ФОТОГРАФИРАЊЕ ДИВИ ЖИВОТНИ
Наградуваниот фотограф за диви животни Markus Varesvuo кој живее во Хелсинки, Финска, никогаш не е далеку од дивината која му ја исполнува душата.
Markus го обожава дивиот свет уште од неговите тинејџерски години и е страстен набљудувач на птици и фотограф. Во 2005 година, тој одлучува да ги претвори неговите хобија во кариера, напуштајќи ја работата во управувањето со бизнис за да стане професионален фотограф за животни.
Markus користи фотоапарат од Canon уште од почетокот на неговите авантури со фотографирањето, започнувајќи со фотоапаратите со филм. Денес, како успешен фотограф и автор на неколку книги за фотографирање птици, тој најчесто го користи професионалниот и брз фотоапарат EOS-1D X Mark II од Canon и извонредните телефото објективи.
Markus беше првиот фотограф во Европа кој го тестираше напредниот DSLR-фотоапарат EOS 90D од Canon. Овде, тој објаснува како овој фотоапарат му овозможил да ги сними фотографиите што ги обожува и открива како амбициозните фотографи за диви животни и ентузијасти за природа можат максимално да ги искористат неговите функции.
Со APS-C CMOS-сензор од 32,5 мегапиксели и моќен процесор во компактно куќиште на DSLR, EOS 90D од Canon е фотоапарат со брз одзив кој му овозможи на Markus да снима извонредни детали. APS-C-сензорот ве доближува поблиску со зголемување на ефективниот телефото опсег, додека автоматското фокусирање (AF) има систем со 45 точки од вкрстен тип кој е флексибилен и брз. Заедничката површина за фокусирање се дели на зони или на индивидуални точки кои можете да ги изберете директно со палката.
Брзото и континуирано фотографирање со брзина до 10 слики во секунда (fps) и фокусирање со интелигентно следење и препознавање (iTR) го прават EOS 90D од Canon идеален за фотографи за диви животни како Markus, за кого брзината е од суштинско значење.
Без разлика дали станува збор за ластовичка во лет, мечка која лови или птица која прелетува, Markus мора да ја зграпчи можноста за извонредна фотографија, веднаш откако ќе ја забележи. „EOS 90D од Canon е брз фотоапарат“, вели тој. „Фотографирам претежно со професионалниот фотоапарат EOS-1D X Mark II од Canon и брзината на фокусирање е споредлива“.
Кога станува збор за тоа што да фотографирате, пронаоѓањето диви области со извонредни субјекти во Финска е лесно, вели Markus. Тој ги уверува амбициозните фотографи за диви животни дека „без разлика каде се наоѓате, можете да најдете прекрасни места. Особено птиците може да се најдат насекаде - во градот, можеби во парк или на крајбрежје. Не мора да патувате илјадници километри, тие се поблиску од што мислите“.
Локалното познавање е клучно, а враќањето на истата локација може да ви заштеди време и да ви овозможи да ги подобрите идеите со користење на различно осветлување и агли. „Најважната работа при фотографирањето птици е да ги познавате видовите. Колку можам да се доближам? Дали ми е потребна камуфлирана положба? Ако ги вознемирите птиците нема да ги фотографирате“, вели тој.
Markus може да го чека совршениот момент со часови или денови, но да се биде трпелив е една од многуте позитивни особини на фотографот за диви животни. Исто така мора брзо да реагирате, бидејќи моментот може да трае само неколку секунди. „Јас реагирам многу брзо“, објаснува тој. „Но, потребна ви е и соодветна опрема и оптика за фотоапаратот. Колку повеќе слики во секунда може да сними фотоапаратот, толку подобро, а истото важи и за автоматското фокусирање“.
Како што ќе ви каже секој фотограф-почетник, снимањето остри фотографии, особено од птици во лет, е најголем проблем за AF-системот на секој фотоапарат.
„Обично, кога фотографирам птици во лет ги користам сите фокусни точки - тоа се 45 кај фотоапаратот EOS 90D од Canon. Автоматското фокусирање е толку добро и прилагодливо што можете лесно да ја држите птицата во површината за фокусирање. Единствената поставка што ја менувам е чувствителноста за следење. Ако заднината е динамична ја намалувам чувствителноста“, вели тој.
Една од омилените птици на Markus кои тој обожава да ги фотографира е црновратиот нуркач. Додека овие птици пливаат грациозно на водната површина, нема голем контраст помеѓу летните сиви пердуви на главата на нуркачот и темните заднини кои ги претпочита Markus.
