A crowd of people watch music on a huge festival stage in the sun. Photo by Bart Heemskerk.

ФОТОГРАФИРАЊЕ ФЕСТИВАЛИ

Фотографот на рок-легендите, Bart Heemskerk, за доловувањето на амбиентот на фестивалите

„Музиката е љубовта, а фотографијата е алатката,“ вели холандскиот фотограф на музички настани Bart Heemskerk. Тој работи на големи фестивали и концерти низ Европа, фотографирајќи големи имиња како Nick Cave, Lana Del Rey и Dua Lipa - улога што доведе до извонредната покана да ги фотографира Rolling Stones.

Ова лето, тој ќе посети околу 40 фестивали за да ги фотографира, воден од својата страст за музиката. Овде тој ја раскажува својата инспиративна приказна, збогатена со совети што и самите може да ги пробате со компактен фотоапарат на настаните под отворено небо ова лето.

„Како дете, секогаш слушав радио и ги снимав музичките топ-листи. Подоцна, одев на свирки со татко ми и се вљубив во фестивалската сцена кога присуствував на Pinkpop Festival во Холандија на 15-годишна возраст,“ вели 33-годишниот фотограф.

Неколку години по неговото прво фестивалско доживување, Bart доби можност да позајми Canon EOS 400D (порана верзија на Canon EOS 800D). Брзо согледа дека кога имате фотоапарат, можете уште повеќе да уживате во фестивалите - да ја доловите забавата покрај сцената, како и да снимите креативни фотографии од најдобрите настапи во живо во светот.

Откако се посвети на градење на неговото портфолио преку волонтерско фотографирање на музичките настани, престана да работи како наставник и се определи да ја продолжи кариерата како фотограф: „Десет години по посетата на мојот прв фестивал, се вратив на Pinkpop, каде што бев ангажиран да го фотографирам холандскиот бенд Kensington, со кого се запознав откако му понудив бесплатно фотографирање во замена за пристап до повеќе негови свирки,“ вели Bart. Следната година, доби повик што никогаш не го очекувал - од меѓународните рок-легенди Rolling Stones, кои го поканиле да ги фотографира.

„Rolling Stones правеа турнеја во 2014 година и ме пронашле на интернет, каде што барале фотографи што работат во Холандија. Потоа го контактирале фестивалот Pinkpop и побарале повеќе информации. Тоа беше неверојатен момент!“

Бендот го поканил да ја фотографира нивната европска турнеја и му овозможил пристап зад сцената со некои од најпознатите музичари во светот. „Турнејата со Stones беше како фамилијарен собир,“ вели Bart. „Се шегувавме. Keith [Richards] беше најзабавен за соработка. Навистина беше смешен. Ги снимав средбите со обожавателите и агентите и добив пропусница со целосен пристап со која можев да одам каде сакам - зад сцената, пред сцената. Бев дел од екипата и вечерав заедно со сите други, одев на пробите, итн.“

Bart остана во контакт со Rolling Stones и потоа, па дури и повторно им се придружи на турнеја во 2017 година.

Слични написи
A rock musician on stage at a festival plays the guitar. Photo by Ben Morse.

ФОТОГРАФИРАЊЕ ФЕСТИВАЛИ

Костими, сонце и рокенрол: 10 совети за фотографирање фестивали

Фотографот за фестивали Ben Morse открива како да снимате фотографии од музичките фестивали какви што заслужуваат рок ѕвездите и зошто компактниот PowerShot SX740 HS од Canon може да стане вашиот идеален фотоапарат за фестивали.

A group of friends pose holding sparklers, facing the camera with their faces illuminated by the sparkler light.

ФОТОГРАФИРАЊЕ ЗАБАВИ

Бидете покреативни во фотографирањето забави

Сакате да ја доловите возбудата на забавите и прославите? Научете како да ги снимате овие весели моменти на креативни начини.

Најдете го светлото и потоа искористете го

„Никогаш не знаете какво ќе биде осветлувањето, тоа е еден од најинтересните аспекти при работата како фотограф на концерти. Едноставно мора да го употребите осветлувањето што ви е на располагање,“ вели Bart.

За да извлечете максимум од осветлувањето, тој препорачува да се движите наоколу, наместо да стоите на едно место. „Ако осветлувањето свети одгоре врз нечие лице, изгледот е различен доколку стоите од левата страна или пред него, или ако се оддалечите поназад,“ вели тој.

„Осветлувањето се повторува. Доколку изведувачот стои зад микрофонот и забележам убав жолт, бел или син зрак светлина што се повторува врз неговото лице и тој влегува и излегува од зракот, снимам фотографија кога зракот е врз неговото лице или околу него за да добијам убава силуета.“

Доколку фотографирате настап на добро познати уметници, гледањето на нивните претходни концерти во живо онлајн може да ви помогне да предвидите што ќе се случи. „Понекогаш, гледате дека изведувачот скока во публиката за време на втората песна, потоа го гледате истото на уште неколку настапи, така што знаете дека тоа ќе се случи онаму каде што сте. Тогаш треба само да го изберете вистинското место.“

За совети и поставки за фотоапаратите при фотографирање во услови на различно осветлување, прочитајте ги нашите совети за фотографирање фестивали.

Бидете разновидни во обликувањето на кадарот

Кога станува збор за фотографирањето концерти и музички фестивали, „Луѓето често го ставаат објектот во центарот на кадарот и снимаат голем број слични фотографии, зумирани на главниот изведувач, а тоа може да стане здодевно,“ вели Bart.

