Canon се стреми да ги сведе јаглеродните емисии на нула до 2050 година

Canon прави напори за намалување на емисиите на CO₂ во сите фази на деловното работење.

Сите сме погодени од разорното влијание на климатските промени на нашата планета, а најмногу од сè поголемиот број на глобални природни катастрофи предизвикани од екстремни временски услови. Ова е критичен момент во кој сите треба да реагираат.

Нашата цел е да ја заштитиме глобалната животна средина преку намалување на влијанието на нашите производи врз животната средина. Посветени сме да ги намалиме нашите емисии на CO₂, почнувајќи уште од набавката и употребата на суровини и делови па сè до процесите во фабриките и логистиката.

Се стремиме за сведување на јаглеродните емисии на нула до 2050 година.

„Сведување на нула“ се постигнува кога количината на јаглерод што ја додаваме во атмосферата е иста со количината што ја отстрануваме.

За да ја исполниме оваа цел, активно ги намалуваме нашите емисии на стакленички гасови (GHG). Нашите емисии ги квантифицираме во текот на целиот работен циклус на производот за да ги намалиме емисиите во секоја фаза.

Имаме за цел да го намалиме апсолутниот обем 1 и 2 за GHG-емисии од 42% и апсолутниот обем 3 за GHG-емисии (категорија 1 и 11) од 25% до 2030 година, со основна вредност земена во 2022 година согласно критериумите на SBTi.

Нашите цели за намалување на емисиите на CO₂ се надворешно оценети од страна на SBTi (Science Based Targets initiative) и заклучено е дека се во согласност со Парискиот договор за 1,5 °C.

Во 2024 година, ги намаливме емисиите во опсегот 1 и опсегот 2 за 12,8%, како и 17,7% во опсегот 3 (категорија 1 и 11) во споредба со 2022 година.

Не е доволно само да ги гледате сопствените проекции и придонеси, туку и да имате цели што се создадени во согласност со најновите научни податоци за климата и со потребите за исполнување на целите наведени во Парискиот договор. Затоа ги потврдивме нашите краткорочни цели преку SBTi (Science Based Targets initiative).

Намалување на емисиите на CO₂ низ целиот работен циклус на производите

Во 2024 година, вкупната глобална потрошувачка на обновлива енергија на компаниите од Canon беше 307.846 MWh, што е приближно 1,2 пати поголема од 2023 година.

Користиме колку што е можно повеќе обновлива енергија за работата што ја вршиме во Европа и продолжуваме да ја зголемуваме употребата на обновливи извори за да ги намалиме емисиите на CO₂. Нашата фабрика во Поинг во Германија, користи 100% обновлива енергија.

Нашето главно седиште за EMEA и главните седишта за Обединетото Кралство и Ирска добија оценка BREEAM* Excellent за нивниот енергетски ефикасен дизајн и за користењето обновлива енергија. Новиот BMS-систем и PV-панелите на кровот овозможија приближно 50% намалување на потрошувачката на енергија за целата зграда.

Нашата зграда во Венло во Холандија користи систем со топлински пумпи, системи за ефикасно складирање на топла и ладна вода, како и LED-светилки за намалување на потрошувачката на енергија. Исто така, имаме соларни панели и места за полнење електрични возила и на двете локации.

Нашата цел е максимално користење на обновлива енергија како ефикасен енергетски извор, а истовремено и реализација на целта за сведување на емисиите на CO₂ на нула до 2050 година.