XF605 нуди опции за поврзување преку 12G-SDI, Wi-Fi и етернет што поддржуваат проследување преку IP во H.264, идеално за проследување во живо.

Како прва професионална видеокамера од серијата XF што поддржува излезен видеосигнал (UVC) преку USB-C-приклучок, XF605 може да се користи како веб-камера. Поддржан е и протоколот USB PTP што овозможува увезување датотеки од камерата во компјутер.

Камерата XF605 е компатибилна со широк избор на решенија за жично и безжично далечинско управување. Таа го поддржува повеќефункционалниот далечински управувач RC-V100 од Canon и новата апликација Browser Remote што е оптимизирана за снимање со еден оператор со помош на паметен телефон или таблет. Компатибилните далечински управувачи, како што е RC-IP100, може да се користат и за управување со XF605 како дел од систем од повеќе PTZ-камери од Canon и одредени камери Cinema EOS.

Искористете ги предностите на апликацијата Content Transfer Mobile за да го поедноставите префрлањето преку мрежа или користете го вградениот Wi-Fi или приклучокот за етернет за да се поврзете со FTP-серверот.