Geoff shooting the video from top with EOS 80D.

ТЕХНИКИ ЗА СНИМАЊЕ ВИДЕО

Снимање видеоприказна

Кога снимате видеозапис за да раскажете приказна, неопходно е да имате субјект што ќе ви го привлече вниманието. На тој начин се фокусирате и добивате мотивација да ги доловите неопходните елементи што ќе го задржат вниманието на публиката сè до крајот. Овие совети ќе ви помогнат да ги снимите сите детали што ви се потребни за да раскажувате приказни.

Испланирајте го снимањето

Geoff drawing storyboard with pencil in a notebook.
Запишете ја вашата идеја на хартија и подгответе ја опремата.

Планирањето на снимањето ќе ви помогне да ги снимите сите потребни видеоснимки. Со пишување белешки за содржините што сакате да ги снимите и начинот на кој ќе ги снимите може да го организирате снимањето уште пред да започнете.

Подгответе ја вашата опрема пред да почнете да снимате. Наполнете ги батериите и исчистете ги објективите. Не заборавајте дека батериите се празнат побрзо кога снимате отколку кога фотографирате, па затоа понесете дополнителни батерии. Форматирајте ги мемориските картички во фотоапаратот за да бидат подготвени за снимање. Видеодатотеките се големи, па затоа може да ви требаат мемориски картички со поголем капацитет.

Повеќето фотоапарати имаат вграден микрофон за снимање звук, но за да снимите поквалитетен звук ви треба надворешен микрофон како стерео микрофонот DM-E100 од Canon. Фотоапаратите како EOS M6 Mark II имаат приклучоци за надворешен микрофон, за ситуации кога мора да снимите кристално јасен звук.

Оформете ја сцената

Поставете ја сцената за вашиот филм со серија широкоаголни снимки од локацијата. Измешајте ги овие снимки со некои детали и снимки снимени на извонредно мала оддалеченост од опкружувањето во кое ќе снимате. Објективите со зум и чекорен мотор (STM) - тука спаѓаат EF-M 55-200mm f/4.5-6.3 IS STM, EF-S 18-135mm f/3.5-5.6 IS STM и RF 24-105MM F4-7.1 IS STM - се одлични за снимање видео бидејќи работат рамномерно и тивко.

Движете се низ локацијата и не снимајте од иста положба. Овој снимен материјал ќе биде воведот на вашата приказна и ќе им го прикаже контекстот и локацијата на гледачите. Обидете се да снимате по најмалку десет секунди за секоја снимка во оваа почетна фаза, за да имате поголема слобода при уредувањето.

Претставете го субјектот

Shot from video Robot Man with the subject named Alan standing in front of the camera.
Доловете го опкружувањето на вашиот главен лик за да им го претставите на гледачите.

Претставете го главниот лик во вашиот филм со прикажување детали каде се наоѓа и што прави. Снимете различни снимки од субјектот во акција и експериментирајте со невообичаени кадри и стилови на осветлување. Повеќето фотоапарати, на пример, EOS RP, EOS M50 или EOS 6D Mark II, ви овозможуваат да користите автоматски фокус при снимањето, што е одлична функција која ќе го држи лицето на субјектот во фокус.

Зборувајте со вашиот субјект за време на снимањето, на тој начин изразите на неговото/нејзиното лице ќе бидат поприродни. Тоа ќе ви помогне и да откриете подлабоки чувства кај вашиот лик што можеби ќе сакате да ги снимите.

Снимајте одблиску

Изолирањето одредени предмети со снимки одблиску го зголемуваат интересот. Овие детални снимки можат многу да ви помогнат при уредувањето на вашиот филм.

Не секогаш ви треба макро објектив за снимање одблиску - во повеќето случаи може да го користите и вашиот стандарден објектив. Зумирајте колку што е можно повеќе за да направите субјектите да изгледаат поголеми во кадарот, а воедно и да ги изолирате од нивната заднина.

Предметите со текстура и површините во боја се идеални за снимање апстрактни снимки со детали. Не заборавајте да го движите фотоапаратот и да го поместувате фокусот врз детали од дефокусираната заднина.

Пробувајте различни перспективи и експериментирајте

Geoff crouching on the floor taking a video of the robot with EOS 80D.
Качете се високо или спуштете се на подот и вложете малку време за да снимите нешто поинакво.

Обидете се да ги доловите субјектите од невообичаени агли. Сите снимки нема да изгледаат добро, но нема да дознаете сè додека не се обидете! Променете ја гледната точка така што ќе се позиционирате над вашиот субјект и ќе снимате надолу или, пак, спуштете се на земја и снимајте нагоре. Снимањето под вашиот субјект може да создаде потполно уникатна перспектива. Во оваа ситуација може многу да ви помогне екран на допир со променлив агол, како екранот со кој е опремен EOS 850D. Менувањето на вашата позиција може да внесе многу поголема динамика во вашиот филм отколку постојано да снимате од нормална перспектива.

Ако снимате зад субјектот што е во преден план, тогаш изберете одредена фокусна точка за да ја изострите заднината и да внесете филмски ефекти на дефокусирање во преден план.

