1300 од Canon ви нуди избор од четири завршни обработки за печатење, како и повеќе опции за распоредување и „мешање“ преку бесплатната апликација SELPHY Photo Layout, вклучувајќи ленти од кабини за фотографирање и печатење фотографии за документи.

Истражувачите на надворешниот свет и љубителите на екстремни спортови ќе се воодушеват од IVY REC од Canon - забавен и достапен фотоапарат за надворешни активности што е создаден за живот исполнет со авантури. Независно дали станува збор за возење велосипед по груб планински терен или кајакарење по река, IVY REC од Canon е отпорен на удари¹ и вода².

Благодарение на неговата голема штипка, што се користи и како визир за полесно обликување на кадарот на вашите слики, овој мал фотоапарат може да се прикачи на ранец или на ремен за да ви биде при рака кога ќе сакате да го користите. Едноставните контроли на IVY REC од Canon ќе ви овозможат брзо да ја снимите саканата слика или видеоснимка.

IVY REC од Canon снима фотографии од 13 MP и Full HD-видеоснимки со 60 fps, а има и електронска стабилизација на слика за остри снимки во лоши услови за снимање. Исто така, фотоапаратот може да го поврзете безжично со мобилен уред и да го контролирате далечински преку бесплатната апликација Canon Mini Cam, а потоа може да ги гледате фотографиите и видеоснимките и да ги споделувате на интернет.


Напишано од Marcus Hawkins