ФОТОГРАФИРАЊЕ ПОРТРЕТИ

Практична магија: истражување митско осветлување и нереално фотографирање

Експертот за портрети од фантазијата, Rosie Hardy, ги споделува своите врвни совети за создавање неверојатни слики како од бајките.
Жена со долга руса коса облечена во црвен фустан седи покрај прозорец на замок при маглив ден. Фотографирано од Rosie Hardy.

Најпрепознатливите елементи на нереалните слики на Rosie Hardy се фустани за бал што се лелеат како водопади, необични сводови и раскошни цвеќиња. Но, зад секоја фотографија има и приказна - или внимателно составена наратива што се открива во елементите на сликата, или придружен цитат што е внимателно одбран за да го прикаже делото во ново светло.

„Отсекогаш многу ме привлекувале приказните на луѓето“, вели Rosie. Фотографот на креативни портрети го започна своето патешествие онлајн со документирање на нејзиното искуство со алопеција како тинејџерка, како и борбата со откривањето на сопствениот идентитет без потпирање на изгледот. „Многу се заинтересирав во чувствата на луѓето, човековата психологија и однесување. Секогаш ме привлекува тој емоционален аспект во моите и туѓите дела. Затоа толку ме привлекуваат портрети“.

Од нејзините креативни автопортрети, па сѐ до нејзиното фотографирање свадби и комерцијални проекти, портретите на Rosie се одликуваат со впечатлива и нереална естетика. „Тоа што го работам дефинитивно еволуира, но јас сѐ уште се трудам да го постигнам истиот стил - фантастичните, надреалните дела како од бајките кои сум ги правела отсекогаш“, вели таа.

Овде, таа ги споделува своите 10 врвни совети за ентузијасти кои сакаат да го истражат магичното поле.

1. Доловете привлечни ефекти на дефокусирање

Жена со долга руса коса облечена во бел фустан со многу цветни детали се потпира на камен столб во шума и си ја потпира главата на раката. Фотографирано од Rosie Hardy.

Ладните тонови и придушени бои овде поставуваат нереален тон додека моделот позира во шумата. Rosie често фотографира со објектив од 85 mm, којшто е совршен за „магични и кремасти ефекти на дефокусирање“, одвојувајќи го субјектот од заднината и за омекнување на бојата на кожата. Фотографирано со Canon EOS 5D Mark IV и објектив Canon EF 85mm f/1.2L II USM со избрани 1/640 сек., f/2,2 и ISO 250. © Rosie Hardy

Портрет од жена облечена во сив фустан без прерамки којашто седи и носи круна од портокалови цвеќиња во својата долга црвена коса. Зад неа стои растение покриено со истите портокалови цвеќиња. Фотографирано од Rosie Hardy.

„Истражувањето на човечноста низ која било форма на уметност е навистина прекрасно“, вели фотографот на креативни портрети, Rosie Hardy, чиишто слики ѝ донесоа над 180.000 следбеници на социјалните медиуми. Фотографирано со Canon EOS R и објектив Canon RF 85mm F1.2L USM STM, со избрани 1/1600 сек., f/1,2 и ISO 100. © Rosie Hardy

Експериментирањето со ефекти на дефокусирање може да создаде магична атмосфера, особено ако користите голема решетка и мал f-број за да создадете мала длабочина на поле, со што се омекнува заднината.

„Ефектите на дефокусирање се волшебни“, вели Rosie. „Ако фотографирам некоја локација што навистина сакам да ја покажам, тогаш би фотографирала со помала решетка за да го покажам опкружувањето. Но, ако сакам да се фокусирам на фустан, тогаш би ја отстранила заднината и би го ставила цел фокус на моделот“.

2. Фотографирајте со задно осветлување за волшебна естетика

„Фотографирање во сенка, со светлина што се филтрира низ дрвја и задно осветлување, е одличен начин да создадете меко, привлечно и митско осветлување ако немате опрема за осветлување“, вели Rosie. Со поставување на изворот на светлина зад субјектот, можете да создадете прстенест ефект и меки и интимни слики. „Јас сметам дека тоа создава помалку хаос во сликата и ја прави да изгледа повеќе како бајка“.

