Canon DP-V3120
Професионален референтен 4K HDR-екран од 31 инчи
Професионален референтен 4K HDR-екран од 31 инчи
DP-V3120 од Canon е професионален референтен 4K HDR-екран од 31 инчи што нуди светлина на целиот екран од 2.000 cd/m2 и сооднос на контрастот од 2.000.000:1 со исклучителна прецизност и сигурност, како и многубројни функции за помош при HDR-следење. DP-V3120 е идеален за професионални работни процеси за снимање во HDR.
DP-V3120 од Canon нуди светлина на целиот екран од извонредни 2.000 cd/m2 што ви овозможува поголема флексибилност за создавање неверојатна содржина со голем динамички опсег. Со најсовремен систем за задно осветлување што е дизајниран од Canon, алгоритам за прецизна контрола на LED-диодите и со напредна обработка на слика, DP-V3120 нуди минимално ниво на црна боја од 0,001 cd/m2 и неверојатен сооднос на контрастот од 2.000.000:1, овозможувајќи прецизна репродукција на деталите во сенките и на светлите површини.
Прецизна репродукција на сликата е важна за соодветно HDR-следење. DP-V3120 овозможува прецизна репродукција на сите нијанси на сива боја од ниска до висока осветленост, а и секоја од основните бои R, G, B нуди соодветно ниво на осветленост. Ова ниво на прецизност овозможува поголема сигурност за управување со работните процеси за HDR-обработка.
Со поддршка за стандардната гама од 2,2, 2,4, 2,6 и ITU BT.1886, како и функциите за електрооптички пренос (EOTF) SMPTE ST.2084 и ITU-R BT.2100 (HLG) на HDR, DP-V3120 ги поддржува и широките простори на бои BT.2020 и DCI-P3 со реалистична и доследна репродукција на боите за да ги задоволи потребите за снимање во SDR и во HDR.
DP-V3120 од Canon нуди многубројни функции за HDR-следење кои се водечки во индустријата и кои им овозможуваат на корисниците да ги визуелизираат параметрите за HDR-сигналите како што се HDR-референтното бело ниво, нивоата на сигнали и светлината на сликата за прецизно оптимизирање на сигналот.
Иновативниот систем за задно осветлување на Canon, со LED-диоди со висока ефикасност и новодизајниран механизам за ладење, овозможува и одржува високо ниво на континуирана осветленост дури и при 2.000 cd/m2. Овој новодизајниран механизам за ладење овозможува тивко функционирање со голема светлина што е идеално за опкружувања како што се студијата за обработка на бои.
Освен тоа, иновативниот систем за задно осветлување на Canon користи низа сензори на целиот екран за да ги следи перформансите на задното осветлување и користи интелигентна технологија за автоматска корекција за да ја одржува и прилагодува прецизноста на сликата за време на работењето.
DP-V3120 е опремен со интерфејсот 12G-SDI за да ги задоволи потребите на најновите опкружувањa за снимање во 4K, овозможувајќи 4K-сигнал преку еден SDI-кабел. Со четири приклучоци 12G-SDI, екранот може да поддржи повеќе 4K-сигнали, овозможувајќи поделен приказ на 4 екрани, една 4K-слика или една 8K-слика (прикажана во 4K).
DP-V3120 има поддршка за „Payload ID“ за да ги идентификува карактеристиките за пренос на сигналот, а функцијата за автоматско поставување овозможува автоматско менување на поставките за [режимот за слика] на екранот. Освен тоа, функциите за следење на сигнали му овозможуваат на DP-V3120 да ги идентификува грешките во сигналите, како што се недостатокот или погрешниот распоред на сигналите 2SI и грешките CRC.
DP-V3120 може далечински да се контролира преку LAN-врска со помош на компјутер или таблет-уред, овозможувајќи пристап до менито како и до различни информации за екранот.
Проверка и зумирање на прикажаната слика. Едноставна контрола со копчињата за канали и функции.
Пристап до поставки за екранот и до информации за сигналот.
Пристап до целосното мени со контроли, поставки и поврзување со други монитори.
4K
(4096 x 2160) резолуција
UHD
(3840 x 2160) резолуција
DCI
(2048 x 1080) резолуција
Поддршка за HDR-стандарди
ITU-R BT.2100 и SMPTE ST 2084
12G-SDI
Поддржува 4 x 12G-SDI
Референтен 4K HDR-екран од 27 инчи со многубројни функции, наменет за професионално емитување и обработка по снимањето.
Референтен екран од 24 инчи со голема светлина, широка палета на бои и обемни функции за снимање во HDR
Со компактен и лесен дизајн за употреба во студио или на снимање, професионалниот монитор DP-V1830 нуди исклучителни перформанси за обработка на 4K HDR-слики.
