РЕШЕНИЈА ЗА PTZ-КАМЕРИ

Подобро поврзување, повеќе проследување: нова 4K-функционалност на PTZ-камерите од Canon

По брзиот успех во полето на далечинската контрола на PTZ (поместување, закосување, зумирање) и со цел да го зацврсти својот углед како лидер на пазарот, Canon го создаде новиот Webcam Driver, којшто наскоро ќе биде достапен за преземање и ќе им овозможи дополнителна функционалност и можности за поврзување на PTZ-камерите. Покрај новиот софтвер, воведени се и два нови протоколи во PTZ-палетата - протоколот SRT и протоколот FreeD, со цел беспрекорна интеграција во работните процеси за Broadcast и VR/AR.

Подобро поврзување, повеќе проследување: нова 4K-функционалност на PTZ-камерите од Canon

Enhanced connectivity and quality via LAN on CR-N500, CR-N300, CR-X300

Пазар што брзо се шири

Со појавата на пандемијата, порасна и потребата за камери со далечинско проследување на настани во живо, како и одржување видеоконференции во канцелариите и корпоративните средини. Многу сектори ги прифатија новите можности што ги нуди PTZ-инфраструктурата, меѓу кои и високото образование, концертната индустрија, театарите и храмовите.

Благодарение на Webcam Driver од Canon1, којшто е достапен на оперативниот систем на Windows, поставувањето на PTZ-камерите е лесно и овозможува висококвалитетно проследување, функционалност за веб-камера, можности за поврзување со подолг кабел преку LAN, автоматско откривање на камери и можност за регистрација на повеќе камери.

Резолуција од 4K со 30p
Преку LAN и новиот USB-драјвер, корисниците можат да ги користат CR-N300, CR-N500 и CR-X300 за проследување на видеоприкази со резолуција до 4K со 30p2 и да уживаат во флексибилната местоположба на камерата додека е поврзана со компјутерот.

Автоматско откривање на камерата
Новиот софтвер ќе ги открие компатибилните PTZ-камери од Canon коишто се поврзани на истата мрежа со компјутерот. Ова го олеснува поставувањето на камерите бидејќи корисниците можат да ги идентификуваат камерите што сакаат да ги регистрираат во софтверот.

Регистрирајте повеќе камери
Бидејќи можете да регистрирате до пет камери во софтверот, во зависност од инсталацијата, лесно ќе ги изберете оние што сакате да ги користите од компјутерот.

USB-C преку LAN

Благодарение на излезот преку LAN, сега е достапен квалитет на сликата со резолуција од 4K со 30P2. Можностите на USB-излезот се ограничени поради максималната должина на кабелот (најчесто 3 m). Од друга страна, поврзувањето преку LAN нуди значително подолг кабел поради што е идеално решение за употреба во поголеми простории во професионалната AV-сфера. На пример, универзитетите нема да мора да се ограничат на употребата на USB-врска во должина од три метри од лаптопот до PTZ-камерата, туку ќе можат да го инсталираат новиот драјвер за веб-камера од Canon одзади во големите амфитеатри, без притоа да ја загубат сигурноста на врската и квалитетот.

Воведени се два нови протоколи: SRT и FreeD

PTZ-палетата од Canon е збогатена со два нови протоколи, со што се олеснува и усовршува интеграцијата на камерите во работните процеси коишто во голема мера користат Broadcast и VR/AR. Фирмверот ќе може да се преземе подоцна во текот на 2022 и ќе биде компатибилен со PTZ-камерите CR-N300 и CR-N500.

SRT
Протоколот SRT (Безбеден и сигурен пренос) е протокол за пренос на видеозаписи со препознатлив углед на пазарот за далечинско снимање, којшто овозможува безбеден пренос на видеозаписи со висок квалитет и кратко доцнење, дури и во непредвидливи услови на мрежата. Протоколот има широка употреба во индустријата за емитувања и во моментов е компатибилен со PTZ-камерите CR-N300 и CR-N500 од Canon.

FreeD
Протоколот FreeD особено се користи во виртуелните студија и за снимање VR/AR-содржина. Протоколот овозможува лесна интеграција на CR-N500 и CR-N300 од Canon во потребите за виртуелно снимање како вести, временска прогноза, спортски настани и настани во живо и овозможува директен пренос на информациите за поместување, закосување, зумирање, фокусирање и ирис во реално време, како и положбата на PTZ -камерата во виртуелните платформи како Unreal Engine.

Решение за сите видови сценарија

Дознајте како PTZ-решенија од Canon можат да се користат во различни ситуации благодарение на нашата одлична технологија за обработка на слика.

  • Емитувања во живо и ТВ-студија

    Емитувања во живо и ТВ-студија

  • Настани во живо и музички перформанси

    Настани во живо и музички перформанси

  • Деловни настани и презентации

    Деловни настани и презентации

  • Високо образование

    Високо образование

  • Храм, црква

    Храмови

  • Преноси од надворешни и од спортски настани

    Преноси од надворешни и од спортски настани

  • Слични производи

    Палетата на мрежни камери од Canon ви нуди соодветно решение за местата каде што надзорот е навистина потребен. Компактни, а сепак со врвни перформанси, тие нудат исклучителен квалитет на слика дури и при слаба осветленост, на места со големи безбедносни ризици.

    • PTZ-камери

      CR-N500

      Со оптичкиот зум до 15x, можностите за снимање во 4K UHD и автоматскиот фокус со Dual Pixel, моделот CR-N500 нуди прецизна контрола и беспрекорно проследување преку IP со исклучителни резултати.
    • PTZ-камери

      CR-N300

      Со 4K UHD-резолуцијата, оптичкиот зум до 20x, хибридниот автоматски фокус, како и бројните протоколи за проследување и контрола преку IP, ќе можете да се доближите до вашата публика на нови начини.
    • PTZ-камери

      CR-X300

      Компактна PTZ-камера со ознака IP65 која нуди 4K-резолуција, оптички зум до 20x и контрола и проследување преку IP за различна примена.
    1. Достапен е само за CR-N300, CR-N500 и CR-X300
    2. Излезната резолуција зависи од апликацијата што се користи