Комбинирањето на нејзиниот Canon EOS R5 или Canon EOS 5D Mark IV со природна светлина ја формира основата на нејзиното необично фотографирање. „Обожавам природно осветлување и сметам дека, ако го совладате додека сте почетник, ќе ве оформи како фотограф“, додава таа.

3. Истражувајте реквизити и костими

Жена во лелеав розов фустан седи на раскошен кауч и се потпира на потпирачот, а покрај него има куп цвеќиња. Од Rosie Hardy.

Rosie комбинира домашни реквизити со раскошни фустани за да создаде необичен изглед. „Изнајмувањето нешта е уште една добра опција за почетници, особено ако сте на универзитет и имате некаков вид на театарски оддел“, вели таа. Фотографирано со Canon EOS R5 и објектив Canon RF 35mm F1.8 MACRO IS STM. © Rosie Hardy

Жена облечена во син фустан делува како да излегла од скршен екран на џиновски паметен телефон што самостојно стои во поле. Фотографирано од Rosie Hardy.

Rosie често користи реквизити во нејзините портрети - а голем дел од нив ги прави самата и потоа ги подобрува во обработката по фотографирањето, како овој џиновски паметен телефон, којшто е всушност скршено огледало со дигитално додадена рамка на паметен телефон. Фотографирано со Canon EOS 5D Mark IV и објектив Canon EF 35mm f/1.4L II USM со избрани 1/640 сек., f/4,5 и ISO 100. © Rosie Hardy

Во фотографиите на Rosie често има весели украси, како и нејзините препознатливи фустани за бал, што ги оживува нереалните сцени преку рачно направени елементи што таа ги приспособува во обработката по фотографирањето. „Вреди да се истражат сцените, реквизитите и костимите“, вели таа. „Со нив се истакнувам од другите“.

За да ги одржувате трошоците мали, таа препорачува да пребарувате онлајн аукции и локални половни продавачи за добри зделки, да изнајмувате од складишта за реквизити и продавници за изнајмување костими, или да правите сопствени реквизити - како што таа направи со една од нејзините слики, во која таа ползи низ џиновски телефон. „Извадив огледало од рамка, се протнав низ неа и уредив слика од мојот телефон на таа рамка“, вели таа. „Исеков парчиња картон во форма на срциња за известување и ги обоив со лак за нокти бидејќи немав достапни бои во тој момент“.

4. Играјте си со меко осветлување

Убавото осветлување игра важна улога при создавање нежна естетика. „Дифузираното и меко осветлување што нема остри сенки ја омекнува кожата“, вели Rosie.

Иако таа се труди да ги избере локациите врз основа на тоа што нуди осветлувањето, понекогаш треба да манипулирате со природната светлина, за што постојат многу достапни начини. „Ако фотографирате портрет на сонце, можете да закачите чаршаф за малку да ја дифузирате светлината“, вели таа. „Ако користам рефлектор, би избрала златен наместо постуден сребрен рефлектор за да ја стоплам бојата на кожата“.

5. Бидете креативни во обработката по фотографирањето

Модел во пердувест бел фустан гледа кон фотоапаратот, а врз неа паѓа лажен снег

Софтвер за уредување ви овозможува да менувате бои и да омекнувате слики за да ја зголемите волшебната атмосфера. „Уредувањето, исто така, прави вашите дела да изгледаат како да имаат поголем буџет од вистинскиот“, вели Rosie, која често ги подобрува своите реквизити и дизајн на сцени при уредувањето, од спојување до дизајнирање професионални надреални светови.

Софтверот Digital Photo Professional (DPP) од Canon е идеална алатка за почетници, вели таа. „DPP отсекогаш бил многу добар за мене бидејќи со него можам да ги обработам моите RAW-датотеки за да ги доведам до најдобриот можен квалитет, како и да ги прелистам сликите и да ги видам во навистина корисен формат“. Софтверот може да се користи и за приспособување елементи како баланс на бела боја, заситеност и основни криви. „Ако сакам да стоплам или оладам слика пред да ја извезам, тоа е најдобриот софтвер бидејќи го одржува интегритетот на датотеката“, додава таа.

