КРЕАТИВНО ПЕЧАТЕЊЕ

Печатете сопствени шаблони за везење

Создадете уникатно уметничко дело за на ѕид или разубавете обична бела маица со овој водич со објаснувања во чекори за печатење шаблони за везење.
Canon Camera
Везењето стана многу популарно во последните неколку години како резултат на потрагата по хоби за смирување и причина за одвлекување на нашето внимание од телевизорите и мониторите. Но дали знаевте дека може да го искористите вашиот печатач за да создадете сопствени шеми за везење?

Со печатачите PIXMA може лесно да дизајнирате сопствен мотив и да го пренесете врз ткаенина. Дознајте како да украсите обична маица или да создадете прекрасно уметничко дело за на ѕид со овој едноставен водич со објаснувања во чекори.

Ќе ви треба

  • Печатач од Canon, како што е серијата PIXMA TS5350
  • Хартија за пренос на слики врз светли1 или темни2 ткаенини со пеглање или мат фотохартија
  • Дизајнирајте шаблон за везење по ваш избор
  • Текстил по ваш избор (материјалот треба да содржи најмалку 50% памук и да може да се пере на 30°C)
  • Ножици
  • Даска за пеглање и пегла
  • Игла и конец
  • Ѓерѓеф

1. Изберете дизајн за шаблон за везење

Маица со отпечатен шаблон за везење и уметничко дело за на ѕид, покрај печатач од Canon.

Може да изберете каков било дизајн за везење што ви се допаѓа, а може да се обидете и да направите сопствен дизајн.

Жена става маица со шаблон од растение во ѓерѓефот.

Вашиот дизајн не мора да биде совршен, бидејќи може да везете врз сите делови што сакате да ги сокриете.

Можеби веќе имате замислено шаблон за вашиот вез. За овој проект, нашата занаетчика Rosie од The Embroidery Barn избра два дизајни. Првиот беше со мотив од растение за да разубави една обична бела маица. Вториот дизајн беше од две дланки во форма на срце што планираше да го прицврсти врз бела ткаенина за да создаде инспиративно дело за на ѕид.

Rosie сама ги изработи дизајните, но ако немате идеја, тогаш пронајдете инспирација во Creative Park или апликацијата Creative Park3. И двете опции ќе ви понудат дизајни и шаблони од многу уметници и илустратори - погледнете ги дизајните Cactus Party или Peaceful Parakeets!

2. Печатење на шаблонот за везење

Печатач PIXMA од Canon што печати два дизајни врз еден лист A4-хартија.

Нашата занаетчика ги отпечати своите дизајни, и за маицата и за ѓерѓефот, врз еден лист A4-хартија за пренос на слики врз светли ткаенини со пеглање.

Откако ќе го изберете дизајнот за вашиот вез, следен чекор е да го отпечатите шаблонот. Бесплатната апликација Canon PRINT, што е компатибилна со повеќето печатачи со Wi-Fi од Canon, вклучувајќи ја и серијата PIXMA TS5350 од Canon, ви овозможува да го контролирате вашиот печатач директно преку паметен телефон и да се поврзете на Cloud.

Ако вашата ткаенина е многу тенка, тогаш може да го отпечатите шаблонот за везење врз обична хартија, на пример, врз мат фотохартија, а потоа да го обележите директно врз ткаенината. Залепете го шаблонот на прозорец, преклопете го со ткаенината и обележете ги линиите со молив или пенкало за обележување.

Rosie употреби хартија за пренос на слики врз светли ткаенини со пеглање, што го олесни процесот. Хартијата е достапна во A4-големина за да можете да изработувате големи дизајни или да вметнете повеќе мали слики на истиот лист (со помош на апликацијата Easy-PhotoPrint Editor од Canon за полесно распоредување) за да се избегне непотребно трошење на хартија.

3. Подготовка за пренос на отпечатениот шаблон за везење

Жена сече мотив од домашно растение со ножици.

Празните делови од хартијата за пренос ќе се прикажат на конечниот дизајн, па затоа внимателно отсечете го дизајнот околу рабовите за да добиете уредна рамка.

Жена го позиционира дизајнот од домашни растенија врз маица.

Откако ќе завршите со сечењето, одлучете каде сакате да го позиционирате дизајнот врз ткаенината.

Пред да го пренесете шаблонот врз ткаенината, отсечете го дизајнот по рабовите со остри ножици. Може да сечете непосредно до рабовите или да оставите малку простор што ќе послужи како рамка околу мотивите. Позиционирајте го дизајнот врз ткаенината - ако го пренесувате врз маица, тогаш препорачливо е да ја облечете маицата за да проверите дали сè е на правилно место. Откако ќе завршите со позиционирањето, превртете ја хартијата за да го насочите дизајнот кон ткаенината.

