Видете. Доловете.

Новата генерација на технологии за EOS R во комбинација со дизајн што е едноставен за користење - победничка комбинација која ќе ви помогне да истражувате насекаде.

За фотографите кои се почетници, или за прв пат користат EOS-фотоапарати од Canon, е достапен кориснички интерфејс со упатства. Кога е активен, тој нема само да ви дава инструкции за користењето на фотоапаратот, туку и за правилата на фотографирање. А кога ќе бидете подготвени да го исклучите корисничкиот интерфејс со упатства, фотоапаратот ќе ги врати стандардните прикази и менија што се брзи и интуитивни. Толку добар дизајн на кој веднаш ќе се привикнете.

Електронскиот визир со 2,36 милиони точки на EOS R10 нуди јасен и реален приказ на светот и прикажува како точно ќе изгледа снимената слика или видеоснимка - со покриеност од 100 проценти. Ќе ви овозможи да ја прегледувате експозицијата, длабочината на полето, балансот на белата боја, стилот на сликите и многу повеќе.

Удобен е за користење дури и ако фотографирате цел ден, благодарение на стапката на освежување од 120 fps¹, зголемувањето од 0,95x и растојание од 22 mm помеѓу куќиштето на фотоапаратот до окото. Достапен е и режим со 60 fps за заштеда на енергија. Информациите што се прикажуваат може да се приспособат, за да бидете информирани без да ви биде одвлечено вниманието. Визирот може да се прилагоди и кон вашиот вид, со диоптер од -3 до +1 m-1.

Режимот OVF Assist ќе им помогне на корисниците да се прилагодат при транзиција од фотоапарати со оптички визири, како што се DSLR-фотоапаратите. Тој го симулира начинот на работа со оптички визир и користи HDR-технологија за да ги открие деталите во темните сенки и светлите површини, наместо да прегледувате ефекти на сликите.

EVF е надополнет со голем екран на допир од 7,5 cm со променлив агол и 1,04 милиони точки што ќе ви овозможи да го обликувате кадарот и да фотографирате од висок или низок агол, за да добиете нова перспектива за вашиот субјект. Одличен е и за снимање видео.

Го дизајниравме EOS R10 со APS-C-сензор со димензии од прибл. 22,3 x 14,9 mm. На тој начин, вашите објективи добиваат телефото дострел што е поголем за 1,6x во споредба со истата фокусна должина на фотоапаратите за целосна слика, а тоа придонесува за EOS R10 да биде помал и полесен и да ви стане идеален придружник за патување. Изолирајте далечни детали во пејзажите и доближете се до дивите животни во паркот, за да го исполните кадарот максимално.

Корисниците кои преминуваат од DSLR-светот на EOS R10 брзо ќе се привикнат новиот фотоапарат. Контролите ќе бидат таму каде што очекувате - под вашите прсти, а навигацијата низ страниците на менито ќе ви изгледа познато и многу подобро.

Достапни се приспособени режими за фотографирање што ќе ви овозможат моментален пристап до однапред програмирани поставки на фотоапаратот, а достапно е и приспособливо Мое мени што може да се исполни со опции од менито што најчесто ги користите. Исто така, достапни се копчиња за приспособени функции што ќе ви овозможат да ги прилагодувате поставките додека фотографирате, без да го тргнете погледот од субјектот.