Изработете си уникатен албум со семејни фотографии

Негувањето на личните врски никогаш досега не било толку важно. Во време кога сме сè пооддалечени од нашето семејство и пријатели, уживањето во секој момент со вашите сакани е непроценливо. Семејниот албум беше еден од столбовите во секое домаќинство и заслужува да го воскреснеме. Затоа, наместо да купувате нов албум, зошто не се потрудите сами да направите уникатна колекција на спомени што ќе ве долови како семејство?

Изработката на колажи е совршена креативна активност за изработка и уредување фотоалбуми со украсни визуелни елементи. Благодарение на огромниот избор на шаблони достапни на веб-сајтот и во апликацијата Creative Park, како и паметните технологии вградени во палетата на безжични печатачи PIXMA од Canon и практичните функции на апликацијата SELPHY Photo Layout, која може да се користи со палетата SELPHY од Canon, може да направите сопствено креативно студио.

Разгледајте го овој водич во чекори што објаснува како да направите сопствен фотоалбум.

• Печатач PIXMA од Canon или/и печатач SELPHY од Canon;
• Веб-сајтот или апликацијата Creative Park;
• Фотохартија и креативна хартија од Canon (ви препорачуваме да користите двострана мат фотохартија MP-101D од Canon за декоративните делови);
• Избрани фотографии и елементи за дизајн што сакате да ги отпечатите;
• Ножици, скалпел, лепило, картон и сите декоративни елементи што сакате да ги додадете во вашиот колаж.

Веб-сајтот на Creative Park нуди голем избор на елементи за дизајн што може да ги искористите за вашиот колаж, како шаблони за сечење, комплети за колажи, оригинални рамки за фотографии и многу повеќе.

Исто така, може да ја преземете практичната апликација Creative Park од App Store или Google Play. Сè што ви треба е Canon ID и поддржан печатач од Canon. Шаблоните што се достапни во апликацијата се организирани во различни категории. Практичниот дизајн на апликацијата ќе ви овозможи брзо да го пронајдете делот што го барате.

Употребивме четири декоративни хартии за внатрешноста на албумот, но може да изберете и некоја од многуте други што ги нуди Creative Park. Додајте 3D-ефект со цвеќиња или пронајдете друга налепница што ќе одговара на темата на страницата и отпечатете ја со вашиот печатач PIXMA. Ви препорачуваме да користите мат фотохартија за сите украсни делови на албумот.

Отпечатете фотографии во различни големини за да внесете разновидност во вашиот албум. Фотохартијата од Canon за печатачите PIXMA е достапна во многу големини и завршни обработки. Ако одлучите да печатите преку вашиот печатач SELPHY, тогаш користете ја апликацијата SELPHY Photo Layout и направете колажи од фотографии со различни соодноси на слика.

Нашите фотографии ги отпечативме со печатачите SELPHY Square QX10 и SELPHY CP1300 од Canon. Може да додавате креативни елементи во сликите, како печати, филтри, рабови, текст и преклопувачки елементи со помош на апликацијата SELPHY Photo Layout. Покрај тоа, самолепливата задна страна на отпечатените материјали со SELPHY Square QX10 овозможува брзо лепење во колажот без да направите неред.

Откако ќе отпечатите сè, отсечете ги и залепете ги сите елементи, а потоа подредете ги според инструкциите на шаблонот или по ваша желба.

Сега преминуваме на делот „направете сами“ од водичот: конструирање на корицата на вашиот рачно изработен албум.

Го избравме шаблонот „Beginner's Kit (Family)“ на веб-сајтот на Creative Park и го отпечативме со печатачот од серијата PIXMA TS5350a на Canon. Употребивме флексибилен картон (на пр., кутија од житарки) и цврст картон (на пр., кутија за чевли, пакет за пратки по пошта) за да ја направиме основата на корицата на албумот, а притоа користевме скалпел и лепило/селотејп.

За изработката на украсните елементи може да употребите различни предмети што веќе ги имате во домот, како жица и украсна лента или нешто друго што ќе одговара на темата на албумот. Подредете ги и залепете ги врз обележаната хартија за да завршите со изработката на вашиот креативен проект.

Сè што ви преостанува да направите е да ги составите сите страници заедно со корицата и ќе завршите со создавањето на вашиот рачно изработен албум. Не може да биде полесно! Превиткајте ги крилата по должината на страниците и залепете ги на внатрешниот спој на корицата, колку што е можно повеќе на левата страна.

Сега ќе можете да ги гледате драгоцените спомени или да го подарите албумот на семејството или пријателите за некоја специјална пригода. Ова е совршен подарок за денот на мајката, денот на бабите и дедовците или за родендени.

Ако сакате да ги подобрите вашите вештини за снимање семејни фотографии, тогаш прочитајте ги овие совети од амбасадорката Helen Bartlett на Canon.

За повеќе инспирација, разгледајте ја нашата страница на Pinterest и споделете ги вашите креации со нас користејќи ја хаш-ознаката #MadeWithPixma.


Напишано од Claire Kaleta и Agi Wojcik