Фирмверот вер. 1.21 додава режим за фотографирање со приспособена голема брзина кој ви овозможува да ја зголемите брзината на континуираното фотографирање над 30 fps - дури до неверојатни 195 fps. ¹ Тоа е совршено за откривање скриени детали кај објектите што се движат брзо, кои инаку не се видливи при стандардно фотографирање.

Стапката на слики може да се постави од 30 fps до 195 fps, а бројот на снимени слики во една серија од две до 50, во менито на фотоапаратот. На овој начин може да снимате датотеки од типот JPEG, HEIF и RAW со максимална резолуција, за да ја добиете потребната флексибилност независно од начинот на кој ќе фотографирате.

Освен неверојатните опции за 4K и 6K на EOS R3, фирмверот вер. 1.21 овозможува снимање во Full HD со неверојатна стапка на слики до 240p - идеално за исклучително јасни забавени движења што откриваат прецизни детали кај субјектите што се движат брзо.

При мала длабочина на полето, EOS R3 може автоматски да го менува растојанието на фокусот додека снима серија слики. Кога ќе ги споите овие слики ќе добиете резултат со совршена длабочина на поле за сцената.

Со ажурирањето на фирмверот вер. 1.21, ваквата серија слики може да се спои во самиот фотоапарат, а вие ќе добиете совршен резултат веднаш по фотографирањето. Функцијата може да се користи и за прегледување на снимените содржини на самата локација за да дознаете што може да постигнете со нив при обработката по снимањето, а на тој начин ќе бидете сигурни дека сте го снимиле тоа што ви е потребно.

Алатката за спојување повеќе длабочини на поле е одлична за фотографирање одблиску или за макро фотографии, кога длабочината на полето е ограничена. Исто така, им овозможува на фотографите да трошат помалку време за обработка на сликите по снимањето од повеќе кадри и им овозможува брзо да го добијат саканиот резултат во самиот фотоапарат.

За да ви обезбеди најдобар квалитет на слика, ажурирањето на фирмверот вер. 1.21 ви овозможува да вчитувате и обработувате RAW-датотеки на image.canon cloud.

Потоа може да ги претворате во HEIF-датотеки или JPEG-датотеки додека се во Cloud, со помош на алгоритми за реконструкција и спојување со длабоко учење и алгоритми за намалување шум предизвикан од големи вредности на ISO. Резултатите се неверојатни, со помалку артефакти во површините со многу детали и со помалку шум на слика кога фотографирате со голема вредност за ISO.

EOS R3 е одлична опција за снимање видеоснимки со забрзани движења: поставете го фотоапаратот да снима слики на интервал од две секунди до 99 часа 59 минути 59 секунди, за да добиете максимум 3.600 слики. На крајот од серијата, сликите се спојуваат за да добиете видеозапис со висока резолуција без да користите дополнителен софтвер. Фотографирајте безгрижно: во случај на прекин на напојувањето или празнење на батеријата, фотоапаратот ќе продолжи да фотографира од таму каде што застанал штом обезбедите напојување, без потреба од повторно поставување на поставките за снимање видеоснимки со забрзани движења.

Водејќи се по повратните информации што ги добивме од професионалците кои фотографираат со EOS R3, воведовме опција да можете да го доделите дигиталното отсекување со фактор 1,6x или соодносите на слика од 1:1, 4:3 и 16:9 на некое од приспособливите копчиња на фотоапаратот. Ќе можете да се доближите и да ги снимите далечните субјекти без да го тргнете фотоапаратот од око - идеално кога работите под притисок и сакате да добиете совршен резултат со самиот фотоапарат што брзо ќе го испратите на вашата агенција.