ОТВОРЕН ПРОСТОР
Снегот, мразот и ледот придонесуваат за прекрасни зимски сцени. Но, повеќето фотоапарати се дизајнирани да работат само на температура до 0°C или 32°F, па затоа треба да внимавате кога фотографирате надвор во услови под нулата.
Фотографирањето во услови со снег или мраз е тешко и може да предизвика оштетување на вашата опрема, па затоа ви нудиме практични совети што ќе ви помогнат во поладните месеци
Снимањето стабилни слики не е лесно ако рацете ви се тресат од ладното. Лесен и пренослив статив ќе ви помогне да го стабилизирате фотоапаратот за да можете да фотографирате сигурно. Само не заборавајте да не го допирате стативот со голи раце доколку температурата е под нулата, бидејќи може да ја оштетите вашата кожа.
Ако сте фотограф кој сака да фотографира во зима, тогаш амбасадорот на Canon и фотограф на зимски спортови Richard Walch ви препорачува да инвестирате во специјални ракавици за планинарење. Оваа практична опрема ќе ви овозможи да ги изложите врвовите на прстите за да можете да фотографирате, а потоа да ги заштитите дланките додека чекате.
Ладното време ги празни батериите побрзо. Затоа, чувајте ги батериите и фотоапаратот во вашата торба каде што подолго се задржува топлата температура. Исто така, не заборавајте да земете двојно повеќе батерии за да можете подолго да снимате одлични фотографии.
Ако фотографирате надвор и ако не сте го вртеле прстенот за фокусирање рачно или не сте користеле автоматски фокус подолго време, тогаш прстените за фокусирање и зумирање на фотоапаратот може да замрзнат. За да не дојде до тоа, треба добро да го завиткате фотоапаратот и да го чувате во висококвалитетна торба кога не го користите, а треба и да го покриете доколку фотографирате кога паѓа снег. Или, пак, треба често да ги вртите прстените за фокусирање и зумирање со помош на моторот за AF, а тоа може да го правите и рачно.
Ако го внесете фотоапаратот од ладно во топло опкружување ќе предизвикате кондензација што може да ја оштети вашата опрема. Richard Walch ве советува: „Кога ќе појдете да ручате, или вие или ранецот со опрема треба да остане надвор. Ако преминете од ладно во топло опкружување и се обидете да ги проверите сликите, оштетувањето е неизбежно. Фотоапаратот ќе се замагли, објективот ќе се замагли и ќе го оштетите фотоапаратот. Фотоапаратот мора да го чувате во иста температурна зона.“
Ако паѓа снег или има виулица, тогаш сенилото на објективот може да спречи наталожување снег врз објективот - објаснува Richard Walch. „Сенилото на објективот има многу важна улога да го спречи снегот да дојде во допир со објективот. Може да работите во многу лоши услови ако користите добро сенило за објектив.“ Затоа користете го сенилото на објективот и носете најмалку две крпи за објектив со кои ќе го сушите неговото стакло пред да го вратите фотоапаратот во вашата торба.
Get Inspired е најголемиот извор на практични совети за фотографирање, водичи за купување и информативни интервјуа - сè што ви е потребно за да го пронајдете најдобриот фотоапарат или најдобриот печатач и да ја реализирате вашата следна креативна идеја.
Назад до сите совети и техникиОтворен простор
Професионалниот спортски фотограф Richard Walch ги споделува своите професионални совети за подобри зимски фотографии, почнувајќи од избор на фотоапарат па сè до најдобри подесувања.
ФОТОГРАФИРАЊЕ ПЕЈЗАЖИ
Како да снимате совршени автопортрети во природа со фотографот на пејзажи и инфлуенсер Ása Steinars.
ЗИМСКО ФОТОГРАФИРАЊЕ
Извлечете максимум од оваа прекрасна сезона со фотографот Владимир Медведев.