Печатачи за во домот

Ако сакате повеќенаменски печатач за во домот наменет за документи и фотографии, тогаш технологијата инк-џет е најдобриот избор - може да печати врз различни видови на медиуми, вклучувајќи картички, сјајна и мат фотохартија, пликови со провиден отвор и многу повеќе, создавајќи и висококвалитетни фотографии и јасни документи. Ласерските печатачи, пак, се идеални за остри документи без размачкување. За фотографии, нашите преносливи печатачи сублимација на бои SELPHY создаваат издржливи слики со фотолабораториски квалитет и богати бои, користејќи специјално обложена хартија. На крајот, нашите мали печатачи Zoemini загреваат делови од хартија со микро кристали за да создадат слики без потреба од мастило.

Canon често користи хибридни системи за мастило во своите мали печатачи за во домот, кои нудат комбинација од мастило со црн пигмент и мастила базирани на боја. Тоа им овозможува на нашите инк-џет печатачи да создаваат остар и богат црн текст при печатење документи и живописни бои при печатење фотографии - различен пристап кој е идеален за сите потреби за домашно печатење.

За документи, препорачуваме обична хартија или картички со добар квалитет. Но, за фотографиите има повеќе опции. Canon нуди сјајни фотохартии, фотохартии со текстура и мат фотохартии. Првите два вида се особено добри за мастила базирани на боја, кои целосно се апсорбираат и изолираат во горниот слој на хартијата. Мат фотохартијата е идеална за изработка на колажи или честитки - нудиме дури и верзија која се испорачува со централно превиткување и пликови.

Во повеќето случаи, треба само да го отворите капакот на печатачот, да го отстраните искористениот картриџ и да вметнете нов на неговото место. Кога ќе биде потребна замена, за тоа ќе бидете известени преку драјверот на печатачот инсталиран во вашиот компјутер, апликацијата Canon PRINT или екранот на вашиот печатач.

Canon нуди неколку системи за мастило, дизајнирани да одговараат на различните потреби. Заради максимално едноставно и практично користење, картриџите FINE нудат комбинација од мастило со црн пигмент и мастила базирани на боја во еден картриџ со вградена глава за печатење. Заради поголема флексибилност, нудиме картриџи со едно мастило, кои ви овозможуваат да ја промените само бојата која ви е потребна. За печатење во голем обем, нашите печатачи MegaTank поддржуваат индивидуални шишиња со мастило, кои се лесни за користење и кои, благодарение на нивните уникатни млазници во вид на клуч, не може да се вметнат во погрешен резервоар.

Сè зависи од тоа што ќе печатите. Ако главно печатите документи, тогаш вашите картриџи со мастило ќе траат многу подолго отколку ако печатите фотографии со богати бои. Ако очекувате голем обем на печатење, тогаш размислете за печатач за во домот MegaTank. Тие користат резервоари за мастило кои се дополнуваат, наместо картриџи, и со нив може да отпечатите илјадници страници пред да биде потребно да ги дополните.

За да ги направите работите поедноставни, пријавете се за нашата услуга за автоматска испорака на мастило, која открива кога нивото на мастило во вашиот печатач е ниско и автоматски испраќа мастило за дополнување. Или, пак, PIXMA Print Plan (подлежи на достапност во вашиот регион) е услуга базирана на претплата, која испраќа мастила за дополнување врз основа на вашата месечна потрошувачка, нудејќи попусти до 50% на вашите трошоци по страница.

IPM (слики во минута) е индустриски стандарден метод за мерење на брзината на печатачите за во домот, врз основа на печатењето стандардни ISO-страници за тестирање, кои вклучуваат комбинација од текст, табели и слики, отпечатени со фиксна резолуција. Ние го користиме бидејќи дава прецизна слика за брзината на печатачот во реални услови на користење.

Многу печатачи за домашна употреба од Canon нудат опции за поврзување преку Wi-Fi, овозможувајќи ви да печатите од секое место во вашиот дом, користејќи мобилен уред или компјутер поврзан преку Wi-Fi - не е потребен кабел. Тоа може да го направите преку апликациите PRINT или Easy-PhotoPrint Editor од Canon, или преку директна безжична врска помеѓу печатачот и вашиот уред.

Некои печатачи за во домот од Canon нудат и интеграција со Cloud Link, што на корисниците им овозможува да печатат од која било локација, сè додека нивниот уред и печатачот се поврзани на интернет, и да печатат директно од или да скенираат директно кон Cloud-услугите како што се Google Drive, OneDrive и Dropbox.