ТЕХНИКИ ЗА СНИМАЊЕ ВИДЕО
Stef и Hannah Michalak се опишуваат себеси како „семејство од Бат што снима видеа“. Двојката снима интимни моменти од нивниот живот како родители во серија филмски видеоснимки во кои се пронајдоа многу луѓе - откако направија сметка на YouTube во 2012 година, неделните видеоблогови на семејството Michalak привлекоа 276.000 претплатници и повеќе од 43 милиони прегледи.
Иако видеоснимките даваат автентичен и спонтан впечаток за нивниот живот, тие се резултат на внимателно планирање, снимање и уредување - процес што Stef го усовршил преку експериментирање и повеќегодишна практика.
Напорната работа на Stef и Hannah се исплатеше. Не само затоа што се успешни како создавачи на содржини на YouTube, туку и затоа што имаат збирка од прекрасни видеоснимки на кои ќе може да се присетуваат во годините што следат. Како што вели Stef, „Навистина вреди да вложите малку труд, затоа што не можете да ставите цена на вредноста што оваа видеоснимка ќе ја има за вашето семејство. После 20 години никогаш нема да си помислите, навистина се каам за тој ден кога ги снимивме сите тие видеосодржини и кога ја направивме таа прекрасна видеоснимка. А, причината зошто користиме видеоснимки, наместо фотографии, за овековечување на спомените е тоа што видеоснимката совршено го доловува моментот“.
Семејството Michalak започна со едноставен компактен фотоапарат и иако додадоа професионални фотоапарати во нивната торба со опрема, нивниот главен фотоапарат за снимање видеоблогови за доловување на малите моменти во животот е EOS M50 од Canon, извонреден повеќенаменски фотоапарат без огледало што нуди можност за снимање фотографии со 24,1 мегапиксели и видеотехнологија 4K Ultra High Definition во компактно куќиште.
„Фотоапаратот EOS M50 од Canon е моќен и едноставен за користење: вклучете го, поставете го во режим за видео, направете прилагодувања во менијата неколку секунди и тоа е сè, можете да почнете да снимате“, открива Stef.
Погледнете како Stef снимаше видеозапис за неговиот најмлад син како учи да вози велосипед - и дава совети како да ги направите првите чекори во снимањето видео.
Ако повеќе сакате да фотографирате отколку да снимате, не плашете се да се префрлите на фотографирање. Можете да ги искористите сите ваши вештини за обликување на кадарот при фотографирање кога снимате видео. „Мислам дека е важно кон снимката да се пристапи како да може да биде фотографија“, вели Stef. „Во суштина имате мал прозорец што гледа кон овој огромен пејзаж и сè се сведува на тоа каде ќе го поставите тој прозорец за совршено да ја доловите таа сцена. Понекогаш треба да направите чекор налево или надесно, или да го поместите фотоапаратот надолу или нагоре за да ја подобрите композицијата и да го привлечете гледачот кон субјектот“.
„Луѓето имаат тенденција да го држат фотоапаратот на ниво на очите, но важно е да пробате различни агли“, додава тој. „На пример, кога снимате деца, важно е да го спуштите фотоапаратот на нивно ниво. Поголем дел од времето клечам, седам или лежам. Фотоапаратот EOS M50 од Canon има практичен екран на допир со променлив агол за да можете да го држите фотоапаратот на ниско ниво и да го закосите екранот нагоре за да следите што снимате. Исто така ви препорачувам да го активирате приказот на мрежа што ќе ви помогне да го обликувате кадарот“.
Апликацијата Canon Camera Connect, што го поврзува вашиот фотоапарат со уред со iOS или Android, може да се користи и за снимање видеозаписи од невообичаени агли, бидејќи ви овозможува да го прилагодите фокусот додека снимате без да го допрете фотоапаратот.
За да избегнете нестабилни видеозаписи и да постигнете професионален изглед на вашите видеоснимки, важно е да ги држите фотоапаратот и објективот на ист начин како кога фотографирате. „Држете го фотоапаратот со две раце и свиткајте ги лактите“, вели Stef. „И дефинитивно купете статив. Не мора да биде голем и тежок ако користите лесен фотоапарат како што е EOS M50 од Canon.
„Побарајте нешто што би можеле да го употребите како потпора, како на пример да го ставите фотоапаратот наспроти врата и полека да ја отворите за да постигнете рамномерно движење. Порано го поставував фотоапаратот и на тајмер за јајца што бавно ротира“.
Објектив од Canon со стабилизација на слика (IS) како што е EF-M 15-45mm f/3.5-6.3 IS STM од Canon овозможува многу полесно снимање слики без тресење на фотоапаратот. Но, можно е и дигитално да се коригира тресењето на фотоапаратот, дури и кога користите објектив што нема стабилизација на слика.
Stef препорачува да го користите AF за лице + AF со следење на EOS M50 од Canon за да автоматски го задржите фокусот врз субјектите што се движат. „На сите мои фотоапарати од Canon е активирана оваа поставка. Таа неверојатно добро ги следи движењата, особено со активни деца. Сигурна е, што значи дека не треба да се грижите за тој аспект додека снимате“.
