БРЗИНА И ПЕРФОРМАНСИ

Извонредно брз, со 15 fps и повеќе

За да ги снимите моментите што траат само дел од секундата ви треба неверојатно брз фотоапарат. Ви го претставуваме EOS R7 - турбо фотоапарат без огледало за оние кои фотографираат брзи движења, спорт и диви животни, како и секојдневни слики.

Извонредно брз, со 15 fps и повеќе

EOS R7 од Canon - придобивка - брзина и перформанси

Тој нуди снимање до 15 RAW + JPEG-датотеки секоја секунда со механичката бленда и до 30 fps со тивката електронска бленда 1 . Сето тоа истовремено со AF со следење и автоматска експозиција. Поголемата меѓумеморија ви овозможува снимање до 51 RAW-датотеки или 224 JPEG-слики во една серија од 15 fps2 .


Максималната брзина на електронската бленда на фотоапаратот е само 1/16.000 секунда, што им овозможува на фотографите да го доловат и најбрзото движење, како и да користат широки решетки во светли услови за да ја ограничат длабочината на поле.

Кога ја користите механичката бленда, достапно ви е и фотографирање без треперење - одлично за спортови во затворени простории или фотографирање на настани. Тоа се активира автоматски ако бидат откриени вештачки светилки што треперат и ја темпира секоја фотографија да се совпадне со максималната светлина на светилките. Резултатот е доследна експозиција на секоја слика.

Секвенцијално фотографирање во RAW-формат

Фотографите може да изберат снимање серии на RAW-слики со брзина до 30 fps како една датотека, што им овозможува подобра организација на големиот број слики. Поединечните RAW-слики потоа може да се извадат или да се претворат во JPEG или HEIF-датотеки.

Кога е овозможена функцијата за пред-фотографирање, фотоапаратот ќе снима слики од 0,5 сек. пред притиснувањето на копчето за активирање на блендата, што значи дека секогаш ќе го доловите моментот - дури и ако се случил пред да реагирате. Тој е одлична алатка за фотографирање диви животни, кога го чекате вистинскиот момент за да доловите нешто уникатно.

EOS R7 од Canon - секвенцијално фотографирање во RAW-формат

Создаден за брзи реакции

Ќе ги забележите брзината и брзиот одзив на EOS R7 од моментот кога ќе го земете во раце. Моќниот процесор за слика DIGIC X овозможува речиси моментално вклучување и извонредно брз одзив, така што секогаш ќе бидете подготвени за моментот.

Може да ги зачувувате сликите на брзи UHS-II SD-мемориски картички - благодарение на двата отвора за картички, има простор за две картички.

Процесорот DIGIC X ги контролира и извонредните можности за AF со следење и континуирано фотографирање на EOS R7. Кога користите брзи UHS-II SD-мемориски картички, може да снимате серии од 51 RAW-датотеки, 187 CRAW-датотеки или 224 JPEG-датотеки со брзина до 15 fps со механичката бленда на фотоапаратот. Кога ја користите електронската бленда со брзина од неверојатни 30 fps, може да снимате серии1 до 42 RAW-датотеки, 93 CRAW-датотеки и 126 JPEG-датотеки2.

Процесор DIGIC X од Canon

Контролите на фотоапаратот се подредени инстинктивно, така што природно лежат под вашите прсти и палци кога окото ви е прилепено за фотоапаратот. Комбинираниот повеќенаменски контролор за AF и контролното тркалце се практично поставени во близина на положбата на палецот, така што нема да треба да го тргнете окото од визирот за да ја приспособите точката за AF, да ги промените поставките или да ги прелистувате сликите. Можете и да ги избирате AF-точките со допирање и повлекување на екранот на допир на фотоапаратот.

EOS R7 од Canon - избирач на AF-точки

Течни движења, совршено доловени во видеоснимките

EOS R7 е и одлична алатка за снимање видеоснимки од објекти што брзо се движат, како што се спортовите и дивите животни. Едноставно поместете го прекинувачот за напојување од „фотографии“ на „видеоснимки“ и ќе бидете подготвени за снимање 4K-снимки при стапка на слики до 60p, а Full HD-снимки до 120p. Движењата течно се репродуцираат, а кога ќе ги забавите снимките, ќе забележите ситни детали благодарение на рамномерните забавени движења.

Визир за лесно користење

EOS R7 има удобен електронски визир со брз одзив и 2,36 милиони точки (EVF) што кристално јасно ви го прикажува светот околу вас. Погледнете го точно тоа што ќе го снимите кога ќе го притиснете копчето за активирање на блендата, од експозицијата и балансот на белата боја, до длабочината на поле и стилот на слика. Можете дури и детално да ги прегледувате сликите преку EVF.

Благодарение на тоа што е приспособлив, може да ги прикажете само оние информации што ви се потребни за снимањето во EVF, така што ќе бидете информирани без одвлекување на вниманието. Корисниците на EOS R7 може да избираат и помеѓу рамномерниот режим (стапка на освежување од 120 fps) и режимот за заштеда на енергија (стапка на освежување од 60 fps).

EOS R7 од Canon - практично користење

За корисниците кои претходно користеле DSLR-фотоапарати, EOS R7 EVF има режим за помош за OVF што го симулира користењето оптички визир, при што прикажува колку што е можно повеќе динамички опсег и градација на тонови. Тоа е доживување слично на DSLR од нов систем на фотоапарат без огледало.

  1. Брзината на континуирано фотографирање може да се разликува во зависност од различни услови, погледнете ги спецификациите за да дознаете повеќе информации.
  2. Според стандардите за тестирање на Canon со UHS-II-картичка од 32 GB (при AF со една снимка, ISO 100. Стандарден стил на слика) Бројот на слики зависи од различните поставки и објективи што се користат. За подетални информации за поддржаните објективи, одете на „cam.start.canon

Слични статии

  • Next Generation Autofocus

    ПРИДОБИВКА

    Нова генерација на автоматско фокусирање

    Го опремивме EOS R7 со вештачка интелигенција со длабоко учење и AF со iTR-технологија, исто како и нашите фотоапарати EOS R3, EOS R5 и EOS R6.

  • Image Quality

    ПРИДОБИВКА

    Квалитет на слика

    Без разлика дали фотографирате или снимате, CMOS-сензорот со 32,5 мегапиксели и процесорот за слика DIGIC X на EOS R7 ќе ви обезбедат врвни резултати.

  • Move to Mirrorless

    ПРИДОБИВКА

    Преминете на модел без огледало

    Дали размислувате да набавите подобра опција од вашиот DSLR од Canon? EOS R7, чие ракување наликува на DSLR-фотоапарат, е опремен со нови технологии и ви нуди интуитивни контроли што ќе ви бидат добро познати.

  • Ново ниво на стабилизација на слика

    ПРИДОБИВКА

    Ново ниво на стабилизација на слика

    Замислете си да можете да фотографирате долги експозиции рачно, а притоа намерно да ги заматувате субјектите во движење без да користите статив.

  • Connect with audience

    ПРИДОБИВКА

    Поврзете се со вашата публика

    EOS R7 е фотоапарат со многу опции за поврзување и може да го користите заедно со вашиот паметен телефон, таблет-уред или компјутер преку апликацијата Canon Camera Connect.

  • СПИСАНИЕ

    Добијте инспирација, пријавете се веднаш

    Не пропуштајте ги никогаш најновите понуди од Canon, совети и водичи, вести и покани за локални настани.