Снимајте во услови со дневна и „ѕвездена“ светлина
Зачекорете во нов свет на креативни можности за снимање! Иновативната ME20F-SH Full HD видеокамера за целосна слика нуди извонредни перформанси при слаба осветленост и опција за инфрацрвена светлина со ненадмината ISO чувствителност од преку 4 милиони.
Неверојатно снимање во боја при слаба осветленост
Висококвалитетно снимање во Full HD
Врвна контрола врз креативните опции
Ви ја претставуваме ME20F-SH
Погледнете како функционира ME20F-SH
Доловете ги боите и слабата осветленост како никогаш досега
Снимајте со максимално собирање на светлина
Специјалниот и новосоздаден CMOS сензор од 35mm за целосна слика со 2,26 мегапиксели е специјално дизајниран за снимање видеоснимки при слаба осветленост. Благодарение на поголемите пиксели, сензорот овозможува максимално собирање на светлина за да создаде извонредни слики со мал шум при слаба осветленост.
Снимајте со вредност на ISO поголема од 4 милиони
Благодарение на максималната вредност на ISO што надминува неверојатни 4 милиони (+75dB), ME20F-SH може да гледа и да снима во речиси потполна темнина при помалку од 0,0005 лукси. Со други зборови, можете безгрижно да го снимате ноќното небо дури и кога е осветлено само со ѕвездена светлина (со објектив со f/1.2 при 29,97p и максимално засилување).
Камера во боја што може да гледа во темнина
Гледајте и снимајте во боја
ME20F-SH може јасно да гледа и да препознава бои, дури и во услови со екстремно слаба осветленост и со поставки за големо засилување, а се одликува и со дополнителна предност и можност за снимање во инфрацрвен (IR) режим во боја.
Висококвалитетно снимање во Full HD
Снимајте неверојатни Full HD слики
ME20F-SH создава Full HD сигнал со 1080p/720p што може да се сними преку надворешен снимач, како и Full HD сигнал со 1080p/720p и сооднос од 4:2:2 преку 3G/HD-SDI или HDMI излезите на задната страна на камерата.
Висок динамички опсег со Canon Log и широк динамички опсег
За да добиете извонредна слобода при обработката по снимањето, Canon Log Gamma го доловува максималниот опсег на тонови и овозможува максимум 12 чекори (800%) за динамичкиот опсег. Зголемувањето на динамичкиот опсег во 12 чекори ви овозможува да ги доловите најсветлите тонови и деталите во сенките, а со тоа да го зголемите и опсегот на градации на боите. Исто така, режимот со широк динамички опсег нуди 12 чекори за динамичкиот опсег, но создава одлични бои и тонови на кожата, без потреба од обработка по снимањето. Функцијата Canon Log е најефикасна кога е потребна поголема контрола или пообемна обработка по снимањето.
Помало заматување на движењата и снимање забавени движења
ME20F-SH се одликува со помало заматување на движењата со поддршка за стапка на слики до 50p/59,94p за снимање видеоснимки со забавени движења.
Висококвалитетна обработка на слика со DIGIC DV4
Процесорот DIGIC DV4 на Canon овозможува подобра репродукција на слики, со што ги збогатува моќните карактеристики на серијата DIGIC DV – како рамномерна градација и верна репродукција на боите – со поддршка за снимање со повисока стапка на податоци. Сензорот и процесорот работат заедно со RGB системот за обработка за да го намалат ефектот moiré и создавањето рабови, што резултира со почисти и поостри слики.
Флексибилна контрола врз креативните опции
Опции за автоматско снимање
ME20F-SH е лесна за поставување и користење, со широк опсег на автоматски режими, вклучувајќи приоритет на бленда (Tv), приоритет на решетка (Av) и автоматска контрола на засилување (AGC),* како и автоматски баланс на белата боја и AF со една снимка. Рачното контролирање е секогаш достапно, што ви дава креативна контрола врз подесувањата на камерата, кога и да ви е потребно.
* За одредени функции можеби е потребно ажурирање на фирмверот. Повеќе…
Поставки за прилагодена слика
Менито за прилагодени слики на камерата нуди различни опции што контролираат различни аспекти на добиената слика. Можете да зачувате најмногу шест датотеки за прилагодени слики во камерата за понатамошна употреба или, пак, искористете една од трите однапред поставени датотеки за прилагодени слики (Canon Log, широк динамички опсег или EOS стандард).