Многу фотоапарати од Canon имаат технологија Dual Pixel CMOS AF што ги користи пикселите на сензорот на фотоапаратот и како AF-точки за уште побрзо и попрецизно следење. Оваа функција се активира на EOS M50 од Canon кога снимате во Full HD, што претставува добра резолуција за употреба кога сакате брзо уредување или кога имате помалку простор за складирање датотеки. Dual Pixel CMOS AF нуди до 143 AF-точки (во зависност од објективот што го користите) со следење на лица и објекти. Можноста за рачно избирање на фокус низ целиот кадар значи дека кога снимате динамични видеозаписи можете да го повлечете прстот на екранот на допир за да ја поместите AF-точката или да создадете професионален ефект со промени на фокусот.
Пред да започнете да снимате, треба да изберете стапка на слики за големината на снимање видеозаписи. Тоа е бројот на слики што се снимаат во секунда. Снимањето со повисока стапка на слики ви овозможува да доловите повеќе детали во движењата и исто така ви овозможува да создавате видеоснимки со забавени движења кога ќе го репродуцирате видеозаписот со нормална брзина.
„Деведесет проценти од времето снимам со највисоката стапка на слики затоа што ми овозможува флексибилност при забавување на видеозаписот подоцна“, вели Stef. „Значи избирам 50 слики во секунда (fps) наместо 25 fps ако таа опција е достапна. Никогаш не би ја споделил видеоснимката со повисоката стапка на слики на интернет, затоа што најчесто изгледа хиперреалистично. Поради тоа, ја конвертирам видеоснимката во 25 fps пред да ја вчитам затоа што изгледа пофилмски. Со 25 fps снимам само кога видеозаписите се состојат од лице кое зборува за кои сум сигурен дека нема да биде потребно да ги забавувам“.
Кога снимате видеозаписи со помала резолуција добивате поширок избор на стапки на слики, така што можеби е подобро да снимате видеозаписи во Full HD, наместо во 4K, ако сакате да создадете рамномерни видеозаписи со забавени движења.
Квалитетот на звукот е исто толку важен како и сликата, но Stef советува да снимате на што е можно поедноставен начин. „Ви препорачувам да го оставите нивото на снимање во автоматски режим, за да можете да се фокусирате на доловување на моментот“.
Објектив STM од Canon како што е EF-M 15-45mm f/3.5-6.3 IS STM од Canon користи речиси бесшумна технологија за автоматско фокусирање со чекорен мотор, поради што претставува одличен избор кога снимате звук со фотоапаратот. Можете дополнително да го подобрите квалитетот на звукот со помош на микрофон што се прикачува на приклучокот за галантерија на фотоапаратот. „Дури и мал стерео микрофон како што е DM-E100 од Canon може да направи голема разлика“, вели Stef.
Доколку снимате со долг објектив, Stef ви препорачува да го користите вашиот телефон за да го снимите звукот. „Ако сакате да се снимате од далечина, поставете го телефонот во режим за снимање звук и поставете го во близина. Плеснете со рацете трипати за фотоапаратот бидејќи тоа ќе ви овозможи полесно да ги синхронизирате звукот и сликата во софтверот“.
Лесно можете да снимите прекумерен број кадри кога снимате семејни настани, но Stef препорачува да останете објективни и да си поставите цел. „Има толку многу прекрасни кадри, но тие треба да имаат придонес во приказната наместо да бидат само уште еден убав кадар. Постои опсесија кога првпат ќе започнете да снимате колку што е можно повеќе, но само ментално ќе се исцрпите. Треба само да пронајдете убав ритам со фотоапаратот и да не се грижите за доловување на секоја нијанса на денот.
„Ако имате повеќе часови снимен материјал кога ќе стигнете до уредувањето, поставете си временско ограничување од само неколку минути за вашата крајна видеоснимка - во спротивно ќе завршите со 45-минутна монтажа. Продолжете да ги сечете видеозаписите сè додека не останат најдобрите делови“.
Напишано од Marcus Hawkins
Зачекорете во иднината со иновативната технологија на овој модерен и компактен фотоапарат без огледало што нуди разни опции за поврзување.
Лесен и компактен објектив за зумирање со стабилизација на слика, кој е идеален за секакви прилики, почнувајќи од пејзажи па сè до портрети.
Снимајте одличен звук без напор со мал стерео микрофон што се приклучува едноставно и секогаш е подготвен за снимање.
Get Inspired е најголемиот извор на практични совети за фотографирање, водичи за купување и информативни интервјуа - сè што ви е потребно за да го пронајдете најдобриот фотоапарат или најдобриот печатач и да ја реализирате вашата следна креативна идеја.
Назад до сите совети и техникиСНИМАЊЕ ВИДЕОБЛОГОВИ
Сакате да почнете да снимате видеоблогови? Погледнете ги најдобрите фотоапарати за снимање видеоблогови што нудат неверојатен квалитет за снимање и сета контрола што ви е потребна за создавање одлични видеоблогови.
СНИМАЊЕ ВИДЕОБЛОГОВИ
Почнувањето видеоблог е забавно и возбудливо - треба само да ги следите нашите совети за видеоблогови и за да научите како да снимате прекрасни видеозаписи што ќе им се допаднат на гледачите.
ТЕХНИКИ ЗА СНИМАЊЕ ВИДЕО
Дали имате интересна приказна што сакате да ја раскажете? Зошто не ја доловите во краток филм. Дознајте како да го направите тоа со неколку совети.