Автоматски фокус што ги надминува очекувањата

Користејќи вештачка интелигенција со длабоко учење, обучена и програмирана со илјадници врвни фотографии, EOS R7 може сигурно да препознава и следи субјекти на 100 проценти од кадарот.¹

Кога фотографирате луѓе, фотоапаратот секогаш се фокусира на очите, доколку се видливи. Доколку не се (на пример, кога носат наочари за сонце или кацига или, пак, доколку лицето е свртено настрана), следно на листата приоритети на EOS R7 е лицето, а потоа телото. На овој начин луѓето постојано се следат, дури и ако во тој момент се завртат или, пак, доколку лицето им е затскриено со маска. Дури и кај субјекти завртени наопаку и спортисти со кацига се препознаваат и се остро се фокусираат.

Фотографирањето птици во лет е еден од најголемите предизвици за фотографите на диви животни. Но, EOS R7 препознава птици и совршено може да ги следи додека го прелетуваат пејзажот, што ви овозможува да им го доловите и најдискретното движење со брзина до 15 fps со механичката бленда, или со брзина од 30 слики во секунда кога ја користите електронската бленда на фотоапаратот.² Алгоритамот на фотоапаратот препознава и мачки и кучиња.

А за фотографите на мотоспортови, EOS R7 може да следи возила, вклучувајќи и мотоцикли и автомобили. Фотоапаратот може дури и да разликува возила без и со покрив, фокусирајќи се на кацигата на возачот кога е видлива.

Првобитната или почетна точка или зона за AF може да се постави така што ќе можете да контролирате од каде ќе започнете и фотоапаратот почнува да следи од таму.

EOS R7 може да се постави да даде приоритет на одреден тип субјект наспроти останатите, па дури и колку брзо да фокусира други субјекти кои влегуваат во кадарот - одлично кога фотографирате одреден спортист, на пример.

Она што им одговара на едни, може да не им одговара на други, па токму затоа, на EOS R7 му додадовме четири опции за AF - однапред поставени параметри за начинот на фокусирање дизајнирани за различни начини на работа.

Опција 1:
Општо. Идеално за повеќето субјекти во движење

Опција 2:
Ги игнорира пречките и продолжува да ги следи субјектите. Добар избор за фотографирање спорт и диви животни кога субјектите може привремено да се покриени од објекти во преден план.

Опција 3:
Брзо реагира. Користете ја кога го чекате субјектот да се појави во кадарот: на пример, планински велосипедист одеднаш скокнува во кадар.

Опција 4:
За субјекти што набрзина забрзуваат или забавуваат, како мотоцикли што влегуваат или излегуваат од кривина.

Опција A [АВТОМАТСКА]:
Дозволете камерата автоматски да ја избере најсоодветната опција за субјектот од горенаведените опции.

651 зона за фокусирање се распоредени низ целиот кадар. Користете ги сите кога следите субјекти кои брзо се движат или поединечно или во групи кога сакате да бидете поконкретни. Флексибилната зона за AF на EOS R7 овозможува прилагодување на големината и положбата на површината за AF, за точно да одговори на вашите барања.

AF во 1 точка
Имајте целосна контрола врз фокусирање со AF во една точка. Одличен за работење со макро.

AF во точка
Фокусирајте на уште помала површина од AF во 1 точка и добијте врвна селективна контрола.

Проширете ја површината за AF (горе, долу, десно или лево)
Се одбира една точка за AF, а фотоапаратот како помошни ги користи и фокусните точки горе, долу, десно или лево - ова е практично кога треба да бидете селективни, но и субјектот е во движење.

Зголемување на површината за AF (наоколу)
Слично како опцијата погоре, но со многу повеќе фокусни точки за уште поголема прецизност кај субјектите во движење.

Флексибилна зона за AF
Групирајте единечни точки за AF во иста зона која може да се движи низ кадарот. Фотоапаратот ќе избира точки за AF само од оваа зона и ќе го следи субјектот во движење сѐ додека се наоѓа во рамките на зоната. Ова е добра тактика кога треба да се концентрирате на субјекти што се наоѓаат во одреден дел од кадарот.

AF врз целата површина
Ги користи сите 651 фокусна точка на EOS R7 истовремено за откривање и следење субјекти низ целиот кадар.

Во темнина, EOS R7 успева да фокусира без колебање и прецизно го заклучува фокусот при слаба светлина дури до -5 EV³ . Благодарение на ваквата чувствителност, автоматски фокус е возможен при многу тесна максимална решетка - дури до f/22. Ова овозможува автоматско фокусирање дури и кога се користат извонредни телефото објективи со телеконвертори.

Кога ќе го земете EOS R7 во раце ќе забележите дека палецот природно се потпира на четиринасочниот контролор за AF што се користи за движење на активната фокусна точка или фокусна зона низ кадарот. Опкружен е со приспособливо контролно тркалце, па не морате да се мачите да барате други функции.

Кога окото ви е прилепено за фотоапаратот, можете да допрете и повлекувате за да ја движите активната фокусна точка - користејќи го екранот на допир како подлога за допир на лаптоп.

За оние кои сакаат „фокусирање со задно копче“, AF може да се активира и со вклучување на копчето за AF на задната страна на фотоапаратот, наместо со половично притиснување на копчето за блендата. Копчето за активирање на AF може да се користи за започнување и запирање на следењето и за промена на режимите за ориентација на AF.

Длабочината на полето е мала кога фотографирате одблиску, па режимот за фокусирање со групирање на EOS R7 е одлична алатка за макро фотографирање. Со едно притиснување на копчето за блендата се активира континуираното фотографирање, а фокусот автоматски се приспособува од почетната позиција па сѐ до бесконечност.

Добиената серија на слики - секоја со малку поинакви точки на фокусирање - може да се спои во една слика со помош на нашиот софтвер Digital Photo Professional и да се добие совршена длабочина на поле низ целата површина на фотографијата. Исто така, функцијата за одредување на длабочината на EOS R7 сега овозможува процесот да се одвива во фотоапаратот, со можност за отсекување на длабочината на полето што им овозможува на фотографите точно да утврдат каде започнува да се намалува фокусот.

Dual Pixel RAW
Секој пиксел на сензорот EOS R7 со 32,5 мегапиксели се дели на две фотодиоди, а секоја од нив го гледа светот на малку поинаков начин - исто како очите. Токму оваа мала разлика - позната како паралакса - му овозможува на фотоапаратот да фокусира автоматски со голема брзина и прецизност.

Обично, кога се снима фотографија, сигналите од двете електронски кола се спојуваат и ја создаваат конечната слика. Но, кога фотоапаратот е поставен во режимот Dual Pixel RAW, сигналот на секое електронско коло се зачувува одделно, како две слики во истата RAW-датотека.

Кога се уредуваат таквите Dual Pixel RAW-датотеки во софтверот Canon DPP, можно е одредени параметри да се прилагодат за да се подобри конечниот резултат.

Микро-прилагодување на сликата
Кога сликата не е доволно остра на одредена површина, можно е да се прилагоди за да се постигне врвна острина, благодарение на информациите за длабочината во датотеката со слика.

Поместување на заматувањето
Со Dual Pixel RAW можете да ја прилагодувате позицијата на површините што не се во фокус, или да додадете „ефект на дефокусирање“ за да ја збогатите композицијата, како на пример, со поместување некој предмет што не е во фокус и го попречува субјектот.

Намалување на привидните облици
Светлината што свети директно во објективот може да предизвика внатрешни рефлектирања, инаку познати како „одблесоци“. Ова може да се контролира со Dual Pixel RAW и да се минимизира со внимателно прилагодување.