Canon i-SENSYS MF623Cn - i-SENSYS Laser Multifunction Printers

i-SENSYS MF623Cn

Овој паметен повеќефункционален ласерски уред за A4 формати за на работна маса овозможува многу лесно печатење, скенирање и споделување документи независно од локацијата, без разлика дали работите од вашиот компјутер, паметен телефон или таблет-уред.

Придобивки

Повеќефункционален уред во боја за A4 формати дизајниран за мали и домашни канцеларии
Одличен прв избор за сè-во-едно уред кој нуди продуктивно печатење во боја со брзина од 14 стр./мин.
Едноставно ракување преку интуитивен екран на допир во боја
Доследна сигурност и квалитет преку сè-во-едно картриџите за замена од Canon
Беспрекорна поддршка за работа во движење со вашиот лаптоп, паметен телефон или таблет-уред
Компатибилност со Apple® AirPrint™, Mopria и Google Cloud Print
Моќно скенирање за зачувување, споделување и архивирање на хартиените документи
Поврзувањето со Cloud го олеснува пристапувањето и споделувањето на документите кога сте во движење
Мала потрошувачка на енергија
Опции за едноставно печатење и скенирање преку мрежа

Детални карактеристики

Подетално разгледување на Canon i-SENSYS MF623Cn

Сè-во-едно уред на кој можете да му верувате

Малите деловни претпријатија и поединечните корисници ќе можат да сработат повеќе на едноставен начин со повеќефункционалниот ласерски уред i-SENSYS MF623Cn за A4 формати. Без разлика дали сакате да ги импресионирате клиентите со продажни и рекламни документи во боја или, пак, да скенирате, споделувате и архивирате големи документи, MF623Cn значително ќе ви помогне во вашето деловно работење. Компактната големина, паметниот изглед и продуктивното печатење во боја со брзина од 14 стр./мин. се карактеристики кои го прават совршен прв повеќефункционален уред со деловен квалитет за мали и домашни канцеларии.

Одржување и користење без напор

Ќе се воодушевите колку е едноставно да пристапите до паметните функции на MF623Cn. Повеќето од нив се контролираат преку интуитивниот екран на допир во боја од 8,9 cm поставен на предната страна кој лесно се прилагодува кон начинот на кој работите. Поради тоа, за ослободување на целосниот потенцијал на вашиот MF623Cn секогаш се потребни само неколку чекори. Одржувањето на вашиот уред е подеднакво едноставно. Доследната сигурност и обновениот квалитет се гарантирани при секое менување на тонерот благодарение на сè-во-едно дизајнот на картриџите од Canon кој овозможува замена на сите важни компоненти одеднаш.

Создаден за работа во движење

Ако сте дел од денешната модерна работна сила, тогаш уредите и локациите ги менувате според работните потреби. MF623Cn е создаден за вас и го нуди истото беспрекорно доживување на вашиот компјутер/лаптоп, таблет-уред и паметен телефон. Сертификатите за AirPrint и Mopria нудат целосна поддршка за уредите со iOS и Android, а има поддршка и за Google Cloud Print. Бесплатната апликација Canon PRINT Business (iOS и Android) ви ги нуди сите овие функции на дофат на вашите прсти.

Снимајте, споделувајте, зачувувајте и складирајте

Без разлика дали скенирате хартиени документи за да ги испратите преку е-пошта, да ги споделите преку Cloud или да ги складирате во дигитална архива, MF623Cn ќе ја олесни постапката. Контролирајте го скенирањето преку вашиот компјутер со MF Scan utility или преку вашиот мобилен уред со бесплатната апликација Canon PRINT Business. Потоа, откако ќе ги скенирате документите, вчитајте ги директно во онлајн Cloud услуги како Dropbox. Замислете си ја слободата на скенирање, зачувување и пристапување до документи независно каде се наоѓате. Тоа се карактеристиките поради кои MF623Cn е одличен избор за бизнисмените во движење кои сакаат да бидат продуктивни додека патуваат.

Одржлив уред кој е практичен за интеграција и управување

Иако MF623Cn е соодветен за мали и домашни канцеларии, тој нуди сеопфатна група на опции за мрежно печатење и скенирање. Малата потрошувачка на MF623Cn во режимите на мирување и подготвеност и неговата функција за автоматско исклучување заради заштеда на енергија се карактеристики кои го прават одржлив избор со мали трошоци.