Патувајте со лесен багаж: фотографирајте ја природата со компактниот PowerShot SX740 HS

1. Доловувајте случувања во далечина со зум до 40x

Благодарение на моќниот оптички зум до 40x на PowerShot SX740 HS од Canon, нема потреба да им се доближувате на животните и да ги исплашите, а со тоа ќе надминете една од најголемите пречки за фотографирање диви животни и ќе фотографирате од далечина. Функцијата за помош при обликување на кадарот ќе ви помогне да го ставите субјектот во кадарот, а технологијата ZoomPlus на фотоапаратот двојно го зголемува оптичкиот зум на дигитален начин за да добиете вкупен зум до 80x.

2. Џебна големина и преносливост

Со компактните фотоапарати нема да пропуштите ниту еден момент бидејќи може да ги носите насекаде со вас - од шума до ливада, од сафари до плажа. Со дебелина помала од 4 cm, лесниот фотоапарат PowerShot SX740 HS од Canon може лесно да се носи во џеб за да ви биде при рака кога ќе ви затреба, подготвен да ја долови птицата грабливка што ќе се спушти од небото или урбаната лисица што се крие во сенките. Можностите се бесконечни со овој компактен придружник: ќе ви овозможи да фотографирате диви животни со висока резолуција во секое време и на секое место.

3. Повеќе агли

LCD-екранот што се врти на PowerShot SX740 HS од Canon ви овозможува да снимите совршен автопортрет „во природа“, особено во комбинација со режимот за автопортрети на фотоапаратот. Можноста за вртење до 180 степени е неверојатно практична и ќе ви овозможи, на пример, да фотографирате од висина на колкот без да се наведнувате, а сепак да ја гледате фотографијата што ќе ја снимите.

4. Споделувајте ги вашите слики

Ако сакате да ги споделувате вашите слики со пријателите и семејството, тогаш опциите за поврзување преку Bluetooth и Wi-Fi ќе ви овозможат лесно да го поврзете PowerShot SX740 HS од Canon со вашиот паметен телефон. Активирајте ја функцијата за автоматско префрлување на апликацијата Canon Camera Connect и вашите слики ќе се префрлуваат за неколку секунди во вашиот телефон или таблет-уред за да ги објавите на социјалните медиуми или да ги испратите на саканите. Дури и ако фотографирате само поради тоа што уживате во тоа, оваа функција е многу практична - овозможува многу лесно правење резервни копии од најновите фотографии што сте ги снимиле во компјутер.

5. Снимајте 4K-видео

Не правете отстапки за квалитетот за видео доколку се одлучите за компактен модел. Малиот, но сепак моќен PowerShot SX740 HS од Canon снима неверојатни 4K-видеоснимки со кои може да го доловите дебелото животинско крзно или интересните шари на пердувите на птиците. Високата резолуција, заедно со оптичката стабилизација на сликата, ќе ви овозможи да снимате со ист квалитет дури и ако се движите. Достапни се и опции за снимање фотографии од снимените видеосодржини и режим за снимање видеозаписи со забрзани движења - идеално за доловување на прекрасно зајдисонце.

Напишано од Tamzin Wilks