Користење на копчето за хром на едноставен начин
Поддршката за ракувањето со копчето за хром е подобрена за ME20F-SH, што ја прави идеална за вести, презентации, па дури и за посебни ефекти во независните филмови.***
* Можно е да биде потребно ажурирање на фирмверот. Повеќе…
Широк опсег на ISO
ME20F-SH нуди неверојатен опсег на ISO од 800 (0dB) до повеќе од 4 милиони (+75dB) кој им овозможува на режисерите да снимаат сè, во услови со дневна светлина па сè до услови со „ѕвездена светлина“ во ноќта.
Далечинско користење на вградените филтри
Вградените и електронски контролирани ND филтри (со 3 и 6 чекори) и филтерот за отсекување инфрацрвени зраци на ME20F-SH можат да се користат далечински на брз и едноставен начин преку компатибилниот далечински управувач RC-V100 од Canon.
Беспрекорна компатибилност и конфигурација
Огромен избор на заменливи објективи
Одликувајќи се со EF приклучок што нуди заклучување при снимањето, ME20F-SH поддржува голем избор на компатибилни објективи од оптичката палета на Canon, вклучувајќи објективи за зумирање, примарни објективи и одредени Servo објективи од Canon* (со интерфејс со 12 пинови) за поголема контрола и можности за креативно снимање.
* Листата на компатибилни објективи сѐ уште не е потврдена.
Приклучоци за повеќе монитори и излезни приклучоци
ME20F-SH нуди повеќе опции за поврзување монитори и излез за надворешен снимач, вклучувајќи HDMI излез и два 3G/HD-SDI приклучоци.
Опции за далечинска контрола
Интерфејсот со 8 пина (RS-422) поддржува повеќе приклучоци за далечинска контрола, а достапен е и приклучок од 2,5mm за далечинскиот управувач RC-V100 од Canon (фирмверот на RC-V100 можеби ќе треба да се ажурира).
Поддршка за Genlock за едноставна синхронизација
ME20F-SH нуди и поддршка за Genlock преку приклучок на задната страна, со што овозможува синхронизација со други уреди.
Флексибилно инсталирање за едноставно користење
Компактно и лесно куќиште
ME20F-SH е компактна и лесна камера што тежи само 1,1kg со приближни димензии од 102x116x113mm (шxвxд). Таа е идеална за користење на места со слаба осветленост, независно дали на копно или под вода.
Лесно монтирање и позиционирање
ME20F-SH располага со долни и горни точки за монтирање кои овозможуваат флексибилност за лесно позиционирање и монтирање на роботски глави, носачи, кранови и стативи, поради што лесно може да се интегрира во работните процеси. Едноставно кажано, ова е уникатна и повеќенаменска камера што може да се користи во услови со секакво осветлување.
Галерија со видеоснимки
„Miss Aurora’s Dance“ со ME20F-SH
Препорачано за вас
Објективи и дополнителна опрема
Кино објективи од Canon Овие издржливи кино објективи имаат напреден оптички дизајн и нудат врвни перформанси кои ги исполнуваат строгите стандарди на современата кинематографија. 
EF објективи со фиксна фокусна должина EF објективите со фиксна фокусна должина нудат широки максимални решетки, овозможуваат фотографирање при слаба осветленост, прецизна контрола врз длабочината на полето и врвен квалитет на слика. 
EF објективи за зумирање Од извонредно широк агол до телефото, објективите за зумирање од Canon опфаќаат голем опсег на фокусни должини - од 8mm до 400mm - така што фотографите можат да патуваат со лесен багаж и да бидат креативни. 
Далечински управувач RC-V100 Далечинскиот управувач RC-V100 нуди жична далечинска контрола со обемни опции за вашата камера, вклучувајќи и опции за вградените филтри за поголема слобода при снимањето. 
Кабли RR-10 и RR-100 Каблите RR-10 (10 метри) и RR-100 (100 метри) од Canon се компатибилни со далечинскиот управувач RC-V100 и 8-пинскиот приклучок за далечински управувачи на ME20F-SH за поврзување на мала или голема оддалеченост. Може да ви се допадне и следното…
Професионална мрежа на Canon
Професионална и обемна поддршка: дознајте сè што треба да знаете за извонредната палета Cinema EOS.
Професионални услуги на Canon (CPS)
Зошто не аплицирате за членство во CPS? Уживајте во професионални услуги и поддршка за вашата опрема од Canon.
Опции за сервисирање на Canon
Кликнете за да го пронајдете најблискиот овластен центар на Canon за сервисирање и поддршка на фотоапарати и објективи.