Изразете се со отпечатување: носете го своето срце на ракав

Кога сте тажни, разговор со вашите најсакани може навистина да помогне, но знаеме дека понекогаш е тешко да се побара помош. Нашиот креативен проект со два водечки илустратори, Ricardo Cavolo и Agathe Sorlet може да помогне во такви ситуации. Покажете дека ви е потребна љубов и грижа - или да им помогнете на други луѓе на кои им се потребни истите - со тоа што ќе ги носите нивните прекрасни дизајни на срца што не само што изгледаат стилски, туку и испраќаат суптилна порака кон светот дека сакате да разговарате за здравјето.

Ricardo, кој твори од Барселона, црпи инспирација за своите сложени дизајни кои потсетуваат на калеидоскоп од народната уметност и културата на тетовирањето. Неговите творби се појавиле како огромни мурали на ѕидови низ цел свет – од Франција до Хонгконг, како и на страници од книги, па дури и на тарот-карти.

Пристапот на Agathe, која живее во Бордо, Франција, е стилски поедноставен. New Yorker, The New York Times, Yoplait и WWF се меѓу клиентите за нејзините топли и духовити цртежи.

Овде, Ricardo и Agathe ни раскажуваат за нивните дизајни и како можете да ги искористите за да ја подобрите вашата креативност и да зборувате со други луѓе за менталното здравје и добросостојба.

И Ricardo и Agathe го одбраа срцето како појдовна точка.

„Срцето е симбол на зборување за менталното здравје и потребата да ја споделите ситуацијата во која се наоѓате со некого, без разлика дали тоа ќе бидат вашите пријатели или семејства“ - објаснува Ricardo. „Сите мои илустрации претставуваат еден чекор на тој пат. Првата, во која има еден човек, е за одлучување дека ви е потребно да поразговарате со некого, а тоа е најважниот и најтешкиот чекор од сите. Втората е за кога разговарате со некого, а третата го покажува кругот на помош која можете да ја добиете од сите што ве сакаат“.

Agathe сакала нејзините дизајни да бидат „утешителни и полни со љубов за да се справите со менталното здравје и осаменоста на позитивен начин“. Таа објаснува дека секоја слика претставува „момент на радост во споделување и љубов“. „Сакав да претставам женствен лик со големо срце бидејќи срцето може да претставува секакви видови љубов - од вашето семејство, вашите пријатели, љубовници, миленичиња, како и љубов кон себеси“.

Прво, изберете и преземете го вашиот дизајн или дизајни на срце. Сега само ви треба:

• Печатач од Canon компатибилен со Хартија за пренос* како што е серијата PIXMA TS7450 од Canon
• Облека, торба, шал или кој било текстил на кого би сакале да го пренесете вашиот отпечатен материјал
• Пакување од хартија за пренос на слики врз светли материјали со пеглање LF-101 од Canon или хартија за пренос на слики врз темни материјали со пеглање DF-101 од Canon, што зависи од бојата на вашата ткаенина 
• Ножици 
• Даска за пеглање и пегла

Креативноста, без разлика на тоа дали фотографирате или водите дневник, има многу позитивни страни. Прво, ве тера да забавите и да живеете во моментот, да направите пауза од стресот од работата и животот.

„Ако работам на мојата уметност, среќен сум. Зависи од тоа колку и како ја вложувам својата енергија во неа“ - вели Ricardo, кој бил во депресија една година откако искусил исцрпеност од прекумерна работа, но успеал да пронајде подобар баланс преку терапија.

„Цртањето играше - и сè уште игра - голема улога во мојата секојдневна добросостојба и ментално здравје“ - вели Agathe. „Во суштина, ми помага да искажам емоции кои инаку не би можела. Ги споделувам повеќето мои цртежи на социјалните медиуми, но исто така имам илустрирани лични дневници како вентил за некои емоции, загрижености и стравови“.

Вашето креативно патување не мора да започне и заврши со овој проект. Зошто да не им дозволите на дизајните на Ricardo и Agathe да ве инспирираат да создадете и отпечатите ваши лични мотиви? Дури можете да ја користите истата техника за да отпечатите шаблони кои можете да ги користите за везење. Како што вели Agathe: „Не мора да бидете професионален илустратор за да цртате. Секој може да твори и тоа е многу корисно за вашата добросостојба и за вашето ментално здравје“.

Со печатач PIXMA од Canon, можете да ја ослободите вашата креативност. „Пристап до таа технологија дома значи дека можете да имате идеја, да ја разработите и тогаш да ја отпечатите за да го видите крајниот резултат“ - вели Ricardo.

Крајот на проектот не мора да значи дека и на разговорот му дошол крајот. „Менталното здравје не е нешто негативно - туку е за на сите да ни биде подобро“ - заклучи Ricardo. „Мораме да престанеме да ја третираме темава како табу и мора да се погрижиме да можеме отворено за разговараме за тоа“.


Посетете ја нашата страница на Pinterest за повеќе креативни совети и трикови.



Напишано од Rachel Segal Hamilton

*Компатибилност со хартија за пренос на слики врз материјали со пеглање LF-101: PRO-100/PRO-100S, серијата TS (освен серијата TS31xx/серијата TS20x), серијата TR (освен серијата TR45xx), серијата MG77xx/серијата MG75xx/серијата MG68xx/серијата MG67xx/серијата MG57xx/серијата MG56xx/серијата MG36xx, серијата iX68xx

Компатибилност со хартија за пренос на слики врз темни материјали со пеглање DF-101: PRO-100/PRO-100S, серијата TS (освен серијата TS31xx/серијата TS20x), серијата TR (освен серијата TR45xx), серијата G (освен серијата GM40xx/серијата GM20xx), серијата MG77xx/серијата MG75xx/серијата MG67xx, серијата iP87xx/серијата iX68xx