6. Изградете палета на бои

Нереалните фотографии често имаат мека и придушена палета на бои, полна со пастелни и ладни тонови. „Боите многу влијаат на целокупната слика“, вели Rosie. „Како гледач, одбивни ми се слики што имаат премногу различни бои, освен ако тоа не е специфичната тема. Ме привлекуваат слики што имаат општ тон“.

Кога станува збор за боите, Rosie претпочита едноставност и рамнотежа. „Ако ги разгледате моите социјални канали или веб-страница, ќе видите дека секоја слика има општ тон или две бои“, продолжува таа. „Кога фотографирам, или се обидувам да откријам кои ќе бидат моите две бои, или како да ја уредам таа слика подоцна за да направам разбирлива снимка“.

7. Истражете различни локации

Фотографот Rosie Hardy стои пред езеро и користи фотоапарат за да фотографира мала електрична светилка којашто ја држи во другата рака.

Селските сцени може да ви обезбедат многу фантастични заднини за вашите портрети, како ова езеро при самрак коешто изгледа како да е од сон.

Портрет од жена што носи лелеав розов фустан и самовилски крилја. Седи на полумесечина во шумско опкружување, а околу неа има чад. Фотографирано од Rosie Hardy.

Ладните тонови и придушени бои овде поставуваат нереален тон додека моделот позира во шумата. Фотографирано со Canon EOS 5D Mark IV и објектив Canon EF 35mm f/1.4L II USM со избрани 1/1000 сек., f/2,2 и ISO 125. © Rosie Hardy

Кога мислите на митски слики, најчесто е најважна локацијата. Rosie и нејзините модели често позираат покрај впечатлива архитектура или густи шуми за фотографиите да се стекнат со нереална атмосфера. „Ме привлекуваат напуштени места, замоци и секакви сводови“, вели таа. „Започнувањето на места што се јавно достапни, како паркови, шуми и големи отворени резервоари и езера е одличен начин да се навикнете на фотографирање во јавност, без притисок од луѓе што ве гледаат или проблеми бидејќи ги немате соодветните дозволи“.

RF50mm F1.8 STM

Алатка за избирање објективи од Canon

Пронајдете го соодветниот објектив за вашите потреби

8. Изберете го вистинскиот објектив

„Како фотограф на портрети, не сакам да ги изобличам луѓето во моите слики“, вели Rosie. „Фотографирање при многу широк агол малку го изобличува лицето, поради што го избегнувам кога фотографирам портрети“.

Објективите што најчесто ги користи се Canon EF 35mm f/1.4L II USM, Canon EF 85mm f/1.2L II USM и Canon EF 50mm f/1.4 USM. Сите три објективи нудат широки решетки за мек фокус, а притоа одржуваат реални пропорции и детали. Нејзините претпочитани примарни објективи ѝ нудат уште една предност. „Размислувам и за интеракциите со луѓето што стојат пред мене“, вели Rosie. „Ако користев подолг објектив, не би можела многу добро да комуницирам со клиентот бидејќи би викала од далеку“.

Други опции за објективи за овој вид слики се Canon RF 35mm F1.8 MACRO IS STM, Canon RF 50mm F1.8 STM и Canon RF 85mm F2 MACRO IS STM.

9. Користете подолги времиња за експозиција

Спроти конвенционалното мислење, Rosie сака да користи прекумерна експозиција во нејзините слики. „Знам дека многу луѓе ќе се згрозат од идејата да изгубат детали и да имаат пренагласени светли тонови, но јас сметам дека малку прекумерна експозиција дава филмски изглед“, вели таа.

Подолгите времиња за експозиција може да создадат чувство на движење во сликите, особено кога тоа се применува на подвижни елементи, како вода или облаци. Rosie сѐ повеќе експериментира со вештачка интелигенција (ВИ) при уредувањето, што е практично кога си игра со експозицијата. „На пример, ако имам дел од бел фустан со прекумерна експозиција, можам да го заокружам тој дел и да напишам „додај детали“ во полето за наредба, при што вештачката интелигенција ќе го анализира остатокот од фустанот и ќе ги додаде истите детали, што ме воодушевува“.

