Повикајте ја дивината: отпечатете своја авантура со животни

Истражувањето на животинското царство може да понуди бескрајни можности за игра за најмладите, така што е совршена комбинација на уживањето и образованието. Ако барате активност што ќе ја поттикне вашата креативност и ќе им помогне на вашите деца да ги научат најслатките и најмоќните суштества на светот, зошто да не се обидете со изработка на хартиени модели?

Canon Creative Park е бесплатен онлајн ресурс што е полн со проекти за модели од хартија инспирирани од животните и соодветни за забавен ден со семејството во домот. Сè што ви е потребно за да го создадете вашето сопствено сафари е печатач и нетрпеливи изработувачи. Од гепарди и коали до црвени панди и кралски пингвини, постои широк избор на животни од целиот свет и многу можности за забава додека целото семејство учи повеќе за природата.

Блогерката Fariba Soetan живее во Лондон со сопругот и трите деца. Овде таа раскажува како нејзиното семејство ги користело Creative Park и печатачот од серијата Canon PIXMA TS8350 за да приреди многу забавна авантура со животни.

Не ви се потребни многу алатки за да започнете со вашето домашно сафари - потребни ви се само доволно ножички за сите, печатач, хартија и малку лепак или леплива лента.

„За покомплицираните животни веројатно ќе ви требаат поостри ножици, а не детски, бидејќи има мали делчиња што мора да ги изработите,“ вели Fariba, која препорачува возрасните да им помогнат на децата при сечењето на дизајните.

За секој шаблон на веб-страницата Creative Park има предложена хартија што е најдобро да се користи за да се добијат најдобрите резултати. Висококвалитетната хартија како што е Plus Glossy и мат фотохартијата се одлични опции за живописни отпечатени модели на животни. Fariba користи и печатач од серијата PIXMA TS8350 за јасни и живописни отпечатени материјали. „Нарачавме подебела хартија, која не е како обичната хартија за печатење. Кога ќе ја превиткате, ја задржува формата,“ вели таа.

Creative Park нуди секакви видови на шаблони. Ова значи дека децата можат да го изберат и изработат животното коешто им се допаѓа, без разлика дали е тоа егзотична ѕверка или некое локално животно.

Преземете ги омилените хартиени шаблони преку веб-страницата Creative Park и отпечатете ги на домашниот печатач. Изберете шаблони за различни видови на вештини, со што целото семејство ќе се забавува додека ги составува моделите.

„Ја посетивме веб-страницата, девојчињата ги разгледуваа животните, а јас им помогнав да одберат според нивото на тежина.“ Им беше многу забавно, а се на возраст на којашто секоја си има омилено животно“, вели Fariba, чиишто ќерки имаат шест, осум и десет години.

„Секој родител си ги познава децата и им ги знае способностите. Имате огромен избор на животни“, продолжува.

„Ви препорачувам да изберете нешто што ќе им го задржи вниманието, а постарите деца можат да ги изработуваат посложените шаблони, како на пример гепардот, којшто го одбра и ќерка ми.“

Меѓу најзабавните фази од процесот на изработка на хартиените модели е превиткувањето и спојувањето на деловите од животните преку коишто оживува сафарито или куклената претстава. За Fariba, ова е одлична семејна активност за викендите.

„Активноста е интересна и овозможува користење на повеќе вештини, со што децата ги развиваат прецизните моторни вештини со сечење и лепење, ја подобруваат концентрацијата и составуваат 3D-модели.“

„Одлична е за во неделите кога барате идеја за нешто што може да се прави дома бидејќи им овозможува на децата да ја користат креативноста“, вели таа. „Можат да работат самостојно, а вие да ги надгледувате со шолја чај во случај да треба да им одговорите на прашањата. Ќе се забавуваат додека ги изработуваат шаблоните, а подоцна можат и да си играат со животните.“

„За моделите за куклена претстава имате голем избор на очи, шапки и други додатоци. Децата се забавуваа додека ги избираа додатоците, па така на пример одбираа различни очи за секоја кукла за да се разликуваат една од друга, што беше навистина симпатично.“

Без разлика дали сте отпечатиле и создале цело стадо диви животни од рамниците на Африка, европска шума како од земјата на чудата или смешна и креативна куклена претстава, игрите се одлична можност за развивање на креативноста на децата.

Децата на Fariba избраа претстава во којашто учествуваше и нивниот домашен миленик и уживаа во замислувањето на звуците коишто би ги испуштале нивните ликови. „Сакаа да приредат куклена претстава во којашто ќе си играат и со куклите и со зајакот“, вели Fariba. „Се забавуваа додека смислуваме имиња за животните и се обидуваа да го имитираат звукот на жирафата, иако не знам баш дали го погодија.“

Темите како заштита на дивиот свет може да се тешки за родителите, но со ваквите интерактивни активности децата учат додека се забавуваат. Лесно може да се научи за природата преку претстава со кукли од хартија, без разлика дали станува збор за квизови со животни, раскажување приказни со модели од хартија или разговарање за природните живеалишта и однесувањето на ликовите коишто ги одбрале вашите деца.

„Разговаравме околу тоа кои животни живеат заедно бидејќи хартиените кукли беа панда, нилски коњ, тигар и жирафа и дали сите животни имаат исто живеалиште“, вели Fariba.

Активностите нудат и простор за разговор на чувствителни теми како животниот циклус. Покрај тоа, родителите имаат можност да објаснат дека некои животни имаат специфичен изглед за да се скријат од предаторите или да дојдат до храна.

За да пронајдете активности во коишто ќе може да се вклучи целото семејството, посетете го Creative Park и инспирирајте се од огромната збирка на шаблони со животни коишто се совршен избор за деца коишто имаат креативна страна и ја сакаат природата.

Можете дури и да ги изнесете хартиените животни надвор и да ги поставите во најсоодветните живеалишта, како на пример под дрва, во висока трева или на карпи, и да создадете свој парк со диви животни во дворот.

Напишано од Lorna Dockerill