Спонзорство

Нашите активности за спонзорирање во регионот EMEA опфаќаат социјални, културни и спортски активности што го поддржуваат нашиот бренд, нашето деловно работење и нашите цели за корпоративна и социјална одговорност што се усогласени со крајната цел на нашиот бренд - Технологии за обработка на слика што ќе го трансформираат нашиот свет.

Следејќи ја нашата корпоративна филозофија Kyosei, ние се стремиме да го примениме нашето професионално искуство за обработка на слика за да направиме разлика во рамките на општеството. Kyosei ја изразува нашата посветеност да ги видиме сите луѓе, независно од културата, обичаите, јазикот или расата, да „живеат и работат заедно за доброто на сите“.

Visa Pour L’Image, меѓународниот фестивал за фоторепортерство, поканува посетители од целиот свет на серија изложби, дискусии на кружна маса, проекции и доделување награди.

Наша привилегија и гордост е да го поддржуваме фестивалот Visa Pour L’Image 35-та година по ред.

Прочитајте повеќе

Coral Spawning International ја користи својата страст за коралната биологија за да понуди уникатна алатка за справување со тековната корална криза. Под водството на науката (којашто тимот ја развиваше во текот на изминатата деценија), тие дизајнираат и инсталираат приспособени аквариуми наменети за мрестење корали Scleractinia.

Горди сме што можеме да ги поддржиме Coral Spawning International со нашата опрема за обработка на слика, која е водечка во светот и во која спаѓаат фотоапаратот без огледало Canon EOS R5, фотоапаратот без огледало Canon EOS R6 Mark II, објективот Canon RF 100mm F2.8L MACRO IS USM и објективот Canon MP-E 65mm f/2.8 1-5x Macro Photo.

Прочитајте повеќе

Nature Seychelles е водечка непрофитна организација во западниот Индиски Океан со големи достигнувања во зачувувањето на коралните гребени и во одржливото управување со природните ресурси.

Компанијата Canon обезбеди инвестиција за Nature Seychelles за изградба и управување со фарма за одгледување корали, како и опрема од Canon за подобрување на набљудувањето и документацијата на мрестењето на коралите, што ќе се користи во граѓанската наука и за едукација и подигнување на свеста. Опремата на Canon ќе им овозможи на истражувачите детално да го проучат мрестењето на коралите, што досега не било случај.

Прочитајте повеќе

World Sports Photography Awards ги прославува најдобрите професионални слики од спортови, со изложба на моќни моменти од секаде низ светот.

Canon има гордо наследство во фотографирањето спортови, бидејќи опремува различни генерации на професионалци да можат да снимаат епски моменти кои ја дефинираат спортската историја. Како официјален партнер за обработка на слика, Canon ја продолжува својата посветеност со промоција на Canon Emerging Talent Award, за да ги прослави креативноста и страста на надежните фотографи и да им ги обезбеди потребните алатки и можности за да се развиваат успешно.

Прочитајте повеќе

Ние во Canon сакаме да се осигуриме дека активностите во кои учествуваме можат да ги поврзат и обединат нашите корисници на емотивен начин што ја поткрепува целта на нашиот бренд „Технологии за обработка на слика што ќе го трансформираат нашиот свет“.

Сите наши партнерства мора да се во согласност со нашите вредности, па затоа сакаме да учествуваме во активности што: 

  • Се сметаат за иновативни, смели и/или револуционерни
  • Можат да ни обезбедат платформа за изложба на нашите технологии и услуги за обработка на слика
  • Ја промовираат нашата посветеност за одржливост
  • Ја демонстрираат нашата корпоративна филозофија Kyosei - заеднички живот и работа за доброто на сите.
  • Се во согласност со нашата корпоративна замисла за „Подобрување на животот и деловното работење со решенија за обработка на слика“

 Во моментот не размислуваме за нови можности за партнерство, но кога разгледуваме предлози, следните критериуми ни помагаат да донесеме одлука:

  • Не спонзорираме поединци или тимови. Тука спаѓаат блогери, видеоблогери или какви било патувачки проекти каде што поединецот бара бесплатен производ во замена за промоција. Посетете го веб-сајтот Canon Pro за да дознаете повеќе информации за програмата за амбасадори на Canon
  • Настанот/активноста мора да биде паневропски проект. За локални активности, ве молиме обратете се на соодветната канцеларија на Canon
  • Настанот/активноста не смее да има никакви религиозни асоцијации, политички врски, ниту пак да биде поврзуван со воени дејства од каков било вид
  • Секој настан/активност што ќе ја разгледуваме мора да ги поддржува нашите цели за одржливост

Може да ве интересира и

За Canon

Запознајте се со глобалната компанија Canon, Canon во Europe и дознајте повеќе за компаниите од нашата групација.

Прочитајте повеќе

Редакција

Тука ќе пронајдете најнови вести и информации од Canon, вклучувајќи ги и нашиот блог и платформата VIEW.

Прочитајте повеќе

Контактирајте нè

Дознајте како да нè контактирате.