НАПИС
EOS 90D е резултат на долгогодишно подобрување на дизајнот за фотоапарати - процес на континуирано подобрување што резултираше со фотоапарат кој е интуитивен за користење од моментот кога ќе го земете во раце. Ќе ги забележите малите детали, како што се двете вртливи копчиња за контрола што ќе ви овозможат да го прилагодувате фокусирањето додека фотографирате и прилагодливите контроли и режими за фотографирање.
Добијте појасен приказ
EOS 90D е DSLR-фотоапарат што е опремен со интелигентен оптички визир што овозможува прецизно следење на објектите што се движат, како птици во лет, и совршено темпирање на вашите слики. Информациите се прикажуваат врз приказот во реално време за да бидете во тек со сите аспекти на перформансите на фотоапаратот.
Батерија што трае цел ден
Големата батерија овозможува снимање на 1300 слики со едно полнење* за да можете да фотографирате подолго кога работите на отворено. Држачот со батерија ви овозможува да користите и втора батерија, при што двојно ќе го зголемите времето на фотографирање од едно до друго полнење на батериите и ќе можете полесно да ракувате со фотоапаратот при вертикално фотографирање.
Класичниот DSLR-дизајн на EOS 90D, со обликуван држач, овозможува балансирано и удобно држење при фотографирањето со долги или кратки објективи, што дополнително ја зголемува привлечноста на овој фотоапарат наменет за фотографи за диви животни и спорт.
Вградено безжично поврзување
EOS 90D има Bluetooth и Wi-Fi што овозможуваат брзо и лесно споделување слики преку паметен уред со апликацијата Canon Camera Connect,* но и далечинска контрола на фотоапаратот. Погледнете што гледа фотоапаратот преку екранот на вашиот паметен уред, прилагодувајте ги поставките, менувајте ги режимите и фотографирајте без да стоите покрај фотоапаратот. Одличен начин за фотографирање диви животни одблиску без да ги исплашите. Исто така, сликите можат да се синхронизираат со вашиот паметен уред или компјутер/Mac кога сте дома.
EOS 90D може и далечински да се поврзе со вашиот компјутер или Mac преку испорачаниот софтвер EOS Utility - одличен начин за фотографирање во студио.
НАПИС
Бидете во тек со случувањата и снимајте прекрасни слики од краткотрајните моменти. Брзото континуирано фотографирање, неверојатно прецизниот фокус со следење и практичното ракување го прават овој фотоапарат идеален за сите кои фотографираат диви животни или спорт и брзи движења.
НАПИС
Снимајте неверојатни видеозаписи со резолуција до 4K со 25 или 30p, користејќи ја целосната ширина на сензорот на фотоапаратот, за да добиете видеозаписи што изгледаат како филмови.
НАПИС
APS-C CMOS-сензорот од 32,5 мегапиксели и нашиот врвен процесор за слика DIGIC 8 работат заедно за да создадат фантастичен квалитет на слика - острина, тонови и бои има во изобилие, а шумот во услови со слаба осветленост е апсолутно минимален.
ПРЕГЛЕД НА ПРОИЗВОДОТ
Максимално опремен DSLR-фотоапарат што овозможува доближување до целта, побрзо фотографирање и снимање извонредни слики со 32,5 мегапиксели