Сепак, фотоапаратот EOS 90D од Canon без проблем го следи и фокусира огненото црвено око на птицата. „Нуркачите се движат прилично бавно на водната површина, така што јас користам девет фокусни точки“, вели Markus. „Режимот AI Servo го користам за да ја следам и остро да ја фокусирам птицата, а палката ја користам за да изберам различни фокусни точки. Ситуациите при фотографирањето птици се менуваат многу брзо“, додава тој.
Големите брзини на групно снимање се од суштинско значење за доловување на краткотрајните моменти кога птиците се откриваат себеси како, на пример, кога фаќаат плен или за време на нивните карактеристични ритуали за парење. „За да ја снимите совршената фотографија, птиците мора да бидат во соодветната положба, а брзината од 10 слики во секунда ми овозможува да извлечам максимум од ситуацијата“, вели Markus.
Птиците не секогаш се откриваат себеси во совршени услови на осветлување, а дури и за време на долгите летни денови во Финска, Markus често работи при слаба светлина. „Во тие услови, за да ги замрзнете случувањата мора да користите висока поставка за ISO. Секогаш користам поставка за ISO од 6400 или дури и повисока“, вели Markus. Фотоапаратот EOS 90D од Canon нуди максимална поставка за ISO од 25.600 што овозможува фотографирање при слаба осветленост без проблем.
Потребна ви е и голема брзина на блендата, но дури и тоа зависи од птицата. „За селските ластовички потребна ми е брзина од 1/3200 секунди; големите сиви бувови не се многу брзи, па брзина од 1/2000 сек. и дури и 1/1000 сек. е доволна. Дури и при добра осветленост, потребна ви е прилично висока поставка за ISO за да постигнете толку голема брзина на блендата“, додава тој.
Без разлика дали Markus фотографира водни птици на езерска површина или бувови под густата крошна на финската шума, тој е често со километри оддалечен од секаква форма на човечка населба, па затоа е неопходно да се имаат издржливи батерии. Иако е релативно лесно да се тргне со неколку целосно наполнети батерии, навистина е важно да траат долго време.
Фотоапаратот EOS 90D од Canon има издржлива батерија која овозможува снимање на 1300 слики, а Markus вели дека една батерија може да му трае цел ден за време на топлите летни месеци.
Markus ги испраќа сликите на издавачи на списанија и книги и потребната големина на сликата може значително да се разликува, но квалитетот секогаш треба да биде највисок. „Моите слики завршуваат на различни места и се користат на различни начини. Отпечатените материјали за изложбите треба да бидат со ширина до еден метар или повеќе“, вели тој.
Не само што сензорот со 32,5 мегапиксели на EOS 90D од Canon му овозможува на Markus да испраќа слики за големи отпечатени материјали, туку останува и повеќе од доволно резолуција по отсекувањето. „Тоа ми дава голема слобода на компјутерот за да го обликувам кадарот како што ќе посакам“.
Напишано од Kevin Carter
Максимално опремен DSLR-фотоапарат што овозможува доближување до целта, побрзо фотографирање и снимање извонредни слики со 32,5 мегапиксели.
Професионален објектив за зумирање од серија L за фотографирање спорт и животот во дивината, со стабилизација на слика и ASC слој за извонредна острина.
Објектив за зумирање од серија L од професионална класа кој е компактен за патувања и идеален за фотографирање движења, животот во дивината и спорт.
Најлесниот телефото објектив* во светот за извонредно квалитетни слики од спорт, диви животни и брзи случувања
Неверојатно лесен објектив од 600 mm со f/4 што е совршен за професионалните фотографи за диви животни, спорт и вести
Додаток за продолжување од професионална класа што ја зголемува фокусната должина на објективите од серијата L за 1,4x.
Нашиот водечки професионален DSLR. Сензор за целосна слика со 20,2 мегапиксели. AF систем со 61 точка. До 14fps. ISO до 409.600.
Get Inspired е најголемиот извор на практични совети за фотографирање, водичи за купување и информативни интервјуа - сè што ви е потребно за да го пронајдете најдобриот фотоапарат или најдобриот печатач и да ја реализирате вашата следна креативна идеја.
Назад до сите приказниФОТОГРАФИРАЊЕ ПРИРОДА
По само три години од неговото прво фотографирање, карактеристичните фотографии од животни на Ossi станаа хит на социјалните медиуми. Тука објаснува како започна неговото хоби.
ФОТОГРАФИРАЊЕ ПРИРОДА
Ossi Saarinen ги открива најдобрите подесувања и креативни техники што ги користи за фотографирање на урбаната природа.
ФОТОГРАФИРАЊЕ ДИВИ ЖИВОТНИ
Дивите животни нема да седнат и да ви позираат, а тоа го отежнува нивното фотографирање. Следете ги овие професионални совети за да добиете совршени фотографии од диви животни.