Поддршка од Canon за Universal Print од Microsoft

Софтверот Universal Print, создаден од Microsoft, е решение за печатење основано врз Cloud што нуди едноставно и безбедно печатење, а притоа ги намалува потребните напори и време на одделот за ИТ.

Universal Print ја пренесува инфраструктурата за печатење Windows Server во Microsoft 365 Cloud и нуди функции за сигурно и централизирано управување со печатењето. Се користи еден општ драјвер, независно од моделот на печатачот, што значи дека нема потреба од управување со драјвери и поставување. Уредите со Windows лесно ги препознаваат печатачите, а корисниците печатат на ист начин како и досега.

На ИТ-професионалците кои управуваат со печатењето, Universal Print им нуди:

• Решение за печатење што е поврзано со Cloud и им нуди поддршка за печатење на корисниците на Azure AD.
• Управувано печатење во мрежи со задолжителна проверка на идентитет.
• Елиминирање на потребата од управувани услуги за печатење или од сложени хибридни решенија за печатење.
• Централизиран портал што овозможува сигурни функции за управување.
• Евиденција и увид во печатењето со извештаи.
• Складирање на податоците за печатење на ист начин како и другите податоци од Microsoft Office, согласно инструкциите за управување со податоци на Microsoft.
• Примена на печатачи и зададена конфигурација на печатачи за уредите на крајните корисници преку Microsoft Endpoint Manager (Microsoft Intune).