10. Формирајте приказна

Портрет од млада жена со пеги, светлосини очи и долга руса коса. Таа гледа директно во фотоапаратот и е опколена со розови цвеќиња. Фотографирано од Rosie Hardy.

Внесување на наративни елементи во вашите слики, заедно со костими и сцени, може да ги подобри нивните митски димензии - и влијание. Фотографирано со Canon EOS R и објектив Canon RF 85mm F1.2L USM со избрани 1/1000 сек., f/2 и ISO 250. © Rosie Hardy

Приказните се сржта на работата на Rosie, воздигнати далеку над обични портрети, а таа ги охрабрува ентузијастите да внесат наративни елементи во нивните слики. „Многу луѓе мислат дека можноста за раскажување приказни е вродена, но јас мислам дека се учи“, вели Rosie. „Не мислам дека треба да е срамно да нѐ инспирираат други луѓе. Само треба со почит да ја толкувате таа инспирација. Препорачувам да ги деконструирате сликите што ги сакате и да ги пробате тие елементи на различни начини“.

Таа предлага и да побарате инспирација во себеси. Некои од нејзините најмоќни дела се инспирирани од тагувањето по смртта на нејзина блиска личност низ фотографирање.

„На крај, треба да се стремите да ја раскажете својата приказна и да бидете инспирирани од своите емоции - и позитивни и негативни. Треба да погледнете навнатре и да се запрашате „Што сакам да кажам? Кои се моите коментари на животот?“


За повеќе инспирација и совети од фотографи, погледнете ги креативните видеозаписи за уредување на Rosie, како и останатите видеа во листата за репродукција Canon Europe Learning Series на YouTube.


Напишано од Lucy Fulford

Слични производи

  • Фотоапарати без огледало

    EOS R5

    Променете ја вашата перспектива за фотоапаратите без огледало. Беспрекорните перформанси на EOS R5 ќе го подобрат начинот на кој фотографирате и снимате.
    Погледнете детали EOS R5
  • Фотоапарати без огледало

    EOS R8

    Преминете на фотографии и видеозаписи во формат за целосна слика и остварете ги вашите креативни амбиции.
  • Фотоапарати без огледало

    EOS R50

    Снимете ги вашите најдобри содржини со овој фотоапарат без огледало EOS R, од остри фотографии до 4K-видеоснимки и проследување во живо. Сè во еден наменски уред.
  • Објективи RF

    RF 35mm F1.8 MACRO IS STM

    Макро објектив f/1,8 од 35 mm со брза решетка за широкоаголна перспектива, кратко растојание на фокусирање и хибридна стабилизација на слика.
  • Стандарден објектив

    RF 50mm F1.8 STM

    Компактен, тивок и лесен примарен RF-објектив од 50 mm, со широка решетка од f/1,8, што е совршен за реализирање на вашата креативна замисла.
  • Објективи RF

    RF 85mm F2 MACRO IS STM

    Објективот RF 85mm F2 MACRO IS STM нуди разновидни опции за фотографирање одблиску со дискретна телефото компресија и стабилизација на слика со 5 чекори, вградени во компактно и лесно куќиште.

Слични статии

  • ОСНОВИ ЗА ФОТОГРАФИРАЊЕ

    Снимајте привлечни фотографии

    Инфлуенсерот на социјални медиуми Steffi Marla споделува како гарантира дека нејзините слики ќе се истакнуваат онлајн.

  • ФОТОГРАФИРАЊЕ ПОРТРЕТИ

    Совети за фотографирање портрети

    Подобрете го вашето фотографирање портрети со овие врвни совети и техники.

  • ФОТОГРАФИРАЊЕ ПОРТРЕТИ

    Снимајте апстрактни портрети

    Експериментирајте со повеќе експозиции, боење со светлина, играње со сенки и многу повеќе.

  • ФОТОГРАФИРАЊЕ ПОРТРЕТИ

    Најдобрата опрема од основна класа за портрети

    Фотоапарати и објективи за секаков вид фотографирање портрети.