ФОТОГРАФИРАЊЕ СПОРТ

Насочете, фотографирајте и поентирајте: доловете ги победничките моменти со компактен фотоапарат

Професионалниот спортски фотограф Molly Darlington ги споделува нејзините најдобри совети за доловување на аматерските спортски моменти со техниката „насочи и фотографирај“.
Човек држи PowerShot SX740 HS од Canon и ја прегледува снимената фотографија на екранот што се врти.

За да се долови слободната акција во детски фудбалски натпревар, потребни се брзи рефлекси и уште подобар зум, како што поранешниот амбасадор на Canon и професионален спортски фотограф Molly Darlington многу добро знае. Molly почна да фотографира спортови во 2015 година, додека сè уште беше на факултет. Откако заврши факултет, таа продолжи да фотографира фудбалски натпревари од англиското првенство и лига Premier.

Нејзината добра спортска подготовка ѝ овозможи да знае точно кои моменти од фудбалскиот натпревар да ги долови. Опремена со PowerShot SX740 HS од Canon со џебна големина, кој се одликува со моќен оптички зум со 40x во компактното куќиште, како и со фотоапаратот PowerShot ZOOM од Canon во форма на монокулар, таа ги примени своите професионални вештини на теренот на кој се одигра аматерскиот натпревар. Овие два практични фотоапарати исто така се идеални за фотографирање семејни активности на отворено или средби со животни и ќе ве доближат поблиску до случувањата.

Објаснувајќи што обично сака да постигне со своите слики, Molly вели: „Се трудам да ја раскажам приказната на натпреварот, што се случувало во него и да ги прикажам добрите и лошите моменти, така што кога некој ќе ја види таа слика, точно да се потсети на моментот кога била направена.

„Секогаш се трудам да ги доловам моментите за паметење во спортот. Во фудбалските натпревари обично ги фотографирам головите, прославите и важните моменти како давањето црвени картони. Сакам емоции во моите слики, без разлика дали се работи за возбуда, фрустрација или потиштеност и дали доаѓаат од играчите или од публиката.“

Овде Molly објаснува како вие може да го сторите истото со едноставна, компактна опрема.

1. Фотографирајте низа слики

Момчиња играат фудбал, четворица во зелени дресови, од кои едното е со крената нога во воздух за да ја шутне топката, а едно момче е во син дрес.

„Пријателскиот натпревар помеѓу два локални тимови за деца под 12 години во општинскиот фудбалски центар беше одлична прилика да ја тестираме опремата и да им овозможиме на родителите да ја доловат акцијата додека го гледаат натпреварот.“ Фотографирано со PowerShot SX740 HS од Canon при 461mm, 1/1300 сек., f/5,6 и ISO800.

PowerShot SX740 HS од Canon и PowerShot ZOOM од Canon поставени врз белите линии на тревата на игралиштето.

PowerShot SX740 HS од Canon и PowerShot ZOOM од Canon се доказ дека големите нешта имаат мали димензии - лесни, со џебна големина и достапни, тие се одличен додаток во опремата на надежните спортски фотографи или на родителите што сакаат да ги овековечат спомените.

Со фотоапарат како што е PowerShot SX740 HS од Canon, кој се одликува со неверојатно брз одзив при притиснување на копчето и континуирано фотографирање со 10 слики во секунда, може да создадете серија слики за да бидете сигурни дека нема да ги пропуштите возбудливите моменти. Може да снимате и со 10 fps (слики во секунда) и на PowerShot ZOOM од Canon.

„Кај оваа слика, можноста за фотографирање со 10 fps беше многу корисна бидејќи ми овозможи да снимам низа настани во кои еден играч влегува во дуел со друг играч, по што можев да ја изберам најдобрата слика,“ објаснува Molly. „Снимањето низи од дуели знае да биде тешко бидејќи топката не е секогаш во кадарот, така што можноста за фотографирање 10 слики во секунда навистина помага.“

2. Исполнете го кадарот

Момче кое трча и среќно прославува на фудбалски терен.

Molly сака да го исполни кадарот за изразот на нејзините објекти да биде јасен. „Се надевам дека гледачот ќе почувствува нешто кога ќе ја погледне фотографијата,“ вели таа. Фотографирано со PowerShot SX740 HS од Canon при 220,5mm, 1/1600 сек., f/5,6 и ISO400.

Molly Darlington седи на мал стол покрај фудбалско игралиште и го следи натпреварот.

