Canon XF205

Детални карактеристики

• Напреден систем за обработка на слика од Canon

  XF205 се одликува со напреден систем за камери кој овозможува снимање на исклучителни слики и се одликува со брз одзив за да може да се справи со сите видови на фотографирање. Широкоаголниот објектив од 26,8mm со 20x зум ве приближува до случувањата, а динамичката оптичка стабилизација на слика врши компензација за тресењето во 5 насоки со цел да ви обезбеди неверојатно стабилни слики. HD CMOS Pro сензорот од Canon работи заедно со процесорот DIGIC DV 4 за да обезбеди неверојатен квалитет на слика – дури и при слаба осветленост – како и исклучителен динамичен опсег и реалистична репродукција на бои. Широката DR гама помага во намалување на преголемите експозиции, а режим на снимање со инфрацрвени зраци овозможува едноставно користење на камерата во темнина - идеално за снимателите на животот во дивината.Квалитетот на сликата е надополнет со напредни функции за звук, со поддршка за снимање на 4-канален Linear PCM звук.

• Удобна и прецизна контрола

  XF205 има компактна големина, ненаметлив дизајн и нуди задоволство при користењето, благодарение на начинот на ракување со 3 прстени на објективот и ротирачкиот држач, а нуди и опции за набљудување со извонредно висок квалитет. OLED екранот со резолуција од 1,23m точки е практичен за гледање, дури и при силна сончева светлина, нуди пократко време на одзив, подобра резолуција, контраст и репродукција на бои од LCD еквивалентите. Големиот EVF од 1,14cm (0,45”) со резолуција од 1,23m точки може да се заврти за 68° за да овозможи снимање од различни позиции.

• Разновидни опции за снимање

  Функцијата за снимање во два формати кај XF205 нуди флексибилност, брзина и безбедност на податоците. Видео материјалите можете да ги снимате истовремено во два различни формати, добивајќи моментална резервна копија и алтернативни опции за испорака. Full HD сликите можете да ги складирате на две CF картички користејќи го стандардниот MPEG2 кодек од 50Mbps, а верзијата во MP4 формат може да се зачува на SD картичка во Full HD или во помала резолуција - идеално за брзо префрлување на фајлови во апликации како оние за прибирање новости. Ќе можете да проследувате и прокси фајлови со мала резолуција директно кон друг уред, како на пример паметен телефон.

• Интегрирање и споделување

  Приклучоците Timecode, Genlock и 3G-SDI овозможуваат лесно поврзување со индустриски стандардна опрема за емитување.Споделувањето содржини е едноставно благодарение на можноста за поврзување преку вградениот Wi-Fi и етернет. Видео материјалите можете да ги прегледувате на друг уред, како таблет уред или паметен телефон или, пак, можете да ги префрлувате директно преку FTP. Овој вид на поврзување овозможува и далечинска контрола на камерата преку интернет пребарувач, а можете да го користите и жичниот далечински управувач RC-V100 од Canon.