Одличен квалитет на слика во услови што не се идеални

EOS R6 располага со технологии што ги вградуваме во нашиот најдобар фотоапарат EOS-1D X Mark III. CMOS-сензорот со 20,1 мегапиксели и процесорот DIGIC X работат заедно за да обезбедат одличен квалитет на слика, а големите пиксели на сензорот нудат идеална рамнотежа помеѓу резолуција, перформанси при слаба осветленост и динамички опсег што ќе ги разубави вашите фотографии. Без разлика дали снимате портрети, пејзажи, диви животни или патувања, EOS R6 создава слики со значително подобар квалитет.

Нивоата на дигитален шум се мали низ целиот стандарден опсег на ISO на фотоапаратот, со максимална чувствителност ISO 102.400 (може да се прошири до ISO 204.800), а тоа ќе ви помогне да снимате неверојатни слики дури и при недоволна осветленост. Широкиот динамички опсег ќе ви помогне да ги зачувате деталите во најсветлите и најтемните делови од сцената кога снимате во услови со голем контраст.

Фотоапаратот EOS R6 од Canon нуди вградена стабилизација на слика со пет оски (скратеница: IBIS) што нуди заштита од тресењето на фотоапаратот кога фотографирате со кој било објектив поставен на фотоапаратот. Сензорот нуди корекција на вртењето нагоре, надолу и странично и X-Y-корекција, така што режисерите и фотографите ги искористуваат придобивките од оваа нова корекција со 5 оски на објективите EF и RF. Меѓутоа, ако прикачите компатибилен RF-објектив со¹ стабилизација на слика, комбинацијата од системот за стабилизација на фотоапаратот и на објективот го компензира движењето надолу и странично и создава систем за интелигентна стабилизација на слика што нуди нови нивоа на перформанси за обработка на слики.

Приклучокот за објективи RF има широк дијаметар што му овозможува на сензорот во фотоапаратот EOS R6 да навлезе уште повеќе во кругот на сликата што ја создава објективот. Како резултат на тоа, одредени објективи без оптичка стабилизација на слика може да ги искористат предностите на системот за стабилизација со максимум 8 чекори.

При користење на RF-објективи со стабилизација на слика¹, вградената стабилизација на слика комуницира во реално време со помош на брза комуникација со приклучокот за работа и за ефективно коригирање на тресењето на фотоапаратот вклучувајќи го дишењето, пешачењето или држењето на фотоапаратот. Корекцијата на движењата со ниски и високи фреквенции на овој начин нуди нови нивоа на стабилност и овозможува неверојатна стабилизација со 8 чекори².

Освен датотеки JPEG и CR3 RAW, EOS R6 од Canon сега може да снима и датотеки од следната генерација HEIF (High Efficiency Image Format). Датотеките HEIF нудат подобар квалитет од датотеките JPEG, а зафаќаат приближно иста големина и создаваат помалку артефакти. Форматот што е подготвен за иднината овозможува снимање со 10-битни бои за поголем динамички опсег и снимање HDR PQ-слики.

Компатибилноста на датотеките HEIF постојано се зголемува. Тие може да се уредуваат со добро познати апликации за обработка на слики преку вашиот компјутер/Mac, на ист начин како и датотеките JPEG. Датотеките HEIF може да се обработуваат и во самиот фотоапарат за да создадете стандардни JPEG-датотеки што потоа може да ги зачувате во SD-картичка.

Процесорот за слика DIGIC X на EOS R6 има важна улога во создавањето на импресивната брзина и квалитет на слика на фотоапаратот и им овозможува на фотографите да вршат напредна обработка на слика во самиот фотоапарат за време на фотографирањето или подоцна.

Во менито за стилови на слика и во функцијата за внатрешна обработка на RAW-слики на фотоапаратот е додадена опција за острина. Таа го прилагодува микро контрастот во фотографиите и видеоснимките, подобрувајќи (или омекнувајќи) ги текстурата и острината на рабовите. Острината може да се прилагоди во ±4 чекори и е особено ефикасна за подобрување детали во пејзажите и подобрување или намалување на препознатливи карактеристики на лицето, како брчки, во портретите.

Технологијата за дигитално оптимизирање на објективот (DLO) што е вградена во фотоапаратот им помага на објективите да функционираат најдобро што можат преку намалување на ефектот на природни оптички феномени, како појава на рабови, намалување на светлината, па дури и мали ефекти на дефокусирање на оптичкиот нископропусен филтер на EOS R6. Резултатите се неверојатни и можат да се добијат во самиот фотоапарат (за време на фотографирањето или потоа) или за време на обработката по снимањето со помош на софтверот Digital Photo Professional. Достапни се две нивоа на DLO: стандардно и високо.

Подобрените технологии за автоматска оптимизација на осветлувањето (ALO) и приоритет на најсветли тонови+ им овозможуваат на фотографите да снимаат датотеки JPEG и HEIF со проширен динамички опсег. Тоа е одлично за зачувување на деталите во осветлените површини и во темните сенки во сликите директно со фотоапаратот. Кога снимате портрети, лицата може лесно да ги осветлите преку самиот фотоапарат откако ќе ја снимите сликата, за да добиете одлични резултати.