Компактниот PowerShot ZOOM беше идеален за доловување на акцијата во овој фудбалски натпревар, за зумирање од покрај теренот и за гледање на целата акција.

„Емоциите се клучни за добра спортска слика, а во оваа фотографија го користев зумирањето за да ја фотографирам прославата на играчот,“ вели Molly, која се послужи со оптичкиот зум со 40x со кој се одликува PowerShot SX740 HS од Canon за да го исполни кадарот со емоции за паметење.

„Секогаш е добро да можете да го исполните кадарот при фотографирањето спорт, а зумот од 40x ви овозможува да го сторите тоа и кога акцијата се случува подалеку од вас,“ вели таа. За Molly, моментите на прослава се меѓу најдобрите делови на нејзината работа. „За мене, нема подобро чувство од успешно изведена акција и фотографирањето гол на фудбалски натпревар, кога славењето се приближува кон вас, а публиката полудува зад вас.“

3. Пробајте различни фокусни должини

Molly Darlington држи PowerShot ZOOM од Canon на фудбалски натпревар.

PowerShot ZOOM од 800mm се одликува со зум во три чекори што ви овозможува да се префрлувате помеѓу фокусни должини од 100mm, 400mm и 800mm со притиснување на копче, поради што нема да пропуштите ниту една фотографија, без разлика на далечината.

Момчиња играат фудбал, едно ја води топката додека играч од противничкиот тим го брка.

Можноста за брзо менување на фокусната должина е особено важна во спортското фотографирање, каде што акцијата се одвива брзо и никогаш не знаете кога ќе се случи нешто клучно. Објективот со зум од 40x на PowerShot SX740 HS од Canon има максимална широкоаголна фокусна должина еквивалентна на 24mm и се одликува со телефото опсег од 960mm. Фотографирано со PowerShot SX740 HS од Canon при 109,3mm, 1/1600 сек., f/5 и ISO200.

PowerShot ZOOM од Canon се одликува со 12 мегапиксели и може да го држите во една рака. Тој има еден објектив, но сепак ви нуди зумирање со три чекори за да ви ги приближи и далечните детали. Molly смета дека користењето на функцијата е интуитивно и многу важно за уживање во акцијата одблиску.

„Префрлувањето помеѓу фокусните должини беше неверојатно лесно со помош на копчето на горниот дел на PowerShot ZOOM од Canon, кое, кога ќе го притиснете, се префрлува помеѓу 100mm, 400mm и 800mm,“ вели таа. „За овој фудбалски натпревар, зумирањето од 400mm беше совршено, но за поголеми спортски настани на професионални терени, подобро е да се користи опцијата од 800mm.“

Фокусните должини од 100mm, 400mm и 800mm се назначени во визирот и колку што е поголем бројот, толку сте поблиску до вашиот објект.

Експериментирањето со интелигентните функции на вашиот фотоапарат е клучно за да ги снимите фотографиите онака како што сакате. „Фотографирањето со нов фотоапарат може да биде тешко додека не се навикнете на неговиот начин на работа,“ објаснува Molly. Нејзиниот најдобар совет? „Вежбајте, вежбајте, вежбајте со опремата. Понекогаш треба да ја пробате опремата неколку пати само за да добиете претстава како функционира и да пробате различни поставки.“

Пред да го користите фотоапаратот на спортскиот настан на вашето дете, добра идеја е да се запознаете со опремата, а компактните фотоапарати се одлични за оние кои тукушто почнуваат.

4. Фокусирајте се на острината на сликата

Момче се подготвува да удри топка на фудбалски натпревар.

Покрај тоа што ќе ја задржи острината на вашите слики, Molly советува и да имате чиста заднина, без елементи што го одвлекуваат вниманието во кадарот, бидејќи тоа ќе ги направи вашите слики од неуредни во вредни за врамување. „Ако имате чиста и уредна заднина, гледачот ќе може целосно да се фокусира на објектот,“ вели таа. Фотографирано со PowerShot SX740 HS од Canon при 228,7mm, 1/1600 сек., f/5,6 и ISO400.

„Да снимите остра слика за време на натпревар со брзо темпо знае да биде тешко, така што сè што може да ви помогне во тоа секогаш е добредојдено. Стабилизацијата на слика на PowerShot ZOOM од Canon и PowerShot SX740 HS од Canon помогна при фотографирањето, бидејќи топката може да се движи многу брзо, така што за мене тоа беше многу важно,“ вели Molly.

