Не прекинувајте го вашиот креативен процес

Преминувањето кон системот EOS R без огледало ви носи огромни креативни придобивки и ви овозможува да го фотографирате она што порано не би можеле. Промената е голема, но бидете уверени дека: вашиот постоечка опрема сосема непречено ќе работи на EOS R7.

Електронскиот визир на фотоапаратот од 2,36 милиони точки е голем, светол и детален, нуди покриеност од 100 проценти и прегледува како точно ќе изгледа фотографијата кога ќе се сними – вклучувајќи ги експозицијата, балансот на белата боја, стилот на сликата и длабочината на полето. Доцнењето и затемнувањето на визирот речиси сосема се елиминирани, што ви овозможува поприродно и пореалистично доживување.

Удобен е за користење, дури и при долги периоди на работа, благодарение на зголемувањето од 1,15x и растојанието од куќиштето на фотоапаратот до окото од 22 mm. Стапката на освежување е со брзина од 120 fps², што на подвижните предмети им дава природен изглед. Може да се избира помеѓу режим за заштеда на енергија и режим за непречена работа, за да добиете највисоки перформанси.

Кога треба да се приближите, а не е повеќе возможно, EOS R7 ви дава голема предност. Фотоапаратот е изграден врз сензор со APS-C-големина, што на објективите им дава 1,6x поголем телефото опсег во споредба со истата фокусна должина кај фотоапарат за целосна слика.

Ова значи огромно зголемување за фотографирање диви животни, спорт и движења, каде исполнувањето на кадарот од далечина е најважно. Добијте професионални слики со опрема што е значително полесна и пренослива и која нема да ви пречи при движење.

Корисниците кои преминуваат од DSLR-светот на EOS R7 брзо ќе се привикнат новиот фотоапарат. Контролите ќе бидат таму каде што очекувате, а навигацијата низ страниците на менито ќе ви изгледа познато и многу подобро. Има дури и режим за помош OVF што го симулира доживувањето на оптички визир – користи технологија HDR за да ги долови деталите во темните сенки и осветлените површини – наместо да ги прегледувате ефектите на сликите.

Објективите EF и EF-S од Canon се компатибилни со EOS R7 преку адаптер за објективи (има три во опсегот). AF, AE, IS и повеќето останати технологии за објективи работат на сличен принцип.

И EOS R7 користи батерии од истата серија LP-E6 како што е случај со многу наши DSLR-фотоапарати, вклучувајќи ја серијата EOS 7D, како и EOS 70D, EOS 80D и EOS 90D – што овозможува повеќе куќишта на фотоапарати да користат ист вид батерии.¹

Дизајнот на секој фотоапарат EOS еволуира, се надградува од претходните модели, но има и нови функции. На пример, EOS R7 располага со палка за избирање на AF-точка опкружена со контролно тркалце – комбинација на две контроли класични за EOS. Се наоѓа веднаш до визирот, онаму каде ви се потпира палецот додека го држите фотоапаратот, совршен за брзо и инстинктивно фотографирање.

Преклопникот за режим на фокусирање е поставен на предната страна на фотоапаратот и лесно се наоѓа додека фотоапаратот ви е на око. Ова на фотографите им овозможува лесно да избираат помеѓу автоматски и рачен фокус, дури и кај објективи коишто немаат сопствен преклопник за фокусирање. Во средината на преклопникот има приспособливо копче за функции што може да се програмира и да извршува неколку различни улоги.

Како што може да се очекува од фотоапаратите EOS, многу од контролите се прилагодливи и нивната работа може да се програмира така како што ви одговара. Главното систематско мени располага со прилагодливо Мое мени што ги чува вашите најчесто користени команди на едно место и три приспособени режими на фотографирање што ви овозможуваат веднаш да го користите омилениот начин на работа.

Екранот на допир со променлив агол им овозможува на фотографите да обликуваат и фотографираат од невообичаени агли и нови перспективи, а на снимателите да снимаат удобно и со максимална стабилност.

EOS R7 е отпорен на прав, нечистотија и вода, благодарение на цврстата конструкција од магнезиумска легура и повеќе гумени заштитни заптивки³. Доколку работите во опкружувања со лоши услови, или ако се расипе времето, можете самоуверено да продолжите да фотографирате – и никогаш да не го пропуштите моментот.

Но, цврстата изработка не значи дека EOS R7 е тежок за носење. Всушност, полесен и попренослив отколку EOS 7D Mark II, што го прави совршен избор за фотографите кои се во движење.

EOS R7 поседува два отвори за мемориски картичка UHS-II SD што ви овозможуваат да фотографирате со самодоверба кога работите под притисок. Може да се конфигурираат на многу начини.

За автоматско снимање на резервна копија – одлична опција кога фотографирате важни настани и ви треба осигурување во случај да се случи најлошото. Омилена тактика на фотографите за патувања.

Прелевање – кога едната картичка е полна, фотоапаратот автоматски ги зачувува фотографиите на другата, па не мора да престанете да фотографирате ниту за момент. Одлично за фотографирање свадби, диви животни и спортски настани, кога не сакате да пропуштите ни секунда.

JPEG на едната картичка; RAW на другата – зачувајте група пробни копии одделно во RAW-датотеките што ќе ги користите за уредување.

Видеоснимки на едната картичка; фотографии на другата – организирајте ги вашите содржини или користете поголема картичка за видео, а помала за фотографии. Одлично за хибридно фотографирање на настани или на документарни проекти.

EOS R7 има нов напреден приклучок за блиц за брзо и лесно поврзување со нови уреди и додатоци. Тука спаѓаат дигиталниот микрофон и адаптерот за микрофон XLR, за да ги збогатите вашите видеоснимки со звук каков што заслужуваат. Одредени блицови Speedlites и предаватели Speedlite се поврзуваат со фотоапаратот на истиот начин, за да можете да ја преземете контролата над осветлувањето.