Рециклирање

Програма за рециклирање картриџи на Canon

Дали знаете дека Canon е првата компанија што започна програма за рециклирање картриџи со тонер во 1990 година?
Canon Camera

Програма за рециклирање картриџи на Canon

За

Програмата за рециклирање картриџи на Canon ви овозможува бесплатен, лесен и еколошки одговорен начин за рециклирање на празните картриџи од Canon.


Canon е посветен на политиката за нула отпад на депониите. Секој елемент на секој вратен картриџ повторно се искористува и се рециклира, без разлика дали како компонента во нов картриџ, како основен материјал за други индустрии или како замена за фосилните горива. Ниеден дел од картриџот не се испраќа на депонија.

Глобалната програма за рециклирање картриџи на Canon

Рециклирајте ги вашите картриџи

Ви нудиме бесплатна програма за рециклираме за оригиналните инк-џет и тонер картриџи од Canon.

  • ТОНЕР

    Рециклирање картриџи со тонер од Canon

    Дознајте повеќе за нашата бесплатна и едноставна програма за рециклирање оригинални картриџи со тонер од Canon.

ПРИКАЗНАТА ДОСЕГА

Факти и бројки

Canon придонесува за кружната економија преку програмата за рециклирање картриџи со тонер во Canon Bretagne во Франција и врши рециклирање на инк-џет картриџи во Германија.
Canon Camera

ФАКТИ И БРОЈКИ

Заштедени емисии на CO2 од над 435.000 тони

Ги собираме искористените картриџи со тонер во 23 земји и региони (со вкупен собран волумен од приближно 444.000 тони до крајот на 2021 година) и ги рециклираме на четири локации - во Јапонија, Обединетите Американски Држави, Европа и Кина (рециклирањето се врши во истиот регион каде што бил користен производот). Благодарение на нашите иницијативи за рециклирање тонер, во 2021 година успеавме да постигнеме кумулативно намалување на употребата на нови ресурси од приближно 314.000 тони. Исто така, нудиме извонредни решенија за рециклирање шишиња со тонер и професионални потрошни материјали за печатење од Canon.

ФАКТИ И БРОЈКИ

Рециклирањето на инк-џет картриџи функционира во 35 земји

Canon собира и рециклира искористени картриџи со мастило уште од 1996 година. На крајот од 2021 година, програмата за собирање на Canon се реализираше во 35 земји и региони низ целиот свет, а вкупниот волумен на картриџи што биле собрани до крајот на 2021 година достигна 2.616 тони.

Canon Camera
Sustainability Brochure

ФАКТИ И БРОЈКИ

Намалена зависност од сурови материјали

Како резултат на овие постапки во периодот од 2008 година до 2021 година, собравме 42.413 тони пластика од искористени производи што ја рециклиравме и искористивме како суровина, а уште 33.619 тони производи и делови беа директно употребени повторно.

НАГРАДИ

Се гордееме што ни е дадено признание со следниве награди:

  • 2021

    Влез во потесниот избор за наградата Better society

    Најпрестижните награди за одржливост во Обединетото Кралство оддаваат признание за одличен придонес во еколошкото деловно работење

  • 2021

    EcoVadis gold

    Рецензиите на EcoVadis ги оценуваат компаниите во повеќе области што се клучни за остварување на одржливите цели, вклучувајќи ја животната средина, работничките и човековите права, етичките принципи и одржливото снабдување.

  • 2021

    Финалист за наградата Business Green leaders CE

    Business Green Leaders CE е награда за компаниите што применуваат еколошки деловни принципи и чисти технологии во стандардното работење

  • 2019

    Edie CE - финалист

    Edie’s Sustainability Leaders Awards се најголемите и најпрестижните награди за одржливост во Обединетото Кралство и оддаваат признанија за одличен придонес во еколошкото деловно работење

Историја на рециклирањето на Canon

Историјата на рециклирањето картриџи

  • trees

    1982-1992

    Првата програма за рециклирање во светот

    Во 1982 година, компанијата Canon ги претстави првите персонални машини за копирање со систем со сè-во-едно картриџи. Осум години подоцна, во 1990 година, Програмата за рециклирање картриџи со тонер на Canon започнува со работа во САД, Јапонија и Германија. Во 1992 година, компанијата Canon започнува со рециклирање пластика во затворен процес и ја освојува главната награда на Global Environmental Awards.

  • 1997-2002

    Развој на програмата за рециклирање

    Во 1997 година компанијата Canon започнува со рециклирање картриџи во Canon Bretagne во Франција, а 2 години подоцна, во 1999, програмата за рециклирање се отвора во уште три европски земји. Во 2002 година компанијата Canon ја проширува програмата во 10 земји во Европа.

  • 2003-2009

    Зголемување на бројот на опции за враќање картриџи

    Во 2003 година, компанијата Canon успева да ја постигне целта „нула отпад на депониите“ за рециклирањето картриџи со тонер. Во 2008 година програмата за рециклирање се проширува на 12 земји, а почнува со работа и нов процес за враќање картриџи што функционира на интернет. Во истата година, обемот на собрани картриџи достигнува 200.000 тони. Во следната, 2009 година, Финска и Шведска стартуваат масовно рециклирање на картриџи.

  • 2011-2013

    Бројот на вратени картриџи достигнува 300.000 тони

    Во 2011 година, бројот на европски земји во кои Canon нуди програма за рециклирање картриџи со тонер се зголемува на 18. Во следната, 2012 година, глобалниот обем на собрани картриџи со тонер достигнува 300.000 тони. Во 2013 година, компанијата Canon Bretagne воведува сосема нов процес на рециклирање материјали.