Molly смета дека вградената стабилизација на слика ѝ овозможила да фотографира рачно за да може да ја следи акцијата, но таа користи и пренослив мал стол на склопување што овозможува дополнителна потпора на спортските настани и е омилен меѓу професионалните фотографи што го фотографираат теренот. „Тие се многу издржливи, така што многу спортски фотографи ги поседуваат, а се и многу практични бидејќи најчесто може да ја приспособите висината за да седите зад таблите со реклами и да бидете онолку високи или ниски колку што сакате за време на спортските настани,“ вели таа.

Фотоапаратите PowerShot ZOOM од Canon и PowerShot SX740 HS од Canon се одликуваат со автоматско фокусирање со откривање на лице и AF со следење, што е идеално за објектот - без разлика дали е топката или играчот - да биде во фокусот кога е во движење.

5. Прегледувајте додека фотографирате

Човек гледа во слика на екранот што се врти на PowerShot SX740 HS од Canon.

PowerShot SX740 HS од Canon се одликува со екран ц за 180°, со што многу го олеснува прегледувањето на фотографиите веднаш по фотографирањето.

Две момчиња на фудбалски натпревар, едно се обидува да ја протне топката покрај голманот, кој е во положба да ја пресече.

Генерално, вели Molly, „PowerShot SX740 HS беше одличен фотоапарат за детски спортски настан. Има одличен опсег на зумирање, а екранот во живо ви овозможува лесно да го следите тоа што го фотографирате.“ Фотографирано со PowerShot SX740 HS од Canon при 524,3mm, 1/2000 сек., f/6,3 и ISO800.

Со помош на LCD-екранот што се врти, прегледувањето на вашите фотографии за време на спортските настани никогаш не било полесно. Екранот што се врти 180° на PowerShot SX740 HS од Canon ѝ овозможи на Molly да провери дали ги направила саканите фотографии.

„LCD-екранот што се врти ви овозможува да ги прегледувате сликите веднаш по фотографирањето, така што знаете што сте фотографирале,“ вели таа. „Повторно, оваа слика од играчот кој постигнува гол покрај голманот ја овозможи зумот од 40x, бидејќи и двајцата беа на другата страна на теренот.

Може да се поврзете со апликацијата Camera Connect од Canon и да ги споделите вашите слики со другите родители веднаш по натпреварот. Апликацијата Camera Connect може да се користи и за да ги прегледате сликите од вашиот PowerShot ZOOM од Canon, па дури и за далечинско фотографирање со фотоапаратите PowerShot ZOOM или PowerShot SX740 HS од Canon, ако аголот што сакате да го доловите е тежок.

Без разлика дали сте надежен спортски фотограф или само ја сакате акцијата, фотографирањето на спортските моменти не е толку тешко колку што можеби изгледа, така што Molly ги поттикнува сите да земат фотоапарат со себе следниот пат кога ќе бидат крај терените и да ги овековечат моментите што ќе останат долго по последниот свиреж на судијата.

Секако, покрај одличната опрема, Molly ги користи и вештините со кои се стекнала во развојот на кариерата: трпение и инстинкт за правилно позиционирање за да се фотографира клучниот момент. „Ви треба трпение и многу вежбање, а на многу спортски настани и среќата треба да биде на ваша страна,“ вели таа. „На пример, ако сте на фудбалски натпревар и седите во еден агол, не може да сторите многу ако акцијата претежно се случува во другите три агли. Во тие ситуации, треба да го познавате спортот што го фотографирате за да може да го следите и да предвидите што би можело да се случи следно.“

„Отсекогаш сум го сакала спортот и фотографирањето, така што беше многу логично за мене да ги комбинирам овие две работи,“ вели таа. „Немав претстава колку ќе ми се допаѓа сето тоа додека не отидов на првиот натпревар. Со многу вежбање и малку добра среќа, успеав да стигнам каде што сум и не би променила ништо.“

Напишано од Lorna Dockerill

Слични производи

  • Компактни дигитални

    PowerShot SX740 HS

    Доловете ги сите детали со оптички зум до 40x и 4K Ultra High Definition со помош на овој компактен фотоапарат со џебна големина.
  • Компактни дигитални

    PowerShot ZOOM

    PowerShot што може да го држите во една рака и да снимате волшебни семејни моменти или диви животни со зум од 100 mm, 400 mm2 или со дигитален продолжен зум од 800 mm.
  • 8x20 IS

    Компактен, практичен и наш најлесен двоглед досега со стабилизација на слика и доближување од 8x, совршен за патување, набљудување диви животни и следење спортови.

Слични статии