Наместо тоа, тој препорачува да внесете разновидност во композициите и да ги обликувате кадрите со објектите на левата или десната страна. „Снимете интересна фотографија од изведувачот, изберете една-две фотографии, а потоа снимете фотографија од широк агол или некоја интеракција со публиката. Ако решите објектот да го сместите во средината, мора нешто да се случува - можеби изведувачот скокнал, широко ги раширил рацете или погледнал кон фотоапаратот.“

"Целта е да го доловите чувството на фестивалот, а секој фестивал има свој уникатен амбиент."

Sun sets above a huge festival display. Photo by Bart Heemskerk.

Не ги пропуштајте клучните моменти на концертот

„Фотоапаратите сега се толку добри во фокусирање, што кога изведувачот се движи напред-назад, претпочитам да користам автоматско фокусирање наместо рачно фокусирање,“ вели Bart. Избирајќи ги вистинските точки за автоматско фокусирање, изведувачите што ги фотографира се јасни и остри дури и кога трчаат на сцената, кога публиката ги носи на раце или кога изведуваат брзи танчерски точки.

На компактните фотоапарати како што е Canon PowerShot SX740 HS, кликнувањето на копчето за мени на задниот дел на фотоапаратот ви овозможува да го изберете режимот за автоматско фокусирање во поставките за фотографирање. AF со следење го следи објектот - на пример, пејач кој се движи по сцената - така што ќе може да ги доловите случувањата без да стравувате од заматени снимки.

Во поставките за фотографирање може да ги изберете режимите за погон и да изберете „континуирано со голема брзина“. Тоа ќе ви овозможи да продолжите да фотографирате додека го држите притиснато копчето за бленда.

„Обично го користам режимот за континуирано фотографирање, во случај пред фотоапаратот да се испречи некоја рака или очите на пејачот да бидат затворени,“ вели Bart. „Скокот на Eddie Vedder од Pearl Jam, на пример, трае многу кратко и навистина треба добро да го доловите. Но, кога се работи за пејач-текстописец или некој што свири пијано или изведувач кој едноставно стои зад микрофонот, може да користите поединечно фотографирање. Само изберете го вистинскиот момент.“

Најдобриот фотоапарат за фотографирање фестивали

Многу фестивали не дозволуваат внесување на големи DSLR-фотоапарати, освен ако имате новинарска акредитација, така што корисно е да носите мал фотоапарат со моќен зум, каков што е Canon PowerShot SX740 HS, советува Bart.

„Ќе стоите во публиката, така што добра идеја е да понесете фотоапарат со екран со можност за закосување [за да може да фотографирате од повеќе агли]. Може да биде корисно ако имате фотоапарат со стабилизација на слика, каква што е стабилизацијата во 5 оски на PowerShot SX740 HS. На концертите има многу луѓе кои се движат околу вас, така што стабилизацијата на сликата може да направи голема разлика во елиминирањето на тресењето на фотоапаратот [особено ако го држите фотоапаратот високо над вас или под одреден агол].“

Ако користите фотоапарат со заменливи објективи, како што е Canon EOS M50, Bart препорачува на концертите да понесете само два објектива. „Носам еден широкоаголен примарен објектив и еден објектив за телефото зумирање, за да можам да снимам широкоаголни фотографии и да го фотографирам дејството на различни растојанија и фокусни должини,“ вели тој.

Фиксниот објектив каков што е објективот Canon EF-M 32mm f/1.4 STM има поширока решетка и овозможува повеќе светлина во вашите фотографии со пократки експозиции, додека објективот Canon EF-M 55-200mm f/4.5-6.3 IS STM ви овозможува да ги зумирате и да оддалечувате сцените.

Клучот за снимање интересни фотографии од фестивали

„Секогаш велам дека треба да го фотографирате фестивалот онака како што го доживува публиката, а не како што го гледа фотографот,“ вели Bart. „Во последно време, на секој фестивал има многу активности околу главната сцена, како на пример штандови за храна. Целта е да го доловите чувството на фестивалот, а секој фестивал има свој уникатен амбиент за фотографирање. Можеби сакате да фотографирате убаво, жолто зајдисонце со луѓе кои лежат наоколу, се опуштаат и уживаат во музиката. Некои од нив можеби вежбаат јога или вртат хула-хоп. Овие моменти се многу значајни.

„Ако сте на големо панорамско тркало или сте се качиле на некој од крановите за оддалеку да го погледнете фестивалот, тогаш е добар момент да го употребите широкоаголниот објектив за да го опфатите целиот фестивал. Тогаш не би било добро да користите објектив за зумирање, бидејќи така ќе доловите само мал дел од фестивалот во кадарот.“

Откако фотографирал толку многу неверојатни настапи на настани со извонредна атмосфера, дали Bart има омилена фотографија? „Мислам дека тоа се фотографиите од настапот во 2013 година на Kensington на Pinkpop,“ вели тој. „Тоа ми беше првпат да фотографирам на сцената на толку голем фестивал. Сè уште емоционално реагирам кога ќе видам некоја од тие фотографии. Но исто така редовно одам на турнеи со диџејот Armin van Buuren, а пред неколку години снимив неверојатна фотографија од него во Мајами, на Ultra Music Festival. По настапот, тој ја виде фотографијата и рече: „На оваа фотографија е доловено сето она што сум јас.“ Кога изведувачот ќе ви каже нешто такво, тоа е уникатно доживување, зарем не?“

Напишано од Lucy Fulford

Слични производи

Слични написи

Get Inspired е најголемиот извор на практични совети за фотографирање, водичи за купување и информативни интервјуа - сè што ви е потребно за да го пронајдете најдобриот фотоапарат или најдобриот печатач и да ја реализирате вашата следна креативна идеја.

Назад до сите приказни