4. Пеглање на шаблонот за везење врз ткаенината

Жена движи пегла врз маица и хартија за пренос со дизајнот свртен надолу.

Завртете го дизајнот кон ткаенината и пеглајте со однапред загреана пегла за да го пренесете шаблонот врз маицата.

Жена ја одлепува хартијата од задната страна што е прикачена на бела ткаенина.

Внимателно одлепете ја хартијата од задната страна за да го видите вашиот шаблон.

Ставете ги ткаенината и дизајнот врз даска за пеглање. Поставете ја пеглата на температура од приближно 170°C (еквивалент на режимот за памук кај повеќето пегли) и почнете бавно да ја движите по ткаенината со еднаков притисок. Правете кружни движења за да се осигурите дека сликата ќе се пренесе од хартијата врз ткаенината. Кога ќе бидете сигурни дека шаблонот се залепил, со една рака притиснете врз ткаенината за да не се поместува, а со другата рака одлепете ја хартијата внимателно.

5. Прицврстување на отпечатениот шаблон за везење

Жена шие граница околу нејзиниот дизајн од дланки врз ткаенината.

Користете ѓерѓеф или рамка за таписерија за прицврстување на вашата ткаенина.

Парче ткаенина во рамка со отпечатен дизајн за везење од дланки во форма на срце.

Зашијте конец околу вашиот дизајн за да го направите позабележителен.

Откако ќе го прицврстите шаблонот, време е за забава! Сега може да бидете креативни колку што ќе посакате. Може да се одлучите за везење врз целиот шаблон или за минимален пристап. Rosie употреби конци за везење за да внесе бои во саксијата на растението и да ги истакне лисјата во дизајнот на маицата. За да го направи мотивот со дланки позабележителен, таа употреби темен конец што го заши околу дизајнот.

Откако ќе завршите со шиењето, време е да се пофалите со вашето дело. Маицата може да ја искористите како прекрасен подарок, а дрвениот ѓерѓеф може да се искористи како рамка, што значи дека може веднаш да го закачите вашето уметничко дело на ѕид, како доказ за вашите вештини.

За повеќе инспирации за модели од хартија, следете нè на Pinterest. И не заборавајте да ги споделите вашите дела на социјалните медиуми со ознаката #MadeWithPIXMA.
Напишано од Andrea Ball
  1. Компатибилност со хартија за пренос на слики врз светли материјали со пеглање LF-101: PRO-100/PRO-100S, серијата TS (освен серијата TS31xx/серијата TS20x), серијата TR (освен серијата TR45xx), серијата MG77xx/серијата MG75xx/серијата MG68xx/серијата MG67xx/серијата MG57xx/серијата MG56xx/серијата MG36xx, серијата iX68xx
  2. Компатибилност со хартија за пренос на слики врз темни материјали со пеглање DF-101: PRO-100/PRO-100S, серијата TS (освен серијата TS31xx/серијата TS20x), серијата TR (освен серијата TR45xx), серијата G (освен серијата GM40xx/серијата GM20xx), серијата MG77xx/серијата MG75xx/серијата MG67xx, серијата iP87xx/серијата iX68xx
  3. За повеќе информации за поддржаните инк-џет печатачи од Canon, погледнете на оваа веб-страница: https://ij.start.canon/cpapp-model.

Слични производи

Слични статии

  • КРЕАТИВНО ПЕЧАТЕЊЕ

    Приспособете ја вашата гардероба

    Стилски маички, приспособени торби, уникатни подароци… водич за печатење врз текстилни материјали.

  • КРЕАТИВНО ПЕЧАТЕЊЕ

    Печатете и изработувајте модели од пеперутки за на ѕид

    Aimee Graham, која изработува хартиени модели, открива како да правите врвни украси со печатење.

  • Мачка и коала отпечатени со печатачот PIXMA TS5350

    ПЕЧАТЕЊЕ И ИЗРАБОТКА НА МОДЕЛИ

    Забавувајте се и создавајте со @paperboyo

    Дознајте како може да ги искористите различните медиуми за да ја зголемите креативноста.

  • Печатач PIXMA G6050 од Canon и магнетна фотохартија од Canon на маса до модели од хартија, вклучувајќи висечка играчка со диносауруси, глава на еднорог и налепници со мачки.

    КРЕАТИВНО ПЕЧАТЕЊЕ

    Украсувајте со отпечатени материјали

    Изработувајте модели во домот со печатач и апликацијата Creative Park.