Обмислете ја композицијата

Размислете како најдобро да ги позиционирате елементите во кадарот. Понекогаш, стандардните пристапи за обликување на кадарот како што е правилото на две третини и линиите што го насочуваат вниманието се одличен избор. Не заборавајте да пробате и други гледни точки, на пример, користете симетрија за да снимите алтернативни снимки.

Користете снимки од детали и екстремно отсечени кадри за да го задржите вниманието на гледачите. Обидете се да снимате од различни агли и перспективи за да го оформите вашиот стил и да го истакнете вашиот филм од останатите.

Експериментирајте со брзината и времето

Geoff leaning over EOS 80D on a tripod filming a robot.
Користете ја функцијата за видеоснимки со забрзани движења за да ги скратите долгите сцени и да добиете драматичен ефект.

Сцените со прескокнување внесуваат поголем простор и драма во вашиот филм. Снимајте слични снимки од ист агол, а потоа прескокнувајте помеѓу различни делови од секоја снимка, преминувајќи од еден на друг момент.

Ако вашиот фотоапарат има опција за видеоснимки со забрзани движења или голема стапка на слики, тогаш искористете ги за да експериментирате со брзината и времето. Воодушевете ги гледачите со снимка со забрзани движења, за да ги компресирате бавните случувања во пократки снимки. Користете ја големата стапка на слики за да ги забавите брзите случувања.

Зголемете ја неизвесноста

За да почнете со разврската на филмот треба да создадете визуелна напнатост. Тоа ќе го постигнете со различни снимки, снимки снимени на извонредно мала оддалеченост и широки кадри. Преминот од кадарот на неутралниот субјект во кадарот на главната последна сцена е одличен начин да ја навестите последната етапа на вашиот филм.

Снимајте кратки снимки за да ја зголемите неизвесноста. Не заборавајте дека може да отсечете неколку секунди од поголема снимка, па затоа обидете се да снимите неколку секунди резервен материјал пред и по саканата содржина.

Доловете ги случувањата и реакциите

Geoff looking at the LCD screen on the back of EOS 800D filming Robot Man video.
Не заборавајте да ги снимите реакциите и чувствата на субјектите во филмот.

Ставете целосно наполнета батерија во фотоапаратот пред да започнете да ја снимате крајната сцена. Не би сакале да пропуштите ниту момент од случувањата поради празна батерија. Исто така, проверете дали имате доволно слободен простор на мемориската картичка.

Снимањето на последните случувања за вашиот филм е неопходно, но не заборавајте да ги доловите и реакциите на другите ликови. Можно е да треба брзо да се движите наоколу. Снимајте со фотоапаратот и движете го рамномерно. Стативот со држач HG-100TBR од Canon, што е одличен за помали фотоапарати како EOS M6 Mark II, може да ви помогне да снимате стабилно. Преминете од широк кадар во кадар одблиску преку менување на вашата положба и зумирање со објективот. Обидете се да доловите чувство на вклученост во случувањата околу вас - вашите гледачи треба да се чувствуваат вклучени во случувањата.

Забавувајте се

Забавувајте се додека снимате, понекогаш работите не излегуваат како што сте планирале, но затоа може многу да научите од таквите ситуации. Градејќи доверба со вашите субјекти, може да откриете многу повеќе за луѓето и светот околу вас.

Кога снимате филм, вие одлучувате како се раскажува приказната. Кога работите со луѓе, ќе влијаете врз тоа како ќе бидат прикажани во настаните и ситуациите. Вашиот филм ќе содржи дел од вашиот карактер, па затоа уживајте додека го снимате.

Слични статии
Stef Michalak crouching on a path with a Canon EOS M50 to film his son's first ride on a balance bike.

ТЕХНИКИ ЗА СНИМАЊЕ ВИДЕО

Претворете го семејниот ден во фантастичен домашен филм

Снимајте драгоцени семејни моменти и дознајте како да извлечете максимум од функциите за снимање видео на вашиот фотоапарат EOS со семејниот видеоблогер Stef Michalak.

A wooden chopping board with balls of colourful clay spread along it.

ТЕХНИКИ ЗА СНИМАЊЕ ВИДЕО

Совети за снимање со запирање на движењата

Професионалниот аниматор Ed Jackson открива како да снимите анимиран филм со запирање на движењата.

YouTube star and vlogger Mike Gray presses the Record button on the Canon PowerShot G7 X Mark III's touchscreen.

СНИМАЊЕ ВИДЕОБЛОГОВИ

Креативни совети за снимање видеоблогови со PowerShot G7 X Mark III од Canon

Ѕвездата на YouTube, „MikeVisuals“, открива како создава интересни видеоблогови со компактниот фотоапарат PowerShot G7 X Mark III од Canon и ги споделува неговите најдобри совети за снимање видеоблогови.

Слични производи

Слични написи



Get Inspired е најголемиот извор на практични совети за фотографирање, водичи за купување и информативни интервјуа - сè што ви е потребно за да го пронајдете најдобриот фотоапарат или најдобриот печатач и да ја реализирате вашата следна креативна идеја.

Назад до сите совети и техники