Светот на дланка: предизвик за модели од хартија

Кои неповторливи моменти од вашите патувања ве исполниле со радост? Почнувајќи од работа во странство и културни авантури со пријателите, па сè до забавни одмори со семејството и патување сами надвор од градот, спомените што се создаваат кога посетувате прекрасни делови од светот се дел од забавата. Но, најдобрите искуства не запираат штом се вратите дома.

Можеби сте мислеле дека изработувањето модели од хартија е активност наменета само за деца, но Canon Creative Park се одликува со голем избор дизајни што ќе ве предизвикаат, вклучувајќи и шаблони од најпознатите знаменитости на светот.

Овие хартиени модели од згради би биле идеални за забава чијашто тема е некоја локација или за прослава за која се потребни уникатни украси, а тие исто така би можеле да станат дел од тематски излог во домот што ќе одбележи значајно патување. Вложувањето време во сечење и изработување модели исто така претставува одлична активност за опуштање. Комбинирајте го тоа со традиционална селска гозба и локална музика за активноста да оживее на потполно нов начин.

Професионалниот изработувач на модели Paula Milner, позната како The Crafty Lass, заедно со нејзиниот сопруг Dan, инженер на Формула еден, го прифатија предизвикот да ги изработат своите омилени познати знаменитости со печатач од серијата PIXMA TS7450a од Canon. Paula била заинтересирана за изработување модели уште како девојче, но нивната свадба навистина ја зголеми нејзината страст за создавањето. Таа потроши една година рачно изработувајќи сè за настанот, почнувајќи од држачите за салфети и украсите, па сè до стотици цвеќиња од ткаенина наменети за украси за патеката кон олтарот и за масите. Сега, таа дизајнира ткаенина и одржува работилници и настани за изработување модели.

„И Dan e многу креативен, ако му дадете проект, навистина ќе ужива во него“ - вели Paula.

„Животот е понекогаш премногу динамичен“ - додава Dan. „Може да биде тешко да се најде време да се исклучите, посебно со две деца. Оваа креативна активност ни го овозможи токму тоа“.

Ако сакате да се предизвикате и да изградите свои архитектонски чуда, еве што ви е потребно, како и совети од Paula и Dan.

• Ножици
• Лепило за хартија/пиштол за лепило
• Прав/триаголен линијар
• Молив
• Предмет со зашилен врв
• Пинцета
• Печатач PIXMA од Canon, како што е серијата PIXMA TS7450a
• Мат фотохартија од Canon
• Апликацијата (или веб-сајтот) Creative Park

Paula и Dan одлучија одново да создадат познати знаменитости со кои се лично поврзани. Paula го одбра Биг Бен во Лондон и ветерница како симбол на Холандија бидејќи порано живеела во Амстердам. „Биг Бен е многу познат поим за Британија, а неодамна и го однесов нашиот син Freddie да го види, со што моментот на споделување на глетката на толку прекрасен објект стана уште поспецијален. Кога го изработив, тој знаеше што е тоа и се потсети на нашето забавно еднодневно патување во Лондон“ - вели Paula.

Dan избра јапонски замок бидејќи порано работел во Јапонија, случајно во исто време додека Paula живеела во Амстердам. „Јапонија има посебно место во моето срце“ - објаснува тој. „Во раната фаза од мојата кариера, имав среќа таму да имам две упатувања за работа и се вљубив во културата и амбиентот“ - вели тој. „Шетањето по парковите за време на сезоната на цветањето на црешите и посетувањето на историски места, како што е Нико, се спомени кои доживотно ќе ги чувам“.

Сигурно ќе најдете знаменитост што нешто ви значи од огромниот избор на шаблони. Од Колосеумот во Рим и Ајфеловата кула во Париз, до Саграда Фамилија во Барселона и Кривата кула во Пиза, има голем избор на проекти за модели од хартија.

Paula предлага да го поврзете вашиот избор на дизајн на шаблон со идеи за роденденски забави, спомени од свадби, момински вечери итн. „Ова е одлична идеја за забави. Дури и за свадба, можете да изработите различни значајни места кои ќе служат како централни украси за на маса или да вметнете дестинација за меден месец. Тоа би било навистина убава активност за двојки во која можат да се вклучат и пријателите за да ви помогнат“ - вели таа.

Хартиените модели од знаменитости исто така би можеле да бидат одлична опција за проштална забава, за прослава на крстарење за годишнина или за некому да му посакате добредојде од пат.

Кога ќе го симнете шаблонот, погрижете се дека го користите правилниот медиум, како што е препорачаната мат фотохартија од Canon, којашто навистина прави разлика во конечната структура.

„Срдечно препорачувам користење на мат фотохартија од Canon бидејќи многу полесно се превиткува и мошне добро ја одржува структурата“ - додава Paula. „Исто така, предлагам да обрнете внимание на превиткувањето и да се погрижите за тоа рабовите да бидат остри и уредни, за кога ќе се спојува, самото да сака да ја заземе таа форма, наместо вие да мора да го присилувате“.

Dan се согласува дека извршувањето на задачата ќе биде попријатно доколку располагате со доволно време, особено кога изработувате модели со семејството и пријателите. „Одвојте повеќе време од препорачаното“ - вели тој. „Така, нема да чувствувате притисок да завршите и нема да брзате или направите грешка. Не брзајте и ќе се воодушевите од крајниот резултат“.

Отпечатете ги упатствата и правете го проектот неколку дена – предизвикувајќи се да ја изработите најдобрата зграда што можете, а кога ќе го видите сето тоа споено, ќе се чувствувате навистина исполнето.

Откако ќе завршите со напорната работа и ќе ја составите вашата отпечатена знаменитост од патувањата, време е да се восхитувате на вашата творба. Без разлика на тоа дали планирате да го закачите вашето архитектонско ремек-дело, да го залепите на ѕидот или да го користите како украс за на маса, има многу начини за изложување на вашиот модел од хартија.

„Имаме витрина полна со книги и спомени, па планираме таму да ставиме некои од работите што Dan ги чува од Јапонија за да создадеме тема“ - вели Paula.

Dan и Paula мислат дека оваа активност е прекрасен начин за учење за други култури, како и забавно креативно бегство. „Можеме многу да научиме од другите луѓе“, вели Dan. „Можеме да пронајдеме изобилство од прекрасни глетки и звуци кои секогаш го засилуваат чувството дека заедно живееме на многу специјално место коешто треба да го почитуваме и заштитиме“.

Добивте инспирација сами да пробате? Разгледајте ја хаш-ознаката #MadeWithPixma за да откриете повеќе креативни идеи, а потоа, споделете ги вашите рачно изработени светски чуда и означете ги со @canonemea.

Напишано од Lorna Dockerill