Градежната работа не паузира кога главните акционери не можат да дојдат на локацијата. Одлуките мора да се донесат, проблемите мора да се препознаат рано и проектните тимови мора да имаат јасна евиденција за сè што се случува, без да се потпираат само на интерпретација.
Клиент: avisec
Локација: Швајцарија
Повеќе очи на секоја локација
avisec и Canon им помагаат на градежните тимови да преминат од повеќедневна анализа на резултати во рок од два часа.
Daniel Bärtschi
Камерата ви нуди поголем увид на градежната локација, што ви овозможува да работите повеќе проекти истовремено“.
Компанијата avisec нуди решенија со камери поврзани со Cloud, кои се наменети за градежни локации и кои ги автоматизираат надзорот на локацијата, снимањето видеозаписи со забрзани движења и фотограметријата со голема прецизност, најчесто од врвот на кранот. За да може да го реализира тоа, на компанијата avisec ѝ се потребни доследен квалитет на слика, сигурни перформанси во надворешни опкружувања со лоши услови и начин за контрола на повеќе модели на камери преку еден интерфејс. Со камерите Canon EOS и пакетот за развој на софтвер (SDK) од Canon, компанијата avisec создаде автоматизиран работен процес кој нуди ниво на прецизност во центиметри, помалку посети на локацијата и појасно носење одлуки.
Системите на avisec се инсталирани на локацијата и работат како интернет уреди поврзани со Cloud, а притоа овозможуваат автоматизирано документирање, пакети со 3D-податоци и слики од птичја перспектива директно од кранот, што им помага на тимовите да го следат напредокот и да ги откриваат проблемите времено. Компанијата во моментот има приближно 1350 камери поставени на 800-900 локации во 17 земји, кои се користат истовремено.
Предизвикот
За градежните проекти е потребно паралелна работа со повеќе занаети, во кои дури и малите грешки во позиционирањето може да доведат до скапи преработки во иднина. На тимовите им е потребна доследна евиденција за тоа што се случило, каде и кога, со доволно детали за да може да се донесат одлуки додека работата е сè уште во тек. Како што кажа Bärtschi, „Потребен е еден доказ, а сликата го нуди токму тоа“.
За да испорача таква прецизност, на компанијата avisec ѝ е потребен доследен квалитет на слика во долги временски периоди, понекогаш и до пет години, како и сигурна контрола и беспрекорно ракување во надворешни услови, вклучувајќи екстремни температури и далечни локации, каде што трошоците за посета на локациите се големи.
Во исто време, компанијата avisec требаше да користи различни модели на камери и да биде подготвена за различни сценарија на користење, како фиксни држачи, ротирачки системи и камери монтирани на кран, без да биде потребно да се менува софтверот за контрола во секоја ситуација
Решението
SDK од Canon веднаш му го привлече вниманието на тимот од avisec. „SDK од Canon ни овозможува да ги контролираме сите модели на ист начин“ - вели Bärtschi, „почнувајќи од фокусирањето и снимањето, па сè до приспособување на квалитетот на сликата“.
А, бидејќи квалитетот на сликата е најважната точка од предлогот на компанијата avisec, резолуцијата е од огромно значење. „Canon ни нуди многу подобра резолуција од сите други камери за надзор“ - вели Bärtschi, „а благодарение на објективот и сензорите, квалитетот на сликата е многу подобар од другите камери“. Тоа значи дека корисниците може да ги користат сликите и како докази и како информации за анализи.
Daniel Bärtschi
Сигурноста е многу важна. Нашите камери се поставени далеку и патувањето до локацијата само за да се поправи некаков проблем може да биде кошмар“.
Производите кои се користеа за да се постигне ова
На крајот, нивната одлука се сведе на следното:
- Унифицираниот SDK ја намалува потребата за контрола од страна на програмерите при работа со различни модели на камери
- Поголемата резолуција на сензорот создава излезни сигнали на ниво на фотограметрија, кои може да се користат за многу повеќе од само мониторинг
- Екосистемот на објективи од Canon поддржува прецизно усогласување и ниво на прецизност во центиметри
Техничарот Simon Fenner поставува куќиште, кое е отпорно на лоши временски услови, врз Construction Camera Pro
Доследното снимање им овозможува на клиентите да го следат напредокот постојано
Нивото на прецизност во центиметри овозможува создавање ортофотографии за само неколку часа
Анализа на слики од локацијата, снимени со камера поставена на кран
Резултатот
Со камерите од Canon интегрирани во автоматизираниот работен процес на avisec, градежните тимови може да преминат од рачно снимање и обработка по снимањето на побрз и повторлив процес за документирање на локациите. Додека за ортофотографиите претходно биле потребни неколку дена за рачно снимање и обработка, нивното снимање сега трае приближно два часа.
Со намалување на посетите на локациите и со скратување на циклусите за контрола од денови на часови, компанијата avisec нуди порано откривање на девијациите, што на тимовите им помага да ги намалат потребите за одржување и корективните постапки, кои може да достигнат дури до 10% од инвестицијата на проектот.
Комбинацијата од снимање со висока резолуција и доследна контрола придонесе и за развој на бизнисот. „Користењето на производите од Canon нè издвои од компаниите кои нудат камери само за надзор“ - вели Bärtschi. „Ние нудиме снимање со висока резолуција и висок квалитет“. Тоа ѝ овозможи на компанијата avisec да го прошири своето деловно работење надвор од областа на градежништвото и да соработува со агенции за маркетинг и научници кои ги истражуваат природните феномени, како што се лавините.
Со Canon како технолошки партнер, компанијата avisec забележува двоцифрен развој на годишно ниво, вклучувајќи и развој од 20% за последната година. Таа сега е најголемиот оператор за надзор на градежни локации со слики во регионот DACH. Соработката со Canon му овозможи на тимот од avisec да користи различни модели на камери, да го автоматизира снимањето од кранот со голема прецизност и да одржува долготрајна сигурност во опкружувањата со обемни потреби - сето тоа е поддржано со унифицираниот SDK и перформансите за снимање кои ги нуди Canon.
Тимот на Canon е достапен секогаш, почнувајќи од помош за тестирање на издржливоста на новите модели на камери, па сè до совети за конфигурирање на важните работни процеси и сигурна испорака на производи согласно зголемувањето на потребите. Кога обработувате 300.000 слики на ден, како што тоа го прави avisec, се исплати да имате партнер кој ќе биде покрај вас кога ќе ви биде потребен.