Пристапност до Canon

Посветеноста за лесна пристапност на Canon

Прилагодете го вашето доживување

Подобрување на пристапноста до нашата веб-страница

Контактирајте нè


Изјава за пристапност за веб-страницата на Canon Europe што важи од 21 јули 2017 година


Посветеноста за лесна пристапност на Canon

Компанијата Canon Europe е посветена да ги направи своите веб-страници, апликации и дигитални услуги колку што е можно попристапни. Нашата цел е да ги споиме одличните кориснички доживувања со високи нивоа на пристапност и вклученост за да можат сите да ги користат нашите дигитални услуги, независно од нивните можности или нивната хендикепираност. Тоа е дел од нашата посветеност да ги видиме сите луѓе, независно од културата, обичаите, јазикот или расата, да живеат и работат заедно за доброто на сите - ова е нашата деловна филозофија kyosei, длабоко верување врз кое темелиме сè што работиме. Континуираниот развој на нашата веб-страница, развојот на апликациите и создавањето содржини се води по најдобрите стандарди за пристапност како што се WCAG 2.0 и BS 8878.

Прилагодете го вашето доживување според вашите потреби

И покрај тоа што оваа веб-страница е создадена за користење „таква каква што е“, некои луѓе ќе можат полесно да ја користат преку прилагодување на нивниот компјутер според нивните потреби - на пример: за да добијат гласовна поддршка, да ги променат боите или да го зголемат текстот.

Ако тоа ви звучи корисно, тогаш ви препорачуваме да ги посетите следните веб-страници:

BBC My Web, My Way или WAI’s Better Web Browsing: Tips for Customizing your Computer за да прочитате или да погледнете видеоснимки како овие прилагодувања (добиени преку функциите за пристапност на вашиот компјутер, телефон или таблет-уред или преку инсталирање помошни технологии) може да ви помогнат.

Подобрување на пристапноста до нашата веб-страница

Преку тестирање на нашата веб-страница со хендикепирани лица, утврдивме дека постојат подобрувања за пристапност што можеме да ги примениме и веќе изготвивме план за да ги имплементираме. Во моментот работиме да поправиме одредени проблеми и имаме 12-месечна програма што опфаќа фактори како:

  • Работиме за да обезбедиме опис, текст или звучно објаснување за нашите видеоснимки. Ако имате потешкотии при користењето на нашите видеоснимки, ве молиме контактирајте нè на: accessibility@canon-europe.com.
  • Го разгледуваме алтернативниот текст (описот) на веб-страницата и ги коригираме сите пропусти.
  • Работиме на подобрување на доследноста на навигацијата на нашата веб-страница и видливоста на линијата што означува кој елемент на страницата е избран.
  • Ја разгледуваме пристапноста на навигацијата на нашата веб-страница и работиме на додавање линкови за навигација со прескокнување.
  • Работиме на подобрување на доследноста на ознаките во навигацијата и ги подобруваме информациите на некои наши линкови за да ги направиме поразбирливи за корисниците.
  • Работиме на подобрување на пораките за грешка во полињата за внесување на страниците за поддршка и контакт. Ако имате потешкотии при користењето на нашите формулари, ве молиме контактирајте нè на accessibility@canon-europe.com.
  • Работиме на подобрување на начинот на работа на полињата за избирање фотоапарати и објективи преку тастатура.
  • Индикаторот за трошоци во алатката за споредба на фотоапарати користи бои при приказ на информации. Бараме нови начини за приказ на тие информации на лица со проблеми во перцепцијата на бои. Исто така, ги разгледуваме текстовите и боите во заднина на нашата веб-страница за да утврдиме дека се лесни за читање и дека целиот текст може да се зголеми во пребарувачите.
  • На некои корисници можеби ќе им треба помош за да разберат одредени елементи на страниците за производи. Работиме за да обезбедиме инструкции за објаснување на тие елементи.
  • На некои места, корисниците може да не ги изговорат правилно зборовите што не се на нивниот мајчин јазик. Работиме за да го подобриме тоа.
  • Одредени функции на веб-страницата користат WAI-ARIA за да овозможат пристапно доживување. Сите модерни компјутери, таблет-уреди и телефони имаат пребарувачи што поддржуваат WAI-ARIA. Меѓутоа, постарите уреди со Android 4.1 немаат. Ако вашиот телефон или таблет-уред користи Android 4.1 и имате потешкотии при користењето на веб-сајтот, тогаш ви препорачуваме да го ажурирате оперативниот систем на вашиот уред.

Ако некои од овие ограничувања ве спречат да ги добиете информациите или услугите што ви се потребни од нашата веб-страница, ве молиме контактирајте нè на accessibility@canon-europe.com и ние со задоволство ќе ви помогнеме.

Ве молиме пријавете доколку имате потешкотии при користењето на оваа веб-страница

Ние постојано бараме нови начини за подобрување на пристапноста на нашата веб-страница, па доколку пронајдете нешто на страницата што е тешко за користење ве молиме пријавете го на accessibility@canon-europe.com. За да ни помогнете побрзо да ја разбереме вашата тешкотија, ве молиме внесете ги информациите во делот ‘Contacting Organisations about Inaccessible Websites’ во вашето барање.

Сите конструктивни повратни информации за пристапноста или користењето на нашата веб-страница се добредојдени и внимателно ќе се разгледаат.

Оваа изјава за пристапност е ажурирана во мај 2017 година и ги следи изјавите за пристапност во британскиот стандард BS 8878.

  • Canon
  • ...
  • Пристапност до Canon