Домашно направени украси за маса: совети и идеи за модели од хартија

Независно дали станува збор за роденденска забава, празничен оброк или продолжена семејна дружба, сите сакаат да ја украсат својата маса за да ги импресионираат гостите. Правењето сопствени украси за на маса не само што е поевтин начин на организирање вечера за гости, туку е подобро и за животната средина бидејќи по настанот може да ги рециклирате хартиените украси - или да ги зачувате за некој настан во иднина.

Canon ја предизвика професионалната стилистка Dani Tucker од The Social Kitchen да направи „аранжман на маса“ со медиум каков што не користела досега - хартија. „Аранжман за маса е процес во кој правите масата да изгледа апсолутно прекрасно“ - објаснува Dani, „но тоа не мора да биде многу скап процес. Јас мислам дека тоа е процес во кој треба да бидете креативни со украсувањето на масата и во кој треба да внесете малку карактер“.

Погледнете како Dani ја заврши задачата и дознајте одлични совети за изработка на сопствени украси од хартија за маса.

• Ножици
• Лепило/пиштол за лепило/самолепливи точки
• Прав/триаголен линијар
• Печатач Canon PIXMA, како што е серијата PIXMA TS7450a
• Мат фотохартија од Canon
• Веб-страница Creative Park

За да направите сопствен аранжман за маса, треба да започнете со избирање тема, а потоа сè што ќе ви биде потребно е хартија, печатач и неколку дизајни. Creative Park нуди многу бесплатни шаблони, почнувајќи од хартиени модели на згради и животни па сè до украси, држачи за салфети и имиња на места, за да ви помогне да го започнете процесот побрзо. За цветен аранжман за маса, на пример, може да употребите шаблони од цвеќиња и пеперутки што ќе ги залепите за да добиете светол чаршаф за на масата, во комбинација со украсени картички со имиња што ќе внесат малку карактер во аранжманот.

Во оваа пригода, темата беше зима. Dani објасни дека го започнала својот процес со палетата на бои. „Избрав златна, жолта и кафеава боја бидејќи сакав да добијам природни тонови. Потоа ги собрав елементите со кои ќе го добијам конечниот изглед, држејќи се во рамките на избраната палета на бои. Сакав да изгледа зимски па затоа додадов еукалиптус [што често се става во новогодишните венци], а потоа додадов неколку свеќи за да го разубавам амбиентот“.

Нема потреба да трошите многу пари за да ги направите украсите за на маса, па затоа Dani секогаш користи секојдневни предмети во нејзиното стилизирање. „Сè што употребив може лесно да се најде“ - вели таа. „Употребив стари тегли од џем како држачи за свеќи, или вазни што ги наполнив со други реквизити“.

Dani употреби шаблони за жолти снегулки во комбинација со минијатурни бувови со кои го започна аранжманот на масата. Потоа стави шишарки и лисја што ги собра за да направи контраст од златни и зелени тонови.

Пред да ги отпечатите избраните дизајни, проверете дали имате соодветен медиум за нив. За сите шаблони од Creative Park се наведени специфични видови на хартија, а најчесто е потребна мат фотохартијата од Canon. Таа може да направи голема разлика во конечната структура, бидејќи мат фотохартијата ви овозможува да добиете поцврст модел отколку со стандардната хартија за печатење.

Може да печатите директно од вашиот паметен телефон преку веб-страницата Creative Park.

Откако ќе ги отпечатите сите шаблони, време е да почнете да ги склопувате - во зависност од бројот на шаблони што ќе ги склопувате, работата може да ја поделите на повеќе дена за да бидете сигурни дека ќе добиете резултати со највисок квалитет.

Следете ги инструкциите внимателно бидејќи за некои модели треба да го превиткате дизајнот пред да го исечете. Потоа исечете ги шаблоните и превиткајте ги сите јазичиња што треба да ги залепите. Спојте ги шаблоните со лепило и оставете ги да се зацврстат и исушат.

Можете дури и да ги приспособите дизајните за да добиете уникатни украси за вашата прослава. „Приспособете ги шаблоните со пишување имиња врз шаблоните од ѕвездите или куќите“ - предложува Dani. „Или, пак, ако забавата е роденденска, може да ја напишете возраста на славеникот или да напишете „среќен роденден“. Мислам дека убав ракопис и пенкало може да бидат многу паметни и ефикасни украси“.

Dani ги приспособи оригиналните шаблони за нејзината тема - на пример, шаблоните за ѕвезди ги пресече на половина за да може да ги стави ѕвездите хоризонтално на масата, а моделите од украсни куќички ги залепи за да добие поцврсти модели. Исто така, ги прикачи малите картички со мени врз поголеми картички за да добие рамки, а шаблоните за снегулки ги заврте обратно за да ги усогласи боите со темата.

Сега завршивте со шаблоните и време е да ги ставите на масата. Прво треба да ги ставите чиниите, приборот и чашите, а потоа да ги наредите украсите околу нив.

Dani препорачува прво да ги ставите поголемите предмети, а потоа да продолжите со редење на помалите предмети. „Започнувам со ставање на прекривката на масата“ - вели таа, „потоа ги додавам најголемите предмети како цвеќиња во вазни или цвеќиња распоредени на масата, а потоа ги ставам помалите предмети и ги распоредувам најмалите предмети насекаде по масата“.

Ставете ги најважните декорации на средина на масата - тоа може да бидат цвеќиња, парчиња дрва, шишарки, па дури и свежо овошје, како цели портокали или тикви, во зависност од темата. Потоа продолжете со помалите предмети како листовите со мени и картичките со имиња, што можат лесно да се стават покрај секоја чинија.

Dani предлага групирање на предметите во непарен број - таа секогаш става по три декорации за да добие подобар изглед.

Штом завршите од овој аспект, време е да ги ставите помалите хартиени украси околу нив, редејќи ги по ваша желба. Зошто не ставите минијатурен був покрај секоја чаша? Потоа може да ги ставите конечните детали, како прстени за салфети и други мали украси.

Dani беше импресионирана од бројот на бесплатни шаблони што се достапни во Creative Park и уживаше во инспирацијата што ја доби од нив. „Мислам дека предизвикот беше одличен, имав слобода да бидам многу креативна со хартијата и направив сè да изгледа прекрасно - не сум направила вакво нешто досега, поради што ја разбудив креативноста во себе“ - вели таа.

Ако добивте инспирација да направите сопствен проект, пребарувајте со хаш-ознаката #MadeWithPixma за да погледнете повеќе креативни идеи и потоа споделете ги вашите аранжмани од хартија за маси, а притоа ставете ја ознаката @canonemea.

Зошто не ја украсите вашата маса со модели од хартија, независно од пригодата?

Напишано од Tamzin Wilks