Нов стандард за квалитет на слика кај моделите за целосна слика

Фотографирајте насекаде и во секое време благодарение на неверојатниот опсег на ISO

Примената на сензор за целосна слика овозможува поголема контрола врз длабочината на полето и доволно моќ за снимање одлични слики при слаба осветленост. Со максимална вредност на ISO од 40.000, може да фотографирате без блиц, а сепак да ги задржите деталите и боите. Фотоапаратот EOS RP од Canon овозможува лесно и брзо менување на вредноста на ISO преку контролниот прстен на објективот или приспособливите вртливи копчиња за да можете поинстинктивно да фотографирате.

Побрза обработка на слика благодарение на DIGIC 8

DIGIC 8 е најновиот процесор за обработка на слика од Canon што нуди најбрза обработка на слика досега и овозможува побрзо ракување за да трошите помалку време за обработка по снимањето и да добивате слики со повисок квалитет од самиот фотоапарат.

Моќта на DLO во моментот кога ја снимате сликата

Дигиталното оптимизирање на објективот (DLO) ги коригира оптичките аберации и намалувањата на резолуцијата предизвикани од нископропусниот филтер на фотоапаратот, преку примена на инверзна функција на сите снимки со цел да ја направи сликата послична со изгледот на сцената гледана со голо око. На овој начин се создаваат детални и висококвалитетни слики со прилагодлива големина на датотеките, што на фотографите им овозможува максимален квалитет на слика и поголема флексибилност. EOS RP од Canon може директно да пристапи до информациите за профилот на објективот ако користите RF-објективи и да ги искористи за оптимизација во реално време веднаш по снимањето на сликата.

Целосен приказ

100% детали

Нови нивоа на стабилизација на слика

Стабилизацијата на слика во 5 оски и Dual Sensing IS создаваат моќна стабилизација за вашите снимки и го намалуваат тресењето на фотоапаратот за да имате слобода да создавате без намалување на квалитетот. Овој двоен систем им овозможува на објективот и на фотоапаратот да работат заедно во реално време заради поголема стабилност (Dual Sensing) преку системот за комуникација во приклучокот за монтирање објективи.

Фотографирајте во RAW-формат и доловете повеќе

Датотеките RAW со 14-битна технологија кај EOS RP од Canon имаат богата градација на тонови за оптимален квалитет на сликите кои можат да се обработат во самиот фотоапарат или преку бесплатен софтвер од Canon како што е Digital Photo Professional за компјутери со Windows или Mac, или софтверот DPP Express за мобилни/паметни уреди. И опцијата Compact RAW (C-RAW) е достапна кај EOS RP од Canon, за да заштедите простор без речиси никакви загуби во квалитетот на сликите.