КРЕАТИВНО ПЕЧАТЕЊЕ

Отпечатете и создадете прекрасни персонализирани честитки во шест едноставни чекори

Доколку имате хартија и печатач на располагање и сакате креативна работа, обидете се да изработите картички во домашни услови, со помош на семејството и пријателите.
Збирка рачно изработени честитки на маса покрај печатач од Canon.

Рачно изработените честитки не се само убаво осмислени подароци, туку се и одличен начин да стекнете креативни вештини. Без разлика дали се работи за јубилеен семеен роденден, свадба на пријател, новороденче или дипломирање, спомен со личен белег е совршениот додаток за секоја важна пригода. Не мора да сте професионални уметници за да изработувате прекрасни честитки. Доволно е да се обидете и да ја ослободите креативноста.

По доселувањето од Пакистан во Обединетото Кралство пред 13 години, креативната работа ѝ помогнала на Tania Ahmed во приспособувањето. „Во Пакистан нема толку материјали за креативни изработки како во Обединетото Кралство“, вели таа. „Креативната енергија ја насочував кон везење, правење накит, нижење мониста и шиење. Кога се доселив во Обединетото Кралство, го открив каналот YouTube, а со тоа и многубројните можности за изработка на картички и модели од хартија. Бев многу љубопитна, открив и продавничка во близина, а дел од материјалите ги купував на интернет. Може да се каже дека ова беше еден моите начини за приспособување на животот во земјата.“

Во продолжение, Tania, којашто е изработувач и сопственик на креативен бизнис за рачна изработка на картички, одржува часови на интернет за употребата на мешани медиуми, ги споделува своите најдобри совети и објаснува како да создавате картички со користење на печатачот од серијата PIXMA TS7450 на Canon.

1. Подгответе го приборот

Пред да се впуштите во новото хоби, проверете дали го имате потребниот прибор за изработка на картички. Ќе ви биде потребно:


Изборно:
  • Налепници и украсни камчиња
  • Налепници од пена
  • Скалпел

2. Изберете го дизајнот

Жена гледа шаблони за печатење картички на паметен телефон.

Имате избор од стотици шаблони на Creative Park, бесплатната услугата за инспиративни содржини на Canon. Ќе најдете нешто за секоја прилика, од роденденски картички и покани, до картички за изразување благодарност, божиќни картички и секакви видови на честитки.

Жена го користи паметниот телефон за да отпечати картичка на печатачот PIXMA од Canon.

Tania вели дека печатачот од серијата PIXMA TS7450 на Canon едноставно и брзо се поставува. „Го поставив и почнав да го користам во рок од 15 до 20 минути. Се изненадив колку лесно и брзо го поврзав телефонот со печатачот.“

Откако ќе го набавите приборот, време е да изберете дизајн. Бесплатната апликација Creative Park на Canon е преполна со шаблони коишто можете да ги преземете и отпечатите: изберете си нешто од големиот избор на миникартички и релјефни картички, како и тематски пликоа за секоја пригода. Зошто да не си отпечатите ваши божиќни картички, па дури и релјефна картичка со снешко или санката на Дедо Мраз за празниците?

За уште покреативни дела, комбинирајте различни видови на дизајн и создадете целосно оригинална картичка или вклучете дизајн од делот за хартиени изработки на Creative Park. За ова се одлучи и Tania при изработката на нејзините картички. „Одбрав шаблон којшто беше наменет за изработка на цветен венец, но решив да го употребам за да направам картичка“, вели таа. „Го отпечатив на печатачот од серијата PIXMA TS7450 на Canon, ги исеков цвеќињата и ги искористив деловите што ми требаа.

„Размислувајте креативно и барајте работи што можете да ги искористите за изработка на картичката“, советува. „Искористете ја веб-страницата за инспирација, а потоа сменете го дизајнот како што сакате.“

3. Изберете ја најдобрата хартија

Печатач печати лист со дизајни од Creative Park на маса којашто е поставена веднаш до хартија за печатач од Canon.

Важно е да изберете цврста хартија којашто ќе може да ја задржи формата, особено ако сакате да ги украсувате картичките со 3D-декорации како Tania.

Совршената хартија за изработка на картички е цврста и издржлива и има мат завршна изработка за да може да долови живи бои и јасни слики.

За изработка на основата на картичките, Tania ја користеше двостраната мат хартија од Canon којашто е превиткана на средината и се доставува со плико, а за декорацијата користеше мат фотохартија. Бидејќи хартијата е лесна за сечење, Tania внесе дополнителна димензија во картичките. „Пред да ги залепам цвеќињата, ги извиткав ливчињата“, објаснува. „Хартијата беше цврста и цвеќињата немаше да се згмечат ако ја испратев картичката по пошта.“

4. Отпечатете ги елементите на вашата картичка

Жена се насмевнува и сече шаблон со цвеќе со ножици.

Комбинирајте различни методи за изработка на картички за да добиете уникатни резултати. „Има многу луѓе коишто изработуваат прекрасни хибридни картички“, вели Tania.

Женски раце сечат розови цветови од хартија со ножици.

Штом ги усовршите основите на изработувањето картички, имате безброј можности за креативни изработки во коишто ќе можете го внесете вашиот личен печат. Изработката и креативното создавање може да бидат и начин за ослободување од стресот.

Штом ја одбравте хартијата, време е за печатење. Можете да ја користите веб-страницата Creative Park или апликацијата Creative Park и да се поврзете со вашиот печатач од Canon. Tania ги искористи практичните можности за безжично поврзување што ги нуди печатачот од серијата PIXMA TS7450 на Canon, коишто ви овозможуваат да печатите директно од вашиот компјутер или паметен телефон.

А сега, отпечатете ги шаблоните коишто ги одбравте од стотиците достапни можности. Немате некоја посебна пригода? Creative Park ви нуди голем број на идеи за картички што може да ги подарите без посебна пригода и коишто совршено ќе покажат некому дека ви значи.

5. Персонализирајте

Жена внимателно држи цвет од хартија над маса прекриена со шарени рачно изработени картички, прибор за изработување на картички и печатач.

Најдобриот аспект на рачно изработените картички е можноста да ги создадете токму што сте ги замислиле, а се забавни и едноставни за изработка ако сте почетник.

Жена додава сребрени мониста на тркалата од бебешка количка на рачно изработена честитка.

Со Creative Park, Tania откри нова страна на изработката на картички. „Беше супер промена бидејќи претежно не користам дигитален дизајн. Најчесто ги изработувам картичките од почеток, со печатење и боење на сликите со боички и фломастери. На овој начин почнав да размислувам послободно. Има многу можности, а упатствата може да се преземат и отпечатат.“

Штом сте ги отпечатиле дизајните и внимателно сте го исекле секој елемент што сакате да го залепите на картичката, можете да започнете со лепење и персонализирање. Од светки и фолии до картички и налепници во боја, можете да користите безброј техники и материјали со коишто вашите рачно изработени шарени картички ќе станат навистина впечатливи.

„За центарот на цвеќињата употребив дополнителни налепници и картички со златна боја“, вели Tania. „Потоа ги споив и додадов бисерни камчиња одозгора.“

Tania вели не е тешко да се внесе дополнителна длабочина во картичката кога знаете како. „Ако сакате да внесете тродимензионалност во рамна картичка којашто има централен елемент што лесно може да се исече, отпечатете го истиот шаблон двапати“, објаснува. „Потоа, искористете ја основата, но отсечете го централниот украс и додадете налепници од пена за да внесете релјефност и да изгледа поинтересно.“

6. Нека биде друштвена активност

Завршена картичка со тродимензионален цвет е поставена на маса покрај две кутии со хартија за печатење од Canon. Во заднината се гледа жена којашто изработува картички.

Tania потекнува од креативно семејство коешто отсекогаш се занимавало со рачна изработка. „Како дете носев фустани што мајка ми ги изработуваше и продаваше и бев опкружена со навистина креативни луѓе. Татко ми е многу надарен столар и правеше куќички за кукли, полици и мебел. Имаме и уметници во семејството, така што за мене беше нормално што сите изработува нешто“, вели таа.

Бидејќи ви се потребни само печатач, хартија, лепак и ножици, изработката на картички е одличен начин за дружење со пријателите и семејството и учество во групна креативна активност.

Можете да организирате изработка на божиќни картички со грицки и пијалаци или да ги соберете пријателите и да изработувате честитки во пресрет на новото бебе.

Ако ви недостасува инспирација, Tania советува да побарате идеи и комбинации на бои на Pinterest. „Можете да погледнете и лесни видеоприкази за теорија на боите“, советува.

Побарајте инспирација на хаштагот #MadeWithPixma и споделете ги вашите изработки.

Напишано од Lorna Dockerill

Слични производи

Слични статии

  • Домашно отпечатена божиќна честитка покрај рачно изработени украси и двострана мат хартија од Canon поставени врз платно со новогодишна елка.

    ПЕЧАТЕЊЕ И ИЗРАБОТКА НА МОДЕЛИ

    Печатење божиќни честитки

    Направете сопствена празнична фотосесија и отпечатете уникатни божиќни честитки.

  • 6 начини да ја разбудите креативноста со печатачот PIXMA

    КРЕАТИВНО ПЕЧАТЕЊЕ

    Забава со печатање за сите

    Шест начини на коишто вашиот печатач PIXMA може да ги развесели вашиот дом, семејните активности и уредите.

  • Три деца си играат со хартиени модели за куклена претстава коишто се имитација на жирафа, нилски коњ и мечка.

    КРЕАТИВНО ПЕЧАТЕЊЕ

    Создадете сафари од хартија

    Инспирирајте се од природата и отпечатете своја семејна активност со животни со помош на Creative Park од Canon.

  • КРЕАТИВНО ПЕЧАТЕЊЕ

    Печатете и изработувајте модели од пеперутки за на ѕид

    Aimee Graham, која изработува хартиени модели, открива како да правите